星期日, 6月 06, 2010

致陳十二:你的學者風骨在哪裡?



陳十二先生:

我好高興香港出左好似你咁出色o既少年發明家,對研究有熱誠有成績,仲有粒星以你命名。但今日我睇完你係政改廣告度用做研究為例子,支持政府方案o既一番話,我捻有唔少香港市民都想俾粒星你,果粒星叫「屌那星」。

做學者,係要有誠信有風骨,要認真造學問敢於說出真相,對社會要有承擔。呢幾點出自我母校一位親建制o既教授口中。

而做Research,係要有計劃有步驟,而且步驟要幾經考量,務必精簡實際以控制成本。

回想上年呢個時候,我係大學canteen為我份research死度爛度,務求係七一deadline前度掂份research proposal交俾我老細。Research Proposal裡面除左要交代我o既研究對象同目的之外,最重要係交代進度表同研究方法。當交上去o既時候我就誠惶誠恐,深恐我o既研究方法步驟同進度表有唔妥,然後老細就會用分數判我死刑。我有同學唔信邪,一心求其整份野遞上去,有名有少少內容就算,其他野樣樣後補,結果就低分收場。

呀十二生,政府方案有「增加五個功能組別席位」一項,仲要係幾百個區議員互選出黎,你覺得由薄大寶翠園選區當選果個區議員,佢投果張小圈子票代唔代表到你呢位清水灣人士?要達致普選,政府所增加五個功能組別席位根本係倒行逆施,無增加過民主成分。俾你做學者,你敢說出真相嗎?你D社會承擔去左邊?

另相傳十二生你本人當知道自己無法取得好成績時(據聞係你o既目標係"A"),就會drop左果科下年retake。但而家你出黎撐再需改進才得到「普選成分合格」o既政府政改方案,係咪暗示你同意唐司長所講o既「好似考試咁,如果攞唔到A,都攞到B吖!」?如果傳聞係真的話,咁即係你講一套做一套?你D誠信去左邊?你D風骨又去左邊?

陳十二先生,你身為學術人做出D咁o既事,仲點做學者?你係咪想學「馬料水千古罪人」劉膠樽義一樣成為學棍?臨崖勒馬現時未晚,勸君當學黃禹錫,為自己犯錯向全港市民道歉!

詩白爾

一名本地大學畢業生

1 則留言: