星期日, 7月 18, 2010

有些事別怪邱騰華

最近富商係大浪西灣起豪宅令唔少人對環保局局長不滿,不斷指摘邱局長辦事不力,政策又不得人心。有人仲計埋邱局長之前未找清o既「民怨」尾數,例如停車熄匙熱死司機同工廈活化益局長弟弟事件,直呼邱局長下台。

我又覺得,大家錯怪左邱局長,原因有三。

  1. 睇番政府管治架構,環境局手下得環境保護署一個執行部門,後者做o既得六大綱領「空氣、環境評估及規劃、環境保育、噪音、廢物及水質」。西灣村係私人地,點玩法完全係地主主意。另,塊地點規劃點保育,係發展局旗下規劃署同地政總署o既職責,大家要鬧就應該鬧林鄭局長。

  2. 停車熄匙係好事,但城市化下熱島效應厲害,無豁免到市區係失策。責任應該由發展局同環境局平分,原因係熱島效應係發展規劃差所致,環境局亦無因應地區情況調節法規係政策失誤,兩者都責無旁貸。

  3. 工廈活化益弟弟事件,大家一直都搵唔到釘死邱局長o既証據,原因係工廈活化又係發展局出o既主意,大家又只係懷疑邱局長「通水」俾佢弟弟,同「燈膽權」事件一樣,係羅生門。
香港市民素來對政府架構了解甚少,以致批評政府政策時經常鬧錯人。其實大家咁得閒批評時政的話,不妨抽多少時間睇下政府各政策局o既職能同旗下有咩執行部門。相信經過一番研究,大家肯定發現政府結構更多荒謬之處,過後再批評政策必然插得更狠更準更過癮。

OK,明白左就別插邱騰華了。

P.S. 我覺得邱局長份糧同林公公一樣都係白逗的,手下工作甚少,多年來毫無建樹,不如cut左佢個位算啦。



參考資料

環境局 - 維基百科
URL: http://zh.wikipedia.org/zh-tw/%E7%92%B0%E5%A2%83%E5%B1%80

發展局 - 維基百科
URL: http://zh.wikipedia.org/zh-tw/%E7%99%BC%E5%B1%95%E5%B1%80

4 則留言:

  1. 但唔得咯,我哩個老人家閱人多矣,這人真的行不由衷,堪稱假人一個!

    回覆刪除
  2. 哈哈,詩詩,你最下面果段“P.S.”真係聰明人先見到!

    ******

    正面睇,要環保做得好,同搞好經濟一樣咁難。

    負面睇,邱局長套環保哲學仲直接過凱恩斯經濟哲學囉。

    回覆刪除
  3. 又,講真,邱局長比我最大既感覺係,佢想幫政府增加稅收。

    回覆刪除
  4. 校長:人家係屁股指揮腦袋,不得已!

    C.M.兄:搞經濟可以有機會一毫子都唔使花,搞環保就下下都係錢。

    膠袋稅真係膠的,環保不織布袋都係膠的。前者收稅唔多仲要剌激膠袋用量,後者本身就用唔環保o既材料製作,唔係Green Product。

    不過,環保局唔係無橋,係逢親好橋都會影響到財閥收入,先至無晒辦法。如果唔係局長邊黎咁得閒入西貢食海鮮保育佢間五臟廟。

    回覆刪除