星期二, 2月 24, 2009

小詩隨筆114

有骨氣

「我教左咁多堂都係想你地做一個有骨氣o既科學家嘛!」

這是向教授請教時得到的一句教誨。教授自稱是一個很有風骨的學者,當然以小詩的修為是理所當然的無法領悟「風骨」二字的精髓。但從他演講和教學中顯出的脾性,也說明搞學術跟搞藝術都需要一點奇奇怪怪的固執,好聽一點這東西叫信念和堅持,或者來個尖酸刻薄的形容詞—牛脾氣。

言歸正傳,有骨氣當然不難,正所謂發財立品,先有發財才可以立品。正如你有食家的要求,但身上只有三塊錢,試問怎樣能以正途弄個外鬆脆內甘香的菠蘿油回來?任你英雄蓋世也得為五斗米折腰。以小詩所知在香港搞研究,一年沒六位數連小項目也搞不成,於是小詩問教授,搞研究的錢究竟教授是怎弄回來。教授給了一個輕鬆的反應,輕描淡寫的說有些錢是曉得自動掉下來的,因為別人尊重一樣東西—叫「江湖地位」。

能夠擁有像教授相近的江湖地位,相信教授本人多年也必需混過一段日子,至於詳細情況相信也不必多猜,但如何在立品的日子建立學者風骨似乎頗有難度。權力和金錢是腐化的元素,只要有利,名自然來,相反亦然。若要在上流政治名利場上安身立命,似乎骨氣並沒有發揮的地方,連報紙雜誌也這樣說。

這一點怎樣應對教授沒有對小詩講,其實這個問題有沒有更好的答案本身也要看小詩的造化。

-----------------------------------------------------------------------------------------------

食翅

呢下點都要用廣東話講。

都怪小詩多事,係hana姐姐個blog度叫佢唔好食翅,結果激親佢,小詩真係好唔好意思。小詩唔係想說教,但思前想後為左大家o既將來,自私D講就係唔想咁快死住。雖然有好幾位博客知道小詩係讀環保果類野,但小詩並唔係激進環保分子,更加同D綠色團體唔o岩嘴型(唔鍾意佢地騎劫民意)。小詩呢D貪生怕死見錢開眼o既小鬼,除左傷天害理o既野唔做,基本上成日踩界走法律罅。

講番魚翅o既來源鯊魚,因為D漁民見魚翅好賣搵銀,就唔理佢老豆姓乜係咁捉D鯊魚割左佢幾塊鰭落黎,然後掉番落海。試想像下你俾人斬左對手腳然後無人理你你都死啦,而被捕捉o既鯊魚o既數目永遠多過新生數目,你話邊有可能唔步向滅亡?結果本來瀕危品種就絕種,有一定數量就變瀕危。根據圍雞所講,五十年來鯊魚數目無左八成。

咁到底D物種滅絕或者鯊魚少左關我地咩事呢?鯊魚係食物鏈頂層o既捕獵者,係食佢D獵物時候因為物種之間相生相剋o既關係,因而收到控制生態圈內生物數目o既作用。我地整瓜晒D鯊魚就會搞到水底生物數目大混亂,到時可能會因為其他捕獵者無鯊魚食佢地,結果食晒我地果D食用海魚,劇情會點發展落去真係天知曉。所以唔好話食晒先算,食晒就真係大X鑊。根據簡單到連街市買菜姐姐都識o既供求定律,無乜人食就無乜人買,無乜人買就無乜人賣,如是者都無乜人會去特登捉鯊魚。希望大家忍一時口腹之快,俾番十幾廿年鯊魚休養生息下先,當你放鯊魚一條生路,亦都放番一條生路俾自己。

話分兩頭,雖然西方科學界認為魚翅無營養價值,但識得養生o既中國人點會理D洋人胡說八道。中國係魚翅消耗大國,而係香港幾乎無乜邊個十八歲以上人士未食過魚翅。魚翅含有蛋白質骨膠原(Collagen),D人話食左吸收左會對皮膚好(養顏)。查實無乜根據,因為蛋白質分解成胺基酸之後先被人體部分吸收,再由身體自行調節決定組成時間同使用分量。至於多出來o既胺基酸就會變成你尿尿其中一項成分尿酸,所以無論你食咁多都係白食。不過好似hana姐姐呢類識飲識食o既老饕,仍然會對魚翅爽滑細緻彈牙o既感官享受念念不忘。所以小詩今次都撐下熊貓會,希望大家轉行食日本素翅啦!(小詩老爸係從事海味行業,佢試過都話日本素翅好得,拍得住真翅。)

雖然小詩近年都甚少出席婚宴,但每次見到碗翅我都避之則吉,寧願俾班老野笑小詩唔識食都好過做孽。得罪講句佢地食得幾多年?分分鐘下年我就見佢唔到,佢地o既自私當然睇唔到將來,更加睇唔到我o既自私。搵多出來果碗翅糊住佢把口,到最後只係大家每人各自做多少少野而已。

大家究竟係係怕死定係怕死得痛苦?相信大家心裡面都有個答案。你想你o既將來會係點,就好睇我地呢一代而家做緊乜。希望大家瞭解小詩作為一個人類o既私心。

魚翅解說在圍雞, URL: http://zh.wikipedia.org/wiki/%E9%AD%9A%E7%BF%85
生果網絡的骨膠原解說, URL: http://health.atnext.com/index.php?fuseaction=Article.ListArticle&sec_id=6349068&iss_id=20090209&art_id=12182858

-----------------------------------------------------------------------------------------------

這些才叫翻譯

URL: http://chinesepoemsinenglish.blogspot.com/

耐看耐讀押韻合文法,還有甚麼好挑剔?

-----------------------------------------------------------------------------------------------

記得我生日,唔好送禮物。

小詩居室挾小,又不想大家花費。有勞各位按昨年的文章指示,於適當時候大量製造「合格」產品送給小詩!對於這款產品,數量多寡當然無任歡迎。多多益善少少無拘,多謝各位!

5 則留言:

  1. 真係冇激親我哩。

    話時話酒席一圍圍果啲翅我都唔食!事關實在太小、太細條,咁如果折中啲淨係食大條嘅食少幾次係咪好啲呢?

    嗱,戒煙都要慢慢來啦!係哇?

    :)

    回覆刪除
  2. 個禮物要唔着衫先送得?

    好驚喎!

    哈哈!

    回覆刪除
  3. 其實應該係可以食大(有一米高以上)o既
    不過真係咁大o既又有幾多呢?
    有都好好好貴啊

    份禮物,梗係要有D包裝
    收到D無包裝o既我都驚!
    其實段野我係想D同學仔講
    不過你要送的話,小輩多多都受!
    gege~

    回覆刪除
  4. 回瓶子姐姐:
    我都鍾意食碗仔翅
    最好落多少少麻油

    回覆刪除