星期三, 1月 15, 2014

施捨報告X阿富汗戰爭12年


以下係某狼人支持者係12年前寫o既野,仲搞到差D無得撈。佢而家咁識時務,唔知佢12年前寫o既野,又適唔適合形容今日時務?

「阿富汗居民依家活係水深火熱、滿目瘡痍、民不聊生o既時候,佢地o既塔利班政府依然好努力做出最後一份施政報告,希望呢份報告為佢帶來繼續五年留任。呢份報告首要o既項目就係不斷接濟居民,但好可惜,災民實在太多,災場實在太大,可以接濟o既實在太少。好多居民認為佢地唔見左一間廠,依家空投一粒糖,簡直於事無補。不過,最唔滿意就係塔利班政府,空投最多o既係支票。」

「咁多年黎,D空頭支票太多,冇一張兌現過,所以好多居民都唔希罕呢份施政報告,不如索性叫做『施捨報告』,。面對呢份於事無補o既『施捨報告』,好多長老索性叫塔利班唔好留任。面對呢次責難,塔利班點回應呢?佢話,係國家最艱難o既時候,作為領導要堅決不移,賴死唔走。」「既然佢唔走,好多居民認為不如自己走,最希望就係塔利班畀支槍佢地,拎住上前線同美國人打仗,希望一個好彩被捉去做俘虜,都有兩餐飯食,或者索性叫北方聯盟落黎接管,要求快D派人落黎接管,唔好畀佢地搞搞震。」

1 則留言: