星期五, 3月 27, 2009

不是刁理

高手

本來呢篇野係想回應下Bittermelon兄係老頭個網度o既一段留言,不過寫寫下寫成咁。

今日睇左癲狗怒插局長果段片,基本上都講晒小詩o既苦況,假實習收四千真係唔夠使。

老鼠議員呢D佩虎符坐皋比o既死八婆,話出來抗議果班學生應該一個都唔好請,調番轉頭佢淨收四千一個月又頂唔頂得順?有樣野叫官迫民反,江澤民都講過中國人o既人權就人人有飯開,搞到成班人飯都開唔到o既時候,你班官員係咪應該反省下個政策呢?

真係好懷念以前有集《議事論事》捉左班想當年富貴o既豉油黨議員去臨屋區住一日,等佢地體驗下低下層生活,而唔係身嬌肉貴係議會大隻講,又或者出黎做騷做到核核突突,好似今年凸手賀年片咁幫阿婆戴頸巾差D變左勒死阿婆。

呢班高手真係好應該去再培訓,飲下孖蒸蒙牛食下梅林牌午餐肉同生命麵包做o既三文治就o岩o勒!

真係好唔想又要再貼呢首歌出來應景



---------------------------------------------------------------------------------------------------

「仆街」不是粗口?-粗鄙跟幼稚化的現象

長毛係議會度大聲叫司長去仆街,結果成為一時熱話。佢同癲狗都不斷引經據典為自己開脫,話古書都記載,查實非常風雅云云。

語言係會隨住時代變o既,正如死八公八婆呢類說話雖然粗俗,但都唔再係粗口。可能仆街真係唔係粗口,但話需如此作為一個議員係咪應該講番D文雅D o既說話,証明自己唔係一個衝動魯莽o既屠狗輩。

由司長條條fing到特首鳩噙再到戴婉瑩「甩底」長毛仆街,已經說明左香港社會由上而下走向粗鄙。大家本身學養不足,又已經習慣左一時氣憤難平,就隨口侮辱他人呢種行為模式。大家互稱仆街撚樣,習以為常咁屌人老母,閒談期間毫無意義鳩噙,將怨氣不斷濃縮循環,最後繼續用粗口發洩。

粗鄙本身就帶住幼稚無能o既特質,係唔識運用詞彙先會出現o既字眼。呢班高官議員係公眾場合開口講D粗俗字句,又難怪佢地成班都好似小學生鬧交咁,最終一D建樹都無得個講字。

純粹創作-炒股


最近股市總是上上落落,猶如近來的天氣一樣反覆無常,驟晴驟雨煙霧瀰漫。跟曾經一同「出生入死」的大學同層樓友聚首一室,解開領帶拿起一瓶檸檬Vodka,一人一句的說身家怎樣被股海吞噬。

大學的最後一年拿了一半學生貸款炒礦業股,另一半再將打工賺回來的錢一起押上,聽了陸叔「有買貴無買錯」的六字真言,買了人生中第一手匯豐,打算用來幫補一下退休時微薄的強積金,還有賺取每年足夠請父母上茶樓品茗好幾次的利息。結果身家翻一翻,而且清還貸款的總數目都弄到手。

第一年打工時經濟環境非常好,基本上除非買上和黃這些「生滋」股,否則要在短時間內賺點蠅頭小利簡直易如反掌。不消幾個月我可以兌現對我女友Meiko的承諾,送她一個LV皮包另加一個地球旅行袋,並且一年內實現到泰台日三地之旅。

零八動極思靜,想來應該為將來打算,忽然又想起買入匯豐,於是現在持有的數手都在百多元買回來。海嘯初來還沾沾自喜,因銀行業乃百業之首,情況怎壞也壞不到銀行界。結果血肉橫飛之餘,在七十五蚊心想「買你死都唔會再大跌」,大呼抵買順手溝貨參與建設血肉長城,最後淪落得跟青姐一樣「嚇到喊」,在二十四歲第一次體會何謂「淚滿襟」。

多虧有吸濕大笨象,一件晾在房間好幾天的白襯衫好不容易才被弄乾,趕得上明天上班時用。然而現實上的「大笨象」卻不知不覺把我的荷包吸乾,更遑論止蝕回本了。

星期五, 3月 20, 2009

小詩隨筆117

睇得唔打得

係唐司長未宣佈計畫造帛金......係鉑金級環保建築標準o既新政府總部之前,小詩去左全港環保示範政府單位度參觀。

你捻到有o既節能同環保設施,佢有。你捻唔到o既,佢都有。太陽光導管、太陽能板、回收廢水循環系統,風力發電機等等真係好齊。不過全部都好貴,而且效益真係好低,幾乎無可能係香城商廈使用,過到工程部都未必過到會計部。唯一小詩睇得上眼o既就係部氨水製冷機(Ammonia Chiller),因為有個丹麥佬話真係慳到錢。

不過講就慳到錢呢個環保示範政府單位真係笑大人口,自從係青蛙島搬左去對面海省電新總部,每度電費仲要平左一截之後,竟然到都仲交多左電費!(最頂癮係據講係用多左日光,室內熱左所以開多左冷氣!)唐司長,係香港由頭到尾都係講緊錢,鉑金級唔係唔好,不過你D鉑金級建築就要鉑金價,但鉑金價又一定唔會有鉑金級結果。與其到時俾人插到屎眼開花,不如將鉑金級政府總部搬過去將軍澳節省成本,塊熱辣辣o既地就賣俾D地產佬搞風搞雨仲實際!

----------------------------------------------------------------------------------------------

八十八樓危危下望

無錯,小詩就係某個星期三裡面其中一隻嘩鬼,一人一個奇奇怪怪o既問題煩到咁多位陽具地標員工真係唔好意思。

本來話係參觀設施,點知後半部分變左做觀光。簽完張「生死狀」,賣左半條命俾陽具地標之後,小詩就跟住一家大小上路。上到去八十八樓衝多上一層終於黎到天台o既平台,點知頭頂就黎一部CCTV,保安好到咁老實講句我有捻過同佢揮手。其實八十八樓上面o既天台真係無乜野睇,四周圍都有D巨型鳳爪同埋一堆射燈,條通道又窄到最多兩個人過到。不過果四隻角位o既景係幾開揚,望到山頂地標同獅子山。

帶隊o既果位小姐話天台平台上面只有一隻鑊(接收天線),本來仲以為可以好似Badman咁坐飛機跳落去,而家咁講連大家想係直升機度舒舒服服咁落黎都唔得!

上得黎梗係會捻下D衰野,例如打風落雨上黎係隻鑊隔離舉高隻手大叫「I'm the King of the world」,或者開創先河係八十八樓天台助跑再跨欄咁跳落去。

跳落去o既結局唔使問當然係變肉醬,但睇完鐵鎚哥篇大作之後,小詩反而有個疑問。唔知係八十八樓天台跳落去頭果0.98秒,會唔會見到任總偷偷地試用美源髮采,或者將D利賓納倒入支2003年o既Bordeaux度呢?

延伸觀看:別人的88樓

星期日, 3月 15, 2009

小詩隨筆116-新鮮滾熱辣

當Laughing哥成為偶像時

URL: http://www.facebook.com/group.php?gid=64826344432

雖然小詩無睇《學警追擊》,但都知道Laughing哥好響朵!
梁二上位啦~~


「放下屠刀,立地信耶穌!跟耶穌好呀~」

------------------------------------------------------------------------------------------------

我們都在不知不覺間行使暴力

《網友—新部落時代的來臨》

URL: http://blog.sina.com.cn/s/blog_4c3782760100buhp.html

玩forum都有一段日子,都有唔少熟絡o既網友,但圈子好似愈黎愈窄,新話題愈黎愈少,當然腦袋之間o既新衝擊就更加少。睇落又幾似中學,大家一開始玩埋一堆,後尾就會有小圈子,到最後小圈子之間自然會有衝突,甚至係圈子裡有欺凌語言暴力。不過網絡唔同中學,我地似乎無一個有效o既辦法去制止暴力,更加無辦法阻止激進思想傳播。雖然網絡實名制係個辦法,但因為實名制發言有變成文字獄o既可能,所以都係唔搞好過搞。

再者實名制令人唔敢講真話,變相咪又返番去現實上虛偽o既世界,咁唔算對人o既另一種傷害嗎?其實我地係網上面講野,究竟係令最少人傷心痛苦,定係希望尋找自己o既快樂同認同而不顧一切?

------------------------------------------------------------------------------------------------

又黎電車男港女話題

極之認同博客陳大文對近排港女港男話題o既講法,港女電車男呢兩樣野晨早已經講到厭。小詩極之相信市場機制會自動調節,港女數字會降低,當大家人老珠黃年華老去仍然孑然一身之時,自然就會降低要求。因為愛係你睇到對方有幾多優點同包容到對方幾多缺點啊!

睇完星期日檔案講港男果一段,小詩自問雖然唔睇動畫漫畫,唔打機唔玩PSP,好鍾意講野搭嗲,但因為單身又成日上網,所以都係被標籤做電車男。其實大家睇野咁膚淺,我又有乜所謂?「港女電車男」呢類標籤唔同工程師、律師咁要講條件資格,叫人一句「電車男」同叫人做「仆街」一樣真係非常隨便。一路以來人地叫我「仆街」我都認,而家連「電車男」我都認啦。

係面書上面唔少小詩o既男性同學仔都大叫「哦!原來我都係電車男。」。小詩都忍唔住笑左出黎,佢地班人平日思考行為都好正常,淨係鍾意打機o者,咁都係「電車男」?估唔到香港人到今時今日都仍然好努力咁尋找仆街,OK,今天全港年輕男士都仆街啦,好未?

唉~話說回頭作為一個電車男講拍拖真係好似幾遙遠,勇氣真係必需o既,但點適當運用同Gel個靚頭一樣,都需要時間改進歷練。各位香港女士,請多多包涵!講開又講,各位香港女士不妨拒絕班電車男之後,伸出援手打改造下佢地,救人一命勝造七級浮屠呀!

星期六, 3月 14, 2009

小詩隨筆115

我們都上癮了

過去這半年裡有幾位著名博客突然離去又突然回來。他們離去時也引起了一陣子騷動,彷彿成了博客之間的信心危機,想到自己也會離開的可能性。

小詩發覺博客圈子裡已形成了一種朋友的關係,就像每天都花一點時間在徙置區遊樂場裡的小孩。偶而有一天不出現,不消一時幾刻也總會被發現,除非有一天搬離這個生活環境才可以真真正正的離開。但試問誰能夠把家中的網絡線割掉,把自己從網絡世界裡分離出來?

況且還有很重要的一點,其實我們這群寫網誌的都寫得中了網誌毒,全都上了癮。

------------------------------------------------------------------------------------------------

我欠了幽默感,還有活氣

晚上沒睡得好,現在小詩連冷笑話也說不出來。腦袋經過一輪數據處理,最後除了很多符號還有很多問號。小詩真的苦惱我在這種狀態還剩餘多少創意去想像,還有多少對現實嘲弄的能力。小詩的心情很重,要做的工作排山倒海的來,還好現在沒有像以前般頂不住壓力便在大吵大叫。

打著文章才發覺字裡行間沒有秀氣了,也沒有俏皮的風格,一板一眼死氣沉沉的。也許該早點去睡,然後換個姿勢再繼續。

-------------------------------------------------------------------------------------------------

會考舊文重作

小詩人微言輕,希望再來一次瘋狂計劃。
希望今年能夠搞一個博客活動,在今年的中文會考日,利用過往的試題組成試卷,大家將試卷其中一篇試題作文然後貼在博客上,內容不需政治正確,其餘規則與正式考卷無異。

希望真係有得搞,甚至搞得成。

-------------------------------------------------------------------------------------------------


近來在深宵趕工的時候陪伴我的旋律

想寄給她的情書

給一位步履飛快的女生:

第一次認識你是因為你每每在早課遲到。你衝入課室後將背包丟在椅上發出那「噗」的一聲,然後在椅子上喘氣的樣子,每次都引起我對你的注意。後來在某年暑假真真正正的認識了你,你爽直的性格和俏皮的表情,令我心裡重燃相信人與人之間真誠交往的存在。暑假前有一天你找我一起拍照,我真的納悶了一陣子,但其實暗裡我倒真的很高興。到後來的另一段日子,我在群體相處裡瞭解你的另一面,你的忙碌令你經常缺課遲到,看見你當時的情況,我只能說很多很多的加油而暗地裡卻為你擔心。

你跟我分享你的煩惱遭遇趣味小事,我明白剛強的你我並不是希望我能幫上甚麼,而我知道我身為你的心靈聽眾,能把你的惱事從心頭上放下來。於是我在送你的卡裡寫了一句話,希望能為我們之間的關係,跟未來裡無限的可能留下一個註腳。你視我為耳朵和技能導師,然而我撫心自問我真的不是個像樣的導師啊。更讓我後侮的是,某次在你面前跟別人大談政治話題,不單只把你悶壞還真的嚇壞了你。

我的不濟事讓我們的距離拉遠了,大家的生活軌跡也再不像以往般接近。各自頻繁而忙碌的日子正暗示我們相遇的機會愈來愈少,而我每一次聽到你失約的消息和事後抱歉也只能輕歎一聲。在以後的日子我會努力趕及你的步伐,我衷心希望會在未來的某一天開始,把肩膀、耳朵、還有一對暖暖的手都給你,又或者將角色調換,讓我在你耳邊輕輕的說一句「我愛你」,然後聽我對你說我的傻事。

來自一位掀下神祕外層後在現實中害羞又猶豫不決的男生
寫在白色情人節

-----------------------------------------------------------------------------------------------

P.S.多謝各位看倌欣賞上面的故事,角色和段落是甚麼也請不要追問,至於討論也在這兒繼續好了。畢竟一段迷霧中的關係在人多口雜八公八婆以訛傳訛的情況裡,最容易被搞砸的。

星期三, 3月 04, 2009

代禱事項-一名意粉神教教徒為蘇穎智牧師代禱

最近美國有調查發現五十至五十九歲人士感染愛滋病毒人數出奇地增多,而且原因不明。行年五十多歲的基督教播道會恩褔堂主任牧師蘇穎智乃其中一員,蘇牧師受感染風險之高實在令人擔心。我懇請所有飛天意粉神教o既信徒一齊為蘇穎智牧師祈禱,祈求佢得到AIDS,而免受HIV o既感染。

另外我懇請政府係將來醫療融資計劃裡面不需保障年過五十的支持新教右派的人士,例如蘇穎智牧師。因為一旦保障好似蘇穎智呢D有財力有時間o既中年人士,而又係感染愛滋病毒o既高危族群,即係變相鼓勵更多人從事色情行業,不斷性濫交玩SM等高危行為。結果會令到更多人感染愛滋病毒,造成更多HIV同AIDS,更多人搞婚外情破壞一夫一妻制o既傳統婚姻價值觀,更多女大學生出黎成為二奶同妓女,男大學生畢業成為養鴨一族o既對象,更可怕o既係鼓勵更多新教牧師作出孌童同侵犯基督徒o既行為。最終會令香港社會變成人間煉獄,道德淪亡經濟衰退,政府因為額外醫療支出財政崩潰管治乏力,成為撒旦o既天堂。

一名意粉神教教徒

小詩

美國調查來源資料網址: http://www.sciam.com/blog/60-second-science/post.cfm?id=whats-surprising-about-hiv-in-50-so-2009-03-03

----------------------------------------------------------------------------------------------

註:
本文所有內容一如聖經及新教右派牧師言論一樣,純粹鳩噙毫無邏輯,你要當真我都無辦法。當然假如你要搵人為本文負責,我當然第一時間企出黎唔會做縮頭烏龜講完就唔認帳,俾人鬧圍剿又扮駝鳥,甚至搵我老大出黎幫我搵藉口兜咁仆街仔。

至於點解蘇牧師成為感染愛滋病毒o高危人士?原因好簡單!有冇人見過蘇穎智牧師買避孕套?冇丫嘛!呢D咁唔負責任o既男人做愛o既時候極有可能唔帶避孕套,而唔帶避孕套感染愛滋病o既機會又極度高,所以蘇牧師有乜理由唔係感染愛滋病毒o高危人士呢?

星期二, 3月 03, 2009

Interesting Tag-25 Things About CERN

The word "Science" usually makes most people feel bored. The scientific facts are bored, but scientist or science students always make fun on their studies, and let everyone taste the sweet in their bitterness.

When I was studying my Scientific article subscription in my google reader yesterday, I found an interesting tag about CERN (French:Conseil Européen pour la Recherche Nucléaire) that is similar to the facebook tags in the recent weeks.

----------------------------------------------------------------------------------------------

RULES: Once you’ve been tagged, you are supposed to write a note with 25 random things, facts, habits, or goals about you. At the end, choose 25 people/entities to be tagged. You have to tag the person/entity who tagged you. If I tagged you, it’s because I want to know more about you.

  1. Mean free path is 10 meters before running into someone you know.
  2. Atmosphere is charged.
  3. Scenic views of the Alps.
  4. Scenic views of the Jura.
  5. Sooner or later you run into every physicist you know from every country.
  6. The cafeteria is over-crowded at lunch.
  7. The cafeteria is half-full of Americans.
  8. The lab is fueled by coffee.
  9. All business is conducted at the café.
  10. Constant stream of people in the hallways.
  11. Visitors get paid at the post office.
  12. Office space is scarce and offices are crowded.
  13. Offices could use a good coat of paint.
  14. The wooden benches in the theory conference room have a historic look to them, but are uncomfortable for long periods of time.
  15. Talks in the main auditorium can be translated into 4 different languages.
  16. There are more seminars than one can keep track of.
  17. It takes a dedicated effort to figure out how to use the washing machines in the hostel.
  18. You can hear the guy snoring in the room next to you in the hostel.
  19. The two large LHC detectors, ATLAS and CMS, are very different, and so are their tours.
  20. Everybody is holding their breadth.
  21. The main road to the lab is under construction.
  22. The streets in the lab are named after famous physicists.
  23. Tours for dignitaries, such as the King of Belgium, are routine.
  24. The cafeteria sells epoisses.
  25. Where else could a movie star start up a new accelerator???
URL: http://blogs.discovermagazine.com/cosmicvariance/2009/02/28/25-things-about-cern/
---------------------------------------------------------------------------------------------

For me, Science is interesting, as long as they are not perform in textbooks or lectures.
I prefer study the work just Like this:

星期日, 3月 01, 2009

失約?!小詩到底在哪裡?

寫紀實的功夫,小詩自問也算挺到家的。

簡述

1858 小詩到達
1905 打電話求救
1907 首次離開,等回覆
1926 小詩再回到現場
1930 小詩離開

看來這次出了意外,到了現場掃視有沒有疑似的面孔時沒有任何發現,因為在門外根本一個人也沒有,小詩只好等一會。到了七八分鐘左右,想來應該是找救兵的時候,於是打電話給老頭的朋友,希望能夠聯絡老頭會有回覆順便了解一下狀況,但之後一直也沒有等到回電。我決定在銅鑼灣四處逛逛,待會再回到現場看看。當然最後再到現場的時候,也沒看到任何疑似人物。

我想聯絡溝通出現問是讓劇情發展到如此的原因。但小詩承認為了個人安全,在整個搜尋過程中欠做了某些步驟,不過現在來說也不再重要了,算是買了點經驗吧。

對於現身出席的諸位網友以及小瓶子姐姐,小詩只能衷心說句對不起,有緣再聚吧!

小插曲:

在回去的時候在港鐵站遇上一位操普通話的遊客問路,她打算從灣仔到金鐘的英國領事館,怎知昏頭昏腦的來到了銅鑼灣。還好單程票救了她一次,令她在銅鑼灣怎也過不了閘機。(一般國內遊客看見香港人拍八達通卡,便拿著單程票依樣畫葫蘆照辦,這當然過不了閘機。)列車來了,她一個箭步衝進隔鄰車廂佔座位,把剛才表現仙童指路功夫的小詩丟在一旁。小詩見她如此無可救藥,自然安心做自己的事去了。後來在金鐘轉車到九龍,小詩遠遠的看見她衝進往荃灣的列車裡,放慢腳步的小詩一面寫這篇網誌的手稿,一面目送一個欲速不達的例子往地獄去了。

P.S.忽然捻起一首好舊o既廣東歌,請各位看倌睇完千祈唔好對號入座,話時話城武哥真係好靚仔!