星期五, 8月 27, 2010

後生「可畏」



睇完條片,以為培正小學除左有聖經睇仲有招魂上身服務,片入面李同學好似俾狄娜上身咁。同學仔發表完一輪好似黑洞咁偉大又空虛o既偉論後,臨尾仲送多個響屁俾大家,係人(包括評判)都對你留下深刻印象啦!

後尾睇番大會搵「跳唱女王」拍果條宣傳片,今年個slogan係「愛生活、愛家庭,共創健康人生路。」。

以下呢位以《我的健康人生》為題o既鄒同學,我睇來睇去都唔覺得佢心理屬於健康,睇下佢個校徽就知........



唉~無眼睇,而家同學仔真係好得人驚!

星期二, 8月 24, 2010

我們憤怒與無助,是因為別人的無能。

本來我以為係東南亞地區我見識過最廢o既警察,係出名走甩犯同槍法差o既台灣警察。



2004年,我睇電視新聞見台灣警察捉張錫銘,大棚警察走來走去卒之都係俾佢同陳進雄走甩。果時新聞播住佢地手執M4步槍,但咁多警員圍捕追住佢地射過千發子彈,竟然一槍都唔中,浪射之名真係當之無愧。

今日,我帶住傷痛係電視見識到比台灣警察更廢o既菲律賓警察特種部隊,無腦,攻勢慢,無膽強攻。槍手得一個人,最強勁o既武器又只係支M16,由車頭玻璃同太平門兩面強攻絕對唔係問題,好快就攻得入,真係唔明點解攻咁耐都攻唔入,仲要拎住盾牌都唔敢攻,一槍都唔敢開。我而家先發覺,原來有D地方o既警察真係唔識「除暴安良」。

今次咁多人質遇害,菲律賓警察部門責無旁貸,個部長一定需要下台道歉。

我認為,下一步必需要查清楚人質o既死因,究竟係槍手殺定菲律賓警察誤殺呢?究竟係失救致死定一槍斃命呢?另外,大家係憤怒同時,千萬唔好將負面情緒投射到香港o既菲律賓群體。作為中國人係咪應該回想一下我地唔少祖先輩都同佢地一樣,因為國家落後要離鄉別井打工賺錢改善生活,我地應該為佢地感到高興,至少香港人好少欺凌佢地,仲有一個安全o既環境俾佢地謀生。

打完呢篇扑文,我在此為因無能而死去o既人默哀一分鐘。

星期六, 8月 07, 2010

香江暖流之《最緊要有病》

裁判官指不會因安撫公眾毀包致金姪女一生
(商台)2010年8月6日 星期五 18:36

終審法院法官包致金姪女的襲警案判刑覆核,裁判官阮偉明決定維持原判。阮偉明指,判刑並非考慮被告是有錢人或窮人,而是著重她的本質好與壞,及會否重犯,強調被告是受病情影響而犯案。裁判官又指,判被告入獄的確可以安撫公眾質疑,但會摧毁被告一生。代表律政司的副刑事檢控專員薛偉成說,會考慮是否提出上訴。被告離開法庭時,用圍巾掩面,被大批記者追訪,場面非常混亂,她並無作出回應,警方圍起人鏈,有圍觀市民向被告喝倒采,又辱罵她,被告其後登上私家車離開。包致金姪女的律師表示,被告尊重法庭判決,亦希望公眾尊重法庭判決。

URL: http://hk.news.yahoo.com/article/100806/18/jk0j.html

------------------------------------------------------------------------------------------------

講真,我真係好鍾意開明o既法官。

阮法官待犯事人如親生子女,一如被告父母擔心將被告判監會摧毀佢一生,又探明被告本質好與壞,可謂循循善誘充滿愛心同溫情。

加埋律政署同警方提出檢控時發揮睦鄰精神守望相助,我覺得現今社會難得o既人情味終於返來,直頭應該點番首《獅子山下》一同高歌下。

又,是次判詞中我覺得阮法官除表達其心虛外,我都唔覺得佢有講過野。當然,排一日期就審梗係做唔到野,維持原判係預左,法官會出醜都係預左。阮法官你呢隻死貓真係食得好飽啊!