星期六, 5月 31, 2008

今期播放25-潮流興懷舊

近幾年都有D去左大陸搵人仔之後(因為係香港撈唔掂)
「強勢回歸」香港o既歌手
早兩年有「金牌一哥」
上年有而家潛水讀緊書搞埋「分手公司o既老孫
而家有差D唔記得佢存在過o既東東



佢首新歌...聽落甩頭甩骨....
個melody好似死唔斷尾咁....真係好X難聽...


「阿東」陳年佳作之一
節奏明快...順耳好多...
聽到電台訪問DJ叫做「阿東」
真係有D怪...但聽到佢老哥講追女其間果句
「開左file仲有得停o既?」
小詩就覺得佢真係夠麻甩o勒


熟讀娛版o既朋友應該知道
呢首歌係講佢前期演藝生涯裡面其中一件重要事件
講起佢前期演藝生涯就不得不提四哥個仔
當年四哥個仔同佢同期出道爭上位
雙方D粉絲幾乎全武行,甚至幫對方偶像改花名
而家十年後望番轉頭
佢同四哥個仔加埋四哥家嫂三個人各自o既故事
加埋真係「世界真細小小小....小得真奇妙妙妙」


由於佢老兄太過babyface,亦太過靚仔
(呢個係娛圈大忌,當年台灣「小旋風」就係人辦...)
由千禧年霉下霉下到而家
小詩真係唔睇好佢再有機會發圍...
又係唔講唔知,佢係視帝個同門師弟來架


特別加插:同樣叫「阿東」...同樣撈娛圈...
同樣係香港人...同樣搵人仔...連個樣都好似!

翻炒舊貨o既唔只土炮製作
仲有洋貨,不過手法就高明好多


最近電視電台賣到好行
因為佢地o既老翻
小詩都唔係識佢地好多歌...
不過貴為瑞典國寶之一
佢地D歌又係幾無得彈!


隊老翻唱到字正腔圓
同「阿爸」帶D口音完全唔同feel
講真「阿爸」除左值錢在佢地唔撈
仲有一樣就係「集體回憶」


利用米字國o既傳奇樂隊D歌仔搞番齣Musical...
係香港淨係「城市旅人」先有咁o既idea
小詩建議都可以幫Leslie先生同Anita小姐搞返齣類似o既Musical
好過年年搞埋晒D聚會哭哭啼啼咁搞到個心都唔安落!

-----------------------------------------------------------------------

唔係得舊野,都有新野o既!


有人問小詩咩叫「爆房」...
爆房咪即係咁樣囉...你信唔信丫?

星期二, 5月 27, 2008

那年五月下旬我在貝澳渡假

兩個山峰上有些雨雲...噢....

第一日


考完試過後身心還沒有回復過來
便要參加這三日兩夜之旅
凌晨兩點終於做好一份赤字預算
身為一名緊張大師還想好假若接連幾天下雨的應變計劃
睡過幾小時後檢查一下行李便乘車往東涌
往東涌的機場巴士比我想像中跑得更快
北大嶼山快速公路上110公里的限速標誌
或者會是最好的解釋

來到地鐵站的集合點
只見尊尼拖住一個旅行篋在獨自等候
而最後預定中的其中五人到達
儘管如此,買過東西用餐後
五個人便登車前往貝澳

對於渡假屋的設施一向不懷好感
來到這間位處非常偏僻的房子二樓
只能說這房子不好但也不壞
水煲漏水,一張只得床褥的附加床
口頭協議的兩副麻雀亦不見
(只能怪我們笨,沒叫那租房的大叔在單據上背書)

付上九十大元租下一副麻雀
然而整個下午是在玩撲克和UNO中度過
波子跑了去買晚上的涮涮鍋的配料
而是日最後的四人亦隨後報到
準備涮涮鍋時小詩非常火爆
不經意間用很重的粗話罵了阿星幾次
實在感到不好意思

飯後打開了暉少帶來的數瓶紅酒
自問對酒類還屬於「書生不知兵而好論兵」之流
味覺還是對酒類非常抗拒
不過我知道這是件好事
穿腸之物既能殺菌也必能傷人
雖則如此但也得乾杯
唯有配點薯片混點可樂
然後大口大口的灌進嘴裡算了

相中是一件未完成的後現代Representational Art
告訴你...只要多一千幾百隻蚊死在這道牆上
一定價值連城....

入夜後蚊子一隻一隻的飛進來
眾人大叫小嚷
暉少不慌不忙將一隻隻蚊子拍到牆上
並戲謔「呢度D人hea,連D蚊都飛得特別hea(慢)」
剛才進肚的酒精
頃刻令腦袋變得詩意
一時之間這些殺生都變成了藝術
遠看白色的牆上掛著點點蚊子的軀體
腦內聯想到只有「水墨畫」三個字

一眾人見天色無恙打算外出觀星
路上大家還是脫不了科學學生的本色
最後深夜生態團走到貝澳泳灘觀蟹
小詩望著黑夜裡密雲所製造的海天一色
忽然間想起一個問題:「What next?」
回到渡假屋學習一下撚雀知識
一直撐到凌晨三點後便安然入睡

第二日

使用異常時間表對於小詩來說非常重要
因此小詩會在眾人睡醒前起床梳洗
順便觀察一下眾人入睡情況

招潮蟹呀招潮蟹....
彈塗魚呀彈塗魚...
水筆仔呀水筆仔....

是日行程計劃到大澳一遊
同時會合剛考完試的Ivan和Terence
一如所料大澳觀光團又變成了生態團
看到熟悉的紅樹林
小詩也不然想起在泥灘做field trip時的趣事

出符意料之外陽光普照
眾人觀摩一下新型棚屋後
坐下來吃碗混了芝麻糊的凍豆花
頓然透心涼
但有點奇怪的是芝麻糊只得香卻沒有甜
加點黃糖又蓋過一切味覺
看來時間人和味覺記憶在我的認知中是有關係的

這裡不是內蒙牧場
這裡有水牛
這裡是香港

陽光普照下一眾女士提議看日落
大家又回到貝澳泳灘
不過跟昨晚同樣滿佈密雲
與日落美景無緣
不過途中看見一個由洋人開設的私人營地加牛場
可能陽光沒那麼猛烈
場主便將牛牛放到四周吃草
結果給我們遇到近距離觀看牛牛的黃金機會
(回來的時候還擔心牛牛吃飽後會拉屎,但事實上牠們還在吃)

「影還影,唔好阻住我搵食」
其實被偷拍的二三線小明星跟圖中的牛牛沒分別...


貝澳泳灘的沙幼得令人驚奇
沙中泥的比重較高所以有點軟
脫掉拖鞋踏上灘上也感覺舒適
晚上出現的小蟹躲在灘下深處乘涼找吃
我們則在灘上摸蜆嬉戲

「滑滑呀嘟嘟似豬膏咁滑,牛油蛋撻冇咁滑」
(摘自譚炳文《牛油蛋撻》歌詞)

波子意外地發現泥沙可以作皮膚磨沙
假如不是香港有保育政策
相信把灘上的泥拿去製作護膚品
一定可以發大財

晚上在嶼南道旁的餐廳晚飯
有趣的是整桌人也是電視迷
電視劇當晚又是連續兩小時的大結局
飯後大家襯廣告時段速速結帳
然後不顧一切跑回渡假屋追看劇集

小詩則沒多少閒情逸致看劇集
反而趕緊處理帳目
感謝上帝!失敗的會計師發現盈餘!
大家收到這個消息也歡天喜地
幾位男士再花錢去買啤酒零食...
你看!花在大家身上的真金白銀才是錢!

把錢花光花淨的責任完成之後
小詩整晚就在吃夜宵,實習撚雀,GTA與集體遊戲之間
撚雀的術語多得眼花瞭亂
學上整晚也像是學不完
看來麻雀不是易學易玩的玩意

小意外!一隻被剃刀割傷的中指!
噢...很痛!儘管那是Soman的手指...
(Photo by Soman (c) 2008 All Rights Reserved)

夜深腦袋也自然遲鈍起來
沒有可樂提神自然也容易變累
集體遊戲的玩法早已忘記得七七八八
糊裡糊塗間又輸了很多回

第三日

由清晨到中午一直沒有睡過一覺
早上洗過澡扭開電視看新聞和NBA比賽
小詩咬著即食伊麵對抗睡魔
而且又再運用異常時間表把包包整理好

他能夠在椅上睡得如此酣甜
多拜接受多位教授長期訓練
各位觀眾切忌模仿

旅程就此完結....
一行人往東涌飯聚後各散東西
依依不捨?你覺得我寫的文章像個小學生嗎?
「What next?」
下次再聚才對!

小詩隨筆89

整到連螺絲批都彎埋!噢....
重修舊好

無理到部機成個幾月
考完試終於得閒check下發生咩事
搞到部機日日sleep mode

買左張debug card咁耐
唔係老大點醒小詩D code係universal的話
可能下世都整唔好
(又一次証明我幾咁廢)

睇下個error code再搵人上網查番D case
我中o既原來係38同d4
即係咩?
38係AMI BIOS解CMOS checksum error
原因係死CMOS/CMOS無電
捻捻下前排死harddisk果陣一開就自動boot機
九成都係用晒D電

於是尋日就join燒肉阿冤蘇蘇四個人一齊落去鴨記買野
用五蚊買左粒電
點知插左又係死機
今鋪張卡出d4兩隻字
又查一查原來死ram
夠啦...應該到衰夠...就係咁開番部機

五蚊就開番部機
但小詩就搞成日....仲要俾人鬧...唉!

----------------------------------------------------------------------------------

三世緣

整定我今世無運行?

URL: http://www.y28predictions.com/program/template/fortune/past.php?lang=

---------------------------------------------------------------------

同場加映:《中國人看中國人》
「你瞧不起我更瞧不起你....」

URL: http://www.xucx.com/blog/post/map.html

星期三, 5月 21, 2008

小詩隨筆88

HKEAA亂出垃圾卷,傳聖火, 示威打鬥, 地震
一切已成舊聞
小詩再也理不上

已不下數百次在google reader按下「一掃光」
博客們瘋狂地轉載地震報道
結果一次又一次的製造資訊海嘯

小詩瞭解這次震災的可佈
過程跟幾年前讀的《唐山大地震》差不多一個模樣
但重複的報道卻製造了不少困擾

總的來說,「活著的人比死去的還要痛苦」
讚頌救人英雄, 創造生命奇跡
沉住面對,讓活下來的生命得到延續、發揮光芒
是我們當下該辦的事
四川人民都流著和我們一樣的血,
以後該怎樣辦, 大家都應該好好想一遍了

------------------------------------------------------------------------

粗口

在現實世界, 我戒掉了髒話
唯一可以「暢所欲言」的地方
就只有這兒….

「中央政府呢次救災行動真係做得好好,! 人性指數爆燈!好X晒過以前, 好X過幾年前帝國風災! 真正超英超美! 見到溫總掟電話咁激, 咁肉緊人命, 真係加晒分! 」

----------------------------------------------------------------------------

考完試

考完試的感覺就像被老闆炒掉
考完試的感覺就像被女朋友拋棄
考完試的感覺就像被判往北大荒進行勞教
考完試的感覺就像被車子撞倒一下子變成植物人
考完試的感覺很無助
當然,考完試的感覺是很累的