星期日, 2月 05, 2012

只說不做

講黎講去得個桔

最近大家都為「中港衝突」o既話題嘈得興高采烈。

反蝗蟲o既就舉晒所有大陸人係香港做o既壞事,如何令人神憎鬼厭。反反蝗蟲o既講中港一家親,包容不足唔好歧視大陸人。

睇落事情o既發展,同以前咁多單o既事情一樣,大家都係佔領道德高地為先,抽完水就收隊。問題核心仍然存在紋風不動,大家各抒己見之後,究竟有冇整合雙方論述,提供解決辦法呢?

答案當然係無。

遠在北京o既陳冠中透過代表傳話叫大家去搵政府、人大政協算帳。我覺得佢幾「頭巾氣」,如果政府同果班政協有料到就唔會支持起西部通道等等呢一大堆垃圾基建,更加唔會選到劉迺強呢D連退伍軍人桿菌都唔識,淨識寫恐怖襲擊膠文o既廢柴基本法委員加政協。不過陳先生教大家「冤有頭,債有主」,咁佢有冇追過債呢?

答案當然係無。

講番政府,自由行雙非嬰o既問題,已經唔係第一日發生。除左林公公隻人面獸心,話雙非嬰有望成為二三十後香港勞動生力軍外,政府有冇表達過完整o既立場同應對方案?

答案當然係無。

----------------------------------------------------------------------------------------------------------------------------

靠祖國,靠得過咩?

如果你係海洋公園,站係最前線服務遊客,每日面對10%野蠻又不可理喻o既大陸客人,你覺得你會有怨氣同反感嗎?當你服務完佢地之後,唔該都無句仲要換來臭罵一頓,你覺得你會有怨氣同反感嗎?

如果以10%作推算,中國大陸而家有一億幾人又野蠻又不可理喻,你唔覺得好恐怖嗎?就算係全世界人口咁計,每七十個地球人就有一個,即係行過畢打街已經有三幾個又野蠻又不可理o既人,咁你唔覺得好得人驚?

以一班親中人士同新左派o既論點,要教好一億人當然好難,但佢地分散係全國各地,靠十三億同胞教好佢地唔難喎!況且我地仲有國家嘛,要「建設文明祖國」一D都唔難! OK,但係改革開放以來,除左大城市有做過基本o既道德教育之外,國家有做過D咩去建立令全國社會融洽o既道德同衛生價值呢?

請問有邊個數到有?改革開放三十幾年黎,究竟做到D咩成績呢?無人睇得到,就算有亦贏唔到掌聲。



就算無能力處理唔到國內問題,你都可以教育下出外旅遊o既國民要懂得入鄉隨俗卦!出門時要懂得當地道德禮儀價值,說話要小心唔好亂講野,以免影響國家形象。但睇完以上條片,好明顯國家唔識做野,淨係識得係紐約賣唱好中國廣告,以為咁就塑造到國家形象,查實有撚用咩。

---------------------------------------------------------------------------------------------------------------------------

現在已經改不了,請守住未來。

頭先講到o既核心問題,就係香港係自由行下付出左幾多額外o既社會成本?雙非嬰會為香港政府財政支出增加幾多負擔?教育要增加幾多支出?醫療要增加幾多支出?房屋要增加幾多支出?未來政府會如何推出政策令呢批人成為經濟發展o既一員?如何令呢批人成為守住甚至推動社會公義同法治o既一員呢?

最後,我地未來o既財政計劃同政策配套能唔能承擔得起呢一堆支出?班雙非嬰大個之後,會有幾多係持續留港貢獻同發展香港未來o既人才?

香港人呀,依照現時情勢,你地絕對係無say o既一群。但如果係仍然認為香港未來有你份,以上一堆問題你要捻好答案,仲要不停向政府以手口腳表達你o既關心同你堅定o既立場。These are the things you should do.

要守住香港o既未來,不能只說不做。

--------------------------------------------------------------------------------------------------------------

喜歡這篇文章o既朋友,應該睇埋:

小政府,大陸客,和諧人

蝗蟲與草蜢

3 則留言:

  1. hk政府之前唔做野, 原因:
    1. 中港融合係北京制訂治港政策的大原則, 香港政府唔敢異議, 否則抗拒中港融合罪名, 邊個想學陳方安心 ?
    2. 雙非孕婦對hk醫療產業賺好多 $, 私家醫院/醫生賺到笑, 所謂醫療旅遊, 其實得呢一樣野做到 (其它如換腎/肝, 當然在大陸快手過hk, 鬼黎hk咩?)佢地背後又同商界千絲萬縷, 邊個敢郁 ?
    3.今年北京換屆, 邊個係老細都未知, 點會有人郁胡總自2003年以來既大方針 ?
    4. hk今年換特首, 有大動作都係留番俾下一任。

    結論, 要hk政府做野 ? 最快都要年底~~

    回覆刪除
  2. 記得狼英提出過未來政府要規劃好「人口政策」,可見連佢都預見到個炸彈隨時爆,點知,佢講完冇耐真係爆,唔通佢有份搞野?!

    回覆刪除
  3. 我一D都無興趣理果班「坐皋比」以前而家同以後搞D乜。成日鬧D官唔識做事,但你又做過D咩事付出過D咩呢?

    問題係你選擇唔展示立場展示實力,你o既下場咪同五區公投個下場一樣囉,等住人講「抵撚你死啦香港人」。

    到時2046都截唔停陸客血腥自駕,雙非人士逼爆香港醫療教育福利系統,咁你到時咪嘈極都無用囉,覆水難收,自歎戇鳩!

    回覆刪除