星期一, 3月 31, 2008

小詩隨筆83

想買包米都咁難....
(Picture Source From: URL: http://www.hkbrand.org/images/top_brand_gallery/85/golden%20elephant%20new.jpg )

無米賣

因為越南米失收搞到泰國米加價
(o岩o岩收到日本政府賴中國D污染物吹到日本搞到當地大米減產)
人人要捱貴米
各位一家之煮趕去超市撲米
真陰公!一日之內D米俾人掃晒!
好耐都未見過D咁o既景像.....
有都應該係小詩出世之前o既事囉!

C_T_S獨家代辦....每次都搞鬼咁多野
張表上面寫o既字又咁有「祖國特色」
完全get唔到真係頭痛!

回鄉前手續

手腳慢,手續繁多,求其,
一向係小詩對祖國機構o既印象
今次上到去又幾快手
可能係因小詩Book左期
個職員大姐都幾好禮貌
手腳又快,又細心
只係個等候大堂細到無倫
冷氣又吹唔開熱到爆....
希望拎住張卡過關果陣
果位靚靚o既海關小姐唔會對小詩咁冷淡啦
佢地成日黑晒面口咁
小詩都唔知講唔講「唔該」好.....
同埋牌上面果D用字可唔可以唔咁騎呢?

有收成啦....
我都係細菌農夫...



PCR!When you need to detect mutation....
除左放野入去之外都無咩野要做
全部都係等等等.....
高科技o既好處就係唔使落手做
唔好處咪你無野做囉....
家陣得閒到可以唱歌...
不過咁都好,
好過要落手落腳又煲又斬又焗
又無懶氣熱到死...


甜筒

今日行過樓下又聽到《藍色多瑙河》
心思思去買杯甜筒食
因為政府唔俾續牌o既關係
雪糕車將會好快成為歷史
小詩好慶幸自己住新界
都可以成日見到架雪糕車

細個果陣老媽成日都唔俾小詩食軟雪糕
(可能怕整污糟D衫褲鞋襪)
食親都係甜筒....
果時覺得甜筒有咩咁好食?
又硬而且塊waffle軟晒唔脆唔好食
食左咁多年軟雪糕
而家發覺甜筒有佢本身o既魅力
固之然食得好方便
唔會因為食唔切雪糕融化搞到成手都係
而且只有甜筒先有果仁
甜筒食o既唔係佢o既冰凍同雪糕香滑
而係果份口感....
食完個甜筒明白左個意思
終於都明白點解食完會有個滋味樣o勒!


同場加映最新白痴廣告
果位廣告撰稿人梗係睇得May姐同無記D節目太多
寫D野都特別廢噙o既!


蔡瀾:「食餅有餅味...」
小詩:「食屎有屎味,你又要唔要試下?」

P.S.如果改做「唔~好香o既杏仁味道...呢D先係我想要o既!」
咁會好好多囉!

1 則留言:

  1. 1. 在布殊大帝恩澤下,唔係食物又係水短缺,此後會此起彼落;

    2. 以香港無義政府打壓下,趕絕雪糕車/小販只係遲早既事,早幾日先想寫上一筆,只係趕住打爆機無時間;

    3. 食餅有餅味、食屎有屎味已經算難能,香港好多食肆食乜都只有味精味!

    回覆刪除