星期一, 4月 07, 2008

小詩隨筆84

俾條命你所以我咪X街囉!

禍不單行後記

真係邪門
上三四篇一講破紀錄佢就黎收我部電腦皮
harddisk即刻bad sector
連小詩老媽都話:「買左無幾耐,又要換過個新o既?」

裝完個乜都要重裝
搞得七七八八果陣ISP黎又上唔到網
真係好燥底
兩樣野搞左成日都搞唔掂
咁又無左小詩兩日時間
訓都訓得唔安樂!

真係好期待SSD o既出現
起碼唔使再俾physical bad sector玩死小詩!

搞到而家都係搞唔X掂個router!
小詩最差就networking
set完晒D野都上唔到網咁即係點?

救命!
點解次次一黎就咁大鑊
仲要好揀唔揀次次都係sem尾
或者我最Q唔得閒o既時候先來玩?

酸梅發爛渣

呢位教授,上年小詩組爸o既xanga度已經見過佢大名
仲炳得好應
估唔到今年到小詩寫佢

話說今日上基因學
因為教授D英文好惡頂
(聽得明五成都要好好耐力,聽到訓著者不計其數)
一眾同學仔都以行動表達佢地對呢位教授o既睇法....遲到加吹水
一開始D同學仔上堂漫不經心
撩起教授把「正義之火」
用D連小詩都翻譯唔到o既英文講左句
"Could you stop talking now?"
全場即刻收晒聲......

一分鐘一分鐘咁過去
同學仔一個一個咁施施然入來上堂
教授見到班友咁渣流攤
就發晒老脾話唔upload D power slides上去大學網絡
(嚴格來講佢教書同鬧人o既語調係無分別o既,加埋佢D英文真係幾乎俾佢鬧緊都唔知)
仲話以後堂堂唔黎就後果自負

無幾耐有個唔知係傻o既定係想死o既同學仔
做左一樣好激o既反擊
就係用相機影佢D slides
最重要o既係開埋閃光燈
全場突然一閃....
教授當堂呆晒完全估唔到你班蠱惑學生會有此一著
回一回神就鬧...話咁樣都無用
佢依然係唔會upload D slides上去
全場同學即刻騷動....
一面係度笑緊用閃光燈影相果個膠頭
一面係度笑緊教授失態o既狼狽模樣

係大學講堂小詩估唔到都會發生呢D中學預科以下先會有o既事....

沒有留言:

發佈留言