星期日, 4月 25, 2010

體恤下情

某日,小詩於地標為某半官方土豪消災解難之際,又再遇上麻煩事情。還好來自帝國的黑白夫婦客客人非常合作,問題解決後黑先生更指教小詩一點管理小學問。

黑先生一面搖晃其混血寶寶的座架,一面觀察小詩為土豪管理人流時的工作情況。眼見客人十居其九都非常不聽話,出口與入口不分,黑先生隨即對小詩報以無奈表情加哈哈大笑。

小詩當時十分氣餒,心裡暗怪土豪一眾職員人頭豬腦,也順便向黑先生發幾句嚕囌。

------------------------------------------------------------------------------------------------
(小詩已記不起當時之英語對答,更不欲把自己的爛英語貼出來出醜人前,故現將大意譯為粵語,如下。)

詩: 黎完一個又黎一個,個個都係咁!

黑: 你知嘛~人通常都對行o既路有慣性,邊度出咪邊度入囉。

詩: 我已經擺左塊牌係度寫明係入口,班友點解睇唔到?

黑: 普遍人對牌上面o既顏色會有多D反應,文字呢就差D。

詩: 原來係咁, 我都有捻過換過塊出口牌加埋箭嘴係上面架,我之前試過係得架!不過次次同上頭講都無人理~

黑: 管理層就係咁,好多時都無理到下面基層做野時有咩問題同需要,結果下面出問題就搞到一鑊粥。

詩: 如果我有機會做管理層,我實會落實地了解下有咩問題。做前線面對咁多野,唔處理好運作肯定唔暢順。

黑: 咁又唔好喎。你做經理走落個場度睇,人人見到你都實會做D你想見到o既事,咁搞法無實際作用。要睇就應該等D人唔認得你先,加埋自己落手落腳去體驗下,你先會知最確實o既情況。我係我間公司都咁做,係帝國D大公司老闆都係咁做法。

詩: 即係要睇得醒目D?

黑: 當然啦。

詩: 多謝指教。

黑: Take care man!
-----------------------------------------------------------------------------------------------

有謂「世事洞明皆學問,人情練達皆文章。」,一個小小的「體恤下情」,想不到又是管理階層的大學問。要做好事,也不是口說這般容易。

沒有留言:

發佈留言