星期一, 7月 12, 2010

香港—亞洲B級廣告國際都會

近排垃圾廣告係黃金時段浪接浪推出,廣告質素直逼《宣X易》同《宣傳X線》,除左例牌九唔搭八同笑到肚痛外,近排好興「恆源祥式」煩膠廣告。我擔心長此下去,《宣X易》同《宣傳X線》都變到無晒特色了!

(警告:影片只供身心健康人士觀看,如因觀看引起不適請即停止影片播放。)



唔好講咩「超柔軟刷毛」,呢個「尖尖尖」廣告齋睇許生男人老狗係度發神經,都睇到大家目定口呆成身硬晒(除左下面)。



A-yo,又係D「偽Hip-Hop廣告」。睇見廣告個肥仔好假o既表情,加埋煩到死o既歌詞,我就想嘔了。幸福醫藥不如係呢個廣告後面加番個「浪途適」,等D人止暈止嘔兼回魂。



本身普通話廣告已經唔o岩本地口味,點知佢仲要「咁出位」係咁「切~」,我仲以為小S俾Kero星人上身....。又,如果將段廣告聲帶同《癲佬正傳》Crossover,應該會幾過癮。



本來呢類硬銷式廣告都無咩事,一如「食餅有餅味」廣告,大家都睇到麻木,點知莫高音最尾忽然「發功」,便秘o既都嚇到賴屎。

最新出品仲有真情越南仔同模界周小姐合作o既地產廣告,雖然未有片可貼,但第一眼睇呢個「淡妝」廣告仲以為TVB又有新膠劇出街。當下發覺無乜加特技o既廣告,已經唔似廣告了,動L!

1 則留言:

  1. these advertisements are dangerous. People can actually get heart attacks watching these.

    回覆刪除