星期三, 12月 26, 2012

純粹創作-聖誕禮物


今日係Boxing Day,朝早起左身Mandy一家一齊拆開親朋好友各自送俾自己o既禮物。Mandy細佬Anthony今年收到一條頸巾,望住細佬條頸巾的款式同收尾的方式,大後日就結婚的Mandy百感交集

--------------------------------------------------------------------------------------------

五年前的十二月頭,Mandy識左個男仔叫Raymond,趕得切第一次有人約出街一齊過聖誕節。Raymond高大靚仔,外型好襯嬌小的Mandy,不過性格好大男人又粗心大意。

好快就聖誕,第一次拍拖的Mandy,決定親手織條頸巾俾男朋友。經過兩個幾星期o既幾乎日夜不眠咁學同織,織場新手終於完成左佢第一條DIY頸巾。由於是初哥,加上收尾時太緊張關係,頸巾的其中一條邊好似捲埋左。

平安夜,外邊的氣溫廿度。 Mandy小心翼翼將條頸巾放左係個長方紙張盒入面,然後就出去同Raymond約會。

食完晚飯之後,兩個人行到時代廣場,忽然間Raymond接到朋友電話,叫佢入去西貢BBQ加吹水吹通頂。Raymond捻都唔捻就決定撇低女朋友,臨行前匆匆交換完禮物就走左。

無幾耐因為Raymond唔識關心Mandy的關係,農曆年前佢地就分左手,結束佢地短暫o既情緣。

-----------------------------------------------------------------------------------------------

Mandy回想起當日失戀喊到豬頭的時候,最關心自己o既男人就係Anthony,仲介紹左未來老公俾自己;估唔到自己第一份心思,最後竟然會俾左自己細佬!

 Anthony戴起左條頸巾,好開心咁走去同Mandy講:「家姐,條頸巾好靚啊!」

「靚乜鬼,你睇下個尾捲起晒o既,等家姐織過條俾你好過啦!」

其實心水清的Anthony一早就知份禮物係家姐織o既頸巾,份野經過五六次春茗抽獎同聖誕交換禮物活動輪迴後,外面果層花紙同裝飾仍然同五年前Mandy包果陣無變過。

為左唔好俾Mandy發現,Anthony專登重新包過份禮物先拎番屋企。佢仲擔心同樣眼尖的家姐會放唔低舊情人,影響出嫁o既心情,所以特登戴黎試下家姐。

 P.S.聖誕佳節,此終都要送禮勤。




星期五, 12月 21, 2012

我就係唔信有末日

各位朋友:

「末日」先黎冬至,就係大家要記得返屋企同家人一齊食飯呀!


理性得無可救藥的人寫在「末日」前

星期六, 12月 15, 2012

給已長大的你們

不再寶寶的你們:
我走了差不多五個月,你們的老大也離開了快兩個月了。
不知道這幾個月來你們學懂了甚麼,但我知道,没有了我們,你們一定會成長得更快。
有些問題,還是經歷過才懂得面對,學會面對高層的壓力,無理的要求。這些痛就是你們他日出走的本錢。
行頭雖小但世界很大,這是我的感受。
也恭喜你們有人考到專業資格,希望有天我們會在更好的地方並肩奮鬥吧!
文 12/15

星期六, 12月 01, 2012

2012大事回顧

電視台今年使乜做大事回顧?

車公年頭都講中晒!

"何為邪鬼何為神,神鬼如何兩不分。但管信邪修正外,何愁天地不知聞。"

講完,播歌!