星期一, 11月 07, 2011

十五年未到,已經忘了五十年的承諾

近排都無人提「五十年不變」呢五隻字。

或者,「五十年不變」同「八萬五」一樣已經唔存在啦。

過往,我都天真地相信有「五十年不變」呢樣野。生於八十年代o既我,本捻住有五十年享受下法治社會生活,到時老到懵懵下咪由得佢囉。點知但而家已經係民粹社會,建制人士恃民意任意妄為損害民眾利益。

大家都沉醉係當下,連我呢一代人都有,更有人想導我沉醉埋一份。場景一如百幾年前國人食福壽膏,大家都好快樂打算咁可以一世。

歷史係會重演,不過演員唔同左o者。福壽膏風行不過十載,但遺毒一直至民國,國勢自此一厥不振。照史書而行,我呢類小角色面對時局無能為力,應該儲錢買定花生等睇戲,但我擔心到時局勢慌亂,有錢又何處買花生?

襯未亂前,應該睇多套卡通片。

4 則留言:

  1. 自己人打自己𠆢,唉,漁入得利

    回覆刪除
  2. 知否世事常變,變幻原是永恒,此中波浪起跌,當然有幸有不幸。

    回覆刪除
  3. 卡臣兄:

    政治分歧本是敵人,唔跌得痛點會成熟。正如當年人人喊打鄭大奸,而家咪又証明佢地o岩。

    多左大批唔成熟o既投票者同唔投票o既選民先係弊端啊。有時都會問,點解唔強制全民投票呢?

    Eben兄:

    愛家愛得深,自然不希望家變。屋企有奸人,你都想佢變好學乖吧。

    想頭家好,唔好淨係叫人俾家用做多D家務就得架嘛,要識得互相尊重同關心,時時飲下茶傾下計講心事,咁樣先得o既。

    回覆刪除