星期三, 12月 02, 2009

你只是信耶穌矣,但你永不可能是個基督徒

忽而間有個覺悟,其實華人新教裡面十個有九個自稱「基督徒」o既都唔算得上係「基督徒」,無論講o既做o既都唔算懂得愛他人。試問信左耶穌,又成日將「神o既大能,耶穌o既愛」掛在口邊o既佢地,有幾多個係真係肯用心效法耶穌o既大愛?

大家不妨睇下身邊比較高調o既華人新教「基督徒」,通常都會有以下經典特徵:

  1. 向你傳教:「信耶穌,得水牛」、「信耶穌你陷家都得到平安」,總之說服到你信耶穌一定好過你中無限次「六合彩」,因為講起D彩金就傷感情,信耶穌就永遠都咁happy。但佢地總係唔明人生有喜怒哀樂係幾咁平常,唔值得大做文章。

  2. 聖經章句背誦器X無限上綱式聖經解讀器:無神神可以將一D唔知邊度黎o既人同事,用「精密思考」同聖經金句配上關聯。真係如果而家復古以聖經為本玩開科取士,佢地一定中硬進士!

  3. 精神警察:經常製造白色恐怖指責其他擁有基督信仰o既人唔係「基督徒」,但係佢地又同時犯十誡中o既項目,即係經常作假見證。(見第四項)

  4. 經常「上身」式感恩:例如陳世強律師,以及一眾牧者。最可怕唔係佢地感恩o既次數,而係佢地係又感恩唔係又感恩o既態度,加埋果種「專用口吻」同新教裡面歐化到不得了o既術語,作為有血性o既中國人我每次聽到都不禁打個冷震。

  5. 疑似思覺失調:經常聽到神o既呼召。而佢地o既目標係「神國降臨」、「作主精兵」、「做神o既刀刃」等等。唔使審呢班人完全係意圖顛覆國家政權,仲有嚴重o既暴力傾向。

  6. 才疏學淺,唔識尊重其他宗教教派,劈頭第一句就指責人地係「異端」,出醜人前:例如指斥禮佛之人係拜偶像,信穆斯林係異端等等。對宗教有多少認識都知道佛係一種修行境界,而家唔係坊間所指已經被道教同化o既佛像。而根據宗教史料研究,穆斯林同基督教有相同而不可分割o既根源。
擁有以上任何一種特徵o既新教「基督徒」,其實佢地對現實世界、歷史同人性都有一種過分固執o既理解。呢種固執令佢地行惡同增加仇恨。因為佢地長期浸淫係一種固定o既意識形態裡面,所以無論佢地點接觸外面o既世界,佢地o既知識同眼界都唔會有全面性o既開拓。面對現實o既殘酷,佢地o既牧者都只能夠守抱殘缺高舉聖經金句,希望集體以原教旨主義力量渡過難關;而現實上教派價值就非常空虛模糊,最後只能善惡不分日夜對信徒洗腦。結果信徒失去本身應有o既批判能力,係教會面前信徒只係一個徒具「信耶穌」思想o既臭皮囊矣!

小詩不曾讀過全本聖經,但對聖經呢本野卻有深刻體會。呢本充滿暴力色情o既史上最暢銷書,裡面o既舊約部分係屬於猶太人o既古老傳說,對於中國人黎講簡直風馬牛不相及。大家將奉之為真相會唔會做左壽頭呢?宗教教義本身係容許質疑o既,但不幸地歷史o既洗禮令本身導人向善o既宗教,變成當權者o既統治工具,統治人民最有效o既方法就係將人民變成奴隸,而篡改《聖經》呢D宗教典籍就成為最好o既辦法。唔少人仍然相信幾千年來o既聖經係一模一樣,但真相係點永遠都敵唔過人o既貪婪同慾望,為左完善權威統治哲學,一定要製造焦點凝聚信眾。如果唔係點解《聖經全書》會有咁多煽動暴力o既章節?所以而家o既《聖經》點「正經」都不過係統治者(政府、長老、牧師、主教)為方便自己操縱信眾同人民而寫o既書,屬於教皇時代o既遺物。

係現今世代信奉基督教派,無疑就係一種跟光棍一齊呃飯食o既行為,因為無論你點信點堅持《聖經》裡面o既一字一句都唔會係一個「基督徒」。而呢D統治者《聖經》「培訓」出來o既人,就係今日大家眼見到o既梁燕城、蘇穎智呢D仲停留係中世紀,密謀狹《聖經》作刀刃將多元社會趕盡殺絕o既奸佞小人。如今「信耶穌」o既愛道之人唯一自救之道,就是突破聖經枷鎖,重新以雙手學習耶穌o既善行,關愛他人擇善而行方為正道。

6 則留言:

  1. 我最怕佢地行好運時就話係主的恩寵, 同理, 應該行衰運時就唔係恩寵, 呢個伙係logic問題...但到左行衰運時, 佢地又會話係恩寵......

    回覆刪除
  2. 同忽然愛國人士一樣 = 惡 X 頂.

    回覆刪除
  3. 最原始既佛教係不尚拜祭的,見達摩見梁武帝~

    回覆刪除