星期五, 2月 29, 2008

小詩隨筆74


嘩...正呀....只係嫌佢三位唱得唔夠姣....
你話如果換做陳雅倫邱淑貞同黎姿
肯定睇到班麻甩想入非非

中暑

十幾度講乜鬼中暑?
係...小詩今天就係中暑......
捻住外面十幾度少少凍就裡面著少少衫
外面加件厚風褸
拉實條拉鍊
咁就趕頭趕命仆返去做Lab

跳出架火車之後
我照舊好有型咁係旺角o既街道上自由奔馳
用我o既速度刮起一陣風
嘲笑果班為保持形象慢條斯理o既潮童
假如我手上係把西瓜刀而唔係個手挽袋
我相信我會有古惑仔八成咁有型

為左趕上果班巴士
小詩逢燈過燈見人過人
唔知係咪今日空氣唔多靚
跑落有少少唔夠氣
終於架巴士就係o岩o岩趕唔到
企係個站擺返個黯然銷魂o既姿勢抖一抖
係呢個時候...終於出事o勒

小詩耳背發麻視野模糊失去聽覺
頭痛有如千百個手榴彈係個頭到爆開咁
今鋪大檸樂!
即刻襯自己未盲之前灌D水
又聾又盲,而且好驚會好樣衰咁暈倒街頭(到時實「柒」死)
好彩仍然感覺到D巴士係自己身邊經過
但就咁企左十分鐘,坐直升機都一定遲到......
終於俾個同學仔o既電話
招返我暫時無左o既果兩官返來
「喂?我聽唔到你講野...」「係....哦...唔...好...」
真係該煨~個頭痛到五顏六色仲要夾硬聽電話
(不過又多謝佢,如果唔係小詩又企多十分鐘都似)
如果果時對方同我講叫我俾晒副身家佢
睇怕我就係大檸樂中o既大檸樂

收左線,頭痛若裂,好眼訓...
赫然發覺自己一身熱汗.....
好左有汗出,出唔到就死得....
因為呢個小小意外
小詩個頭由朝早"Wing"到夜晚....

噢...原因係咩?
你自已慢慢搵啦...
原因就係因為「柒」左囉!

-----------------------------------------------------------------------------------------

一塌糊塗

十下十下咁返到Lab
原來成村人都未到
但個lab就要開始o勒
小詩試圖測試下自己副偈行唔行得
事實上都好勉強
demtor話要開波咪開囉....

lab就pre左一半
其他真係十下十下
結果就真係炒晒成個lab
都唔知做乜春!

最嬲但最好笑o既打D水入隻隻蝦度
demtor講得唔清唔楚(其實同份manual有出入)
小詩就打左足足十倍份量o既水入去
蝦兄佢真係無陰功
一路打一路噴返D水出來
佢就一路係咁郁....
今云罪孽深重....
小詩食長齋都唔掂........
做完個lab小詩係咁X自己究竟自己搞乜....
D data真係垃圾....

收到風要交份Lab report
又死死地氣咁做埋份野先食飯
心情已經勁唔靚
個頭依然係Wing Wing地
做做下又有D人「飄過」....
(仲要見到果個成日「what the....」電腦梁係度借書...)
結果四點鐘先開到飯.....
原本去睇exhibition o既計劃又被逼postpone...

二零零八年二月廿九日......
係小詩生命裡面當黑o既其中一日......
到死果日我都應該會記得o既

P.S.如果佢係度,實會有人關心下小詩....
奈何命裡有時終需有....
忙到發癲應渣攤......

小詩隨筆73

人與人之間有如賭博,是買運而不是買實力
留住本錢停滯不前,放手一搏輸光種穀.....
(Picture Source from: URL: http://image.91.com/hlyx91/images/guide/shaizi.jpg )

借運

這不是一種向一眾神佛賒借
然後用燒豬果品作賄賂的玩意
要借運,最重要的是人
可以給你「運氣」的人

第四代的另一類

今日從暉少口中
小詩悟出長不大的本領有甚麼用處
我們這一種第四代的青年人
以玩樂為本,思想簡單.....
連報復手段也很簡單直接
中學化的招數雖然俗套沒腦
烈性再強頻率再高
置身世外的小詩只會看著他們暴力撕殺
Yah~ I'm tired of this foolish game...
小詩再也不會遵守遊樂場的規則
對第二代的心軟小詩只能夠呷多口咖啡
深深的呼出鼻鼾.......



眼皮跳在現實世界裡暗喻不祥之兆
而在小詩的的世界裡
鼻樑跳就等於疲倦不堪
看...小詩連小小的兩條肌肉也控制不了.....

決定

壓力真的很大
雖然已做了決定
但仍然把壓得精神不萎

你口裡說的猶豫不決
我看得透徹
你的決定早已現出來
我這條排煙筒正默默頂在屋頂
慢慢把你的心事吐出來...


星期二, 2月 26, 2008

純粹創作-誘惑

似有還無,若隱若現
(Picture Source From: http://i.treehugger.com/images/2007-2-28/green-smoke.jpg )

射燈下你遺下了背影
一身黑衣描繪著你的線條
你的指尖尾已插進我的心房

你故作踱步姿態
然後突然回眸一看
秀美的輪廓終於打進我眼底

縱有華衣美服
不過畫蛇添足
只有是一陣陣輕煙將你緩緩升起
人間再美也不及此矣

別人正貪看那種半透視的質感
以好奇換取一霎滿足
而我暗暗地在強勁的節拍下與你在腦海裡共舞
然後帶著另一個你離座而去

星期一, 2月 25, 2008

再度回味4

最近看了一部分《The Greed of Mxn》和整齣《The Autxmn's Tale》
相比之下時下的本地製作就像差了幾個高度

看完簡化版《The Greed of Mxn》後第一個感覺就是情節豐富,
很有電影感,劇情張力逼人,
你想到的一定有,忘了的也有......
看得小詩有點壓力,甚至眼泛淚光
近年電視劇的橋段都是新瓶舊酒而且欠缺火喉
小詩很厭棄由電視台裡第一、二代人指手劃腳妨礙發展
第三代人從老劇本裡不斷抄考
及那些可有可無的編導
叫他們緊貼現實無疑是對牛彈琴.....
實在小詩已許久沒看過TXB拍一齣用公共屋村作背景的劇集...


這一段Forbidden Love真是看得小詩咬牙切齒
邵仲衡的演出真的很酷,
孝蟹這角色雖然奸,但他不壞
或者無論他再壞也讓觀眾擠不出一點恨來


丁蟹是個很恐怖的角色
只要有他的存在,整個世界便像是被倒轉過來
身邊的人也給他的所作所為壓得透不過氣來
全套劇集裡最自私的角色便是他
方家家破人亡,獨行獨斷報仇求愛
沒好好看顧四個兒子成材,
把四個兒子推出去見閻羅王
無一與他直接有關
陳萬賢的一句「咁多人死唔見你死」的確是「贈」得應景
想起來小詩身邊也有兩三個這樣的人,實在心寒得很...



因為好幾句無傷大雅的粗言穢語
引發反智人士向廣管局投訴導致電視台受罰
令這套令香港人引以為傲的電影再次成為焦點...
說實話,這套片的焦點不像《Young and Dangerous》一樣放於黑幫土霸上
男主角船頭於結局也重歸正道
反而從描定船頭的背景裡現出人在異鄉,
尋求新生仍要給外人欺侮的可悲事實
糾黨生事成為不得已的選擇

主線故事其實發展得頗慢
不過小詩自問反應遲鈍
若不是十三妹說了一句「佢應該鍾意左我」
完全發覺不到船頭喜歡李琪....
後來再看一遍才發覺在河邊一幕船頭已經醋意大發
真是又好一段Forbidden Love

寫實就是小詩喜歡這片子的地方
其實戲中人物之間發生的情節
在我們身邊也經常看到
而且也有很多討論空間
小詩覺得以NY作為故事背景
純粹作為上映時的宣傳賣點
縱使故事置於香港也會拍出同樣感覺

P.S.劇終時船頭與十三妹重遇於「舢舨」餐廳
船頭的一句「Table for two?」
實在令人感覺窩心
雖然編劇和導演把結局留給了觀眾
但小詩總希望他們會有個好結果

星期四, 2月 21, 2008

小詩隨筆72

卡卡卡卡.......
(Picture Source From: URL: http://news.bbc.co.uk/hi/chinese/news/newsid_2355000/23559052.stm )

面對現實

尋晚同貓姐姐,火宅兄傾左一輪計
真係愈講愈Down

香港呢個地方無科學早已經知道
讀本行做本行只係小詩老媽一廂情願o既睇法

一時唔覺放左o既一堆計時炸彈
係火宅兄手中一句句引爆出黎....
的確小詩係學習科學上係不斷重組人地o既野
而且重組得毫無條理
甚至意思上都有問題
所以想要再行前一步/舉一反三都甚為艱鉅....

唔覺唔覺小詩又陷入內心o既泥沼裡面

-------------------------------------------------------------------------------------

大作家的黯然傷痛

小用左近五年時間係網上寫野
終於悟出果班作家究竟點解要寫野寫到似有還無
令大家起碼讀三次平均思考半個鐘先知佢想表達D乜野

一本文藝作品係由虛幻國度向真實世界發表o既
歐陽修寫《醉翁亭記》
當年小詩一個中四學生讀到一頭霧水
實情一個中四生又如果感受到歐陽生佢果種撈唔起o既感慨?
假如唔係經過D咩人生失意
小詩就唔明點解可以同歐陽生隔空共鳴

歐陽生o既開心都只係掩飾
佢又咪係一個史提分周.....


星期二, 2月 19, 2008

純粹創作-窒息



這個不用上班的工作天,我實在感到無聊.....
如我這般日夜工作的勞動人民
一日三餐當然在外解決
結果家裡一如陶淵明
想找點吃的也沒有...

將家中的舊雜誌棄掉之後
我決定去逛街
充實一下四道牆內的空間
最懶惰的方法便是往大型商場走一趟

銀灰色外牆配上淡黃色射燈
望上去真有不凡的格調
白色仿雲石地板,白色天花
櫥窗玻璃內的白色射燈照出點點光屑
盡是電影內天堂的描寫
也難怪只有戴上墨鏡的闊太
才能適應每天在大商場裡生活

大商場的商店排列
讓我找到工作以外的節奏
鞋店鞋店另外一間鞋店......
男裝女裝女裝女裝男裝時裝時裝.....
護膚品領帶專門店內衣店金行

身處熙來攘住的通道
我的鼻子能夠感受到一種氣味
來自那幾間個人護理店的氣味
我深深的吸一口
相信夠我記住它一個星期....

走著走著卻忘了時間
剛巧忘了帶手錶...
也就去買一隻吧!
於是我把這商場重逛一遍
然後兩手空空的回家...

星期日, 2月 17, 2008

小詩隨筆71

多謝你為國人帶來三十年貧困歲月...
因你的好動亂性格,暴發戶會向你多謝....
因你的權力慾,朱元璋會向你折服
因你一手帶來一堆年青的軀殼
也將他們幾乎摧毀
我們將會逆道而行
把你的臭皮囊永遠留住
「今日君驅不作古,他朝留住大不同!」


交足貨

今日小詩好安樂
因為我做好我個角色
就係一塊人肉佈景板

得閒就做到成個親善大使咁
最佳肉丁仲唔係我?
小詩虛偽?你天真o者!

------------------------------------------------------------------------------------------

站在污水管內

雖然眾人皆醉我獨醒
無做D睇完閃卡後進行鞭屍
或者口講唔睇轉頭刨壹仔o既變態行為

但係見住通街班人係咁鞭屍
小詩真係好心寒
最心寒o既係班人用自己o既泛道德鐵籠困住人地
對自己不道德o既八卦又視而不見
搬尊尼出來又忘記佢講過一句「律己以嚴待人以寬」
甚至「己所不欲勿施於人」
望望下香港而家真係好似搞緊文革
班人o既所作所為唔止合字義
仲同四十年發生o既好似....



延伸閱讀: 「裸照門」事件二論之二-------------誰需要玉女?
--------------------------------------------------------------------------------------------

說不出的後悔

前前後後果一個鐘
都唔知收埋左幾多激動o既眼淚......
應該咁講....我呢D流唔出o既眼淚....
就沿住大氣電波一直流出太空....
向住千萬個光年遠去....


都係聽Danny D歌先貼近小詩o既感覺....

星期五, 2月 15, 2008

小詩隨筆70

小詩不要像這個福頭一樣
說話不經大腦
(Picture Source From: URL: http://img.timeinc.net/time/daily/2006/0612/chavez1201.jpg)

What a Shame, Stupid!

我會改變我口沫橫飛o既壞習慣
我會改變我把事情忘記的壞習慣
我明天還是少說話了
為自己省個爛gag quota.......

不是嗎?在google裡找"future"一字已是一個冷笑話了

------------------------------------------------------------------------------------------

在火車上

坐在驅往北面的列車
小詩找到了以往看不到的另一面......

屏幕上的新聞不好看
小詩把視線轉移到坐在對面的一家四口身上
從他們所帶的行李所見
很明顯列車非到達總站他們是不會下車的.......
一家四口的衣著活像平常香港市民
大女兒把玩著日本數碼相機
小女兒挨著爸爸的手臂倦極而睡
爸爸樣子平實,媽媽不施脂粉......
奇怪的是他們用的行李箱和常見的款式很不一樣

於是小詩希望透過聲音去了解他們的故鄉
實在聽不出他們在咕嚕甚麼...
直到掏出一本韓文書
其中一頁印著維港的天際線
小詩終於搞清了問題

不過小詩到最後還沒有搞清楚
他們來自「打著民主反民主」的朝鮮
還是貪污處處經常顛倒是非的韓國
但至少感到欣慰的是
他們驟眼看來生活也不錯
而小詩不再是由家裡的四方盒裡看他們了....


星期四, 2月 14, 2008

今期播放24

城市人生活忙
實在沒時間為事物挑選比較
正是如此...
我們信奉名牌
因為我們相信它們的品質
讓小詩展示他相信的音樂品牌


万六筒~Soul Boy....
其實小詩對Soul係唔識o既
但係Khalil o既音樂夠簡單
唔係特登玩大堆頭
有Beat,簡單其實已經好好聽...


佢寫D歌詞先似歌詞架嘛!
有詩意....


呢首歌係六筒係路戲介紹,梗係好野!
只係嫌淋直又係填「兄妹」
頂班老細丫!醫神又兄妹!
胃腩又兄妹(大哥)!張太又黎兄妹!
有冇D新意呀?唔好話俾我聽下次又玩叔侄呀!
「老老實實,我打電話報警架!」


講真張太出歌o既方式係貴精不貴多
假如從經濟角度來睇,
到佢收山果日買碟先最實惠!

小詩隨筆69

睡醒睡倒....意義上也沒分別了

餘波未了

頭痕自然心情不好....
心情不好也就呆了....
訂好了一堆article也沒看

吸毒,酗酒,睡覺,自閉,調笑
通通都是逃避的行為
再躲再避
也千躲萬躲躲不過
小詩的自我恥笑.....

小詩只想在過去的兩星期裡
留一片空白...

------------------------------------------------------

網友的奇妙感覺2-網友見面

第一次網聚前
老頭口中的老板主向小詩說過
網聚是一種很奇怪又奇妙的事情

奇怪感覺是在網上聊天聊得興高采列
卻擔心相對無言
或者膚淺得擔心如周星星的啤酒廣告一樣
會與「如花」相見

面對如此陌生又熟悉的人
不消幾分鐘又再次一起風花雪月
老板主神機妙算,奇妙就是奇妙
小詩更為自己高興
對人的接觸真正的超越了臉孔...

----------------------------------------------------------------------------------------------
心情真的不好
不寫太多了....
小詩希望自己能闖過這關
好讓自己成長


Happy Valentine's Day to you all!

星期六, 2月 09, 2008

小詩隨筆68

又一個印證左有錢仔打跛腳都唔使憂o既計算器...
你都想好似賭城賭錢廣告個傻佬咁嚇餐死?
無問題!即刻click呢度!

災難過後

Day after Tomorrow....
小詩都捻緊點算....
唉....一個無Hon o既學位
搏唔搏得過?
老頭又話會計師末日正在來臨
今勻認真頭痕!

--------------------------------------------------------------------------------------------

網友的奇妙感覺1-網友變朋友

小詩唔係想潤黃副處
不過就望佢退休後有機會識返個網友
睇下咩叫「友情無邊界,四海皆兄弟。」

小詩係果D會去網聚o既人
講真呢個年代去得網聚都唔會咁求其
起碼都要o岩傾(有共同話題),有番七八個先會去....

係未見過面之前
小詩同呢班網友o既關係就好似筆友(pen friend)咁
會關心對方甚至幫下你手
小詩都想問黃副處長:「筆友係咪朋友?」

係囉...當差o既有時會衝動得滯以為對住個古惑仔
講野粗D唔使經大腦囉!

--------------------------------------------------------------------------------------------

無心抽水

博客《刁民公園》o既葉一知先生係「西照事件」之後
特登係佢個博客度出左篇加料文章
作為測試下「甜野」o既威力
結果兩日就引來超過八千CD-ROM入左來八卦

小詩就寫左篇對愛迪生o既公開信
內容只屬二級A
結果都係出文後廿四小時內就八個人入左來睇篇垃圾
到而家為止閱讀數就有三十五....
唉~真係無心....但係又有D感慨
班博客死度爛度用鍵盤娛樂大眾
都唔及幾幅甜野....
更加悲哀o既係作為中國人
向上講真話仲慘過向下講大話....
寧做愛迪生」,莫做..........


Woo~~~無心便宜.......Woo~~~有黑鮑!

星期五, 2月 08, 2008

新年鬼咁煩

鼠鼠順利,由我掌握!
(Picture Source from: URL:http://geekologie.com/2007/04/mouse-mouse.jpg )

  1. 執屋執餐死:平時都唔多願郁,個人非常疲倦。已經做到趴係度仲要再勞動....
  2. 佈置:無神神要整到間屋懶有氣氛,實情有型無神......副對聯D閃粉又咁污漕,洗極都仲係隻手度!
  3. 辦年貨:除左孝敬班老人家o既禮品,仲有衫褲鞋襪......次次走一轉都成棵桃花咁返屋企
  4. 應付專家:每到新年,你會發覺有好多「忽然專家」......教你買股票,溝女,結婚,搵/轉工....講到咁叻點解仲日日打份牛工,唔見你開班授徒撈返筆?
  5. 口技窮:弓起發裁~弓起發裁~伸睇件骯~伸睇件骯~戴加錦話~戴加錦話~
  6. 賣笑:嘻嘻嘻....相對無雜言,唯有笑騎騎.....當然重點係唔想應D廢噙
  7. 食悶:年糕煎堆油角....全部都係甜o既!(仲有超熱氣!)除左蘿蔔糕芋頭糕....;髮菜蠔豉豬手燒肉切雞.....其實意義上都唔係俾人食.....
  8. 繁文縟節:初一唔可以洗頭,唔可以掃地...唔可以講D唔吉利o既說話(但係俾人鬧衰仔就無問題);初二拜呢個拜果個....(除左阿爺阿嫲之外全部我都唔識,所以小詩都係只向佢兩老真心表達敬意,其他果D...);初三赤口又唔可以去拜年....;見到人定鬼都要講恭祝說話,虛偽到第一句一定係四字詞語...係囉~唔係你捻果句X#$%囉!
以上o既千年宿怨並唔可以區區用利是錢擺平...
更何況呢個世界唔係我話事.....

過春節都係想一家人整整齊齊歡歡喜喜
計我話旅行避年同團拜最醒目....
橫豎都係要使錢....
點解唔過一次過搞得好地地
唔使煩過幾日開開心心o既日子?

P.S.完場前附送凸手搞笑新春賀辭短片
短短幾十秒都笑位連場!

必睇位:

凸手夫人係個酒樓廚房(可能係厲斌虎廚房但講都無人信)炸緊油角
凸手入去偷食油角食到成嘴都係仲要唔抹嘴!
凸手夫人就即刻面容抽搐咁兜心口輕輕力窩落去

URL: http://webcast2.info.gov.hk/2008/ce/celny08c.wvx

佢兩位不妨考慮下退休後去拍電影
咁劉以達都可以行埋一邊!

星期一, 2月 04, 2008

小詩隨筆67

Laugh Till The End
(Picture Source from: URL: http://www.memphis-schools.k12.tn.us/schools/snowden.clue/laugh.jpg )

Glittering Precious Attendance

說一些關於豬標A的二三事.........

豬標A是一種衡量一名學生在某個學科的能力指數
雖然有方程式可供計算
但與其沉迷計算不如努力

豬標A會讓你流淚,歡笑,害怕,興奮,緊張.......
也因讓你經歷得太多而變得麻木

等待中的豬標A
有如上天的指引
包含了天上人間的祝福
還有不可磨滅的咀咒

豬標A終日製造輪迴不斷的心魔
直到你不再需要它的一天.....

一天復一天
豬標A擁有的答案還停留在時代巨輪的背面
旋轉中的文字叫你看得頭暈眼花
嘗試把它弄停,細閱輪上的文字....

----------------------------------------------------------------------------------

消費提示


無論小詩坐火車,地鐵,巴士
抑或食飯,睇風景,或者玩MSN都會聽到呢隻歌
真係該煨!


星期日, 2月 03, 2008

致陳冠希先生的一封信

開槍還擊之前,你先瞄準人家的屁股才好!

(本文以2月3日之前的事態發展為資料來源,並含有少量粗口)

致避走美加的陳冠希先生:

剛剛發生的事並不是件甚麼糗事,只是某些泛道德的網民盲目炒作。你與幾位女藝人嬉春的圖片不幸被罪犯上載而廣遍網絡,小詩對此深表同情。畢竟一眾圖片本是你的私人物品,而且也不是由你發佈,錯誤與整個事件的根源並不是出自於你手中,你不需自責。

一群無知網民怒罵你拍下嬉春照可恥,卻不知在事件中有何可恥。房中之事無人可管,一樓一的鳳姐尚可於斗室內與嫖客大玩性虐待甚至肛交等高危行為,為何你為女藝人在房中拍性感人體照片卻要受盡千夫所指?這群泛道德無知網民只自顧站於道德行為高地上自慰,任由罪犯逍遙法外。一向以理性務實思想自居,自覺成熟得應普選特首的香港人仍有如斯行為,實屬香港之恥。面對此群無恥之徒,你絕對可以一笑置之以重新表現你的不羈性格。

說到最無恥,也可算你曾向他們求助的香港警察。香港警察對你此件雞毛蒜皮的案件花費大量人力物力,然後抓三兩個與幕後黑手無關的替死鬼回來當作交代,警務處處長又出言不遜恐嚇網民。陶文妓評得好,傳媒、泛道德網民與警方的集體躁狂行為實在幼稚到不得了,亦根本對找出陷害你的幕後黑手毫無幫助,更顯出警方的無能。

小詩理不上問題有多複雜,但現在有幾名可憐的替死鬼很可能會在獄中度歲,在患難中伸出你的手幫幫他們,好讓他們無罪釋放回家過年重新做人。請你盡快回港吧!現在不是那些狗傳媒需要你,而是你自己需要你,上面提到的替死鬼需要你,你最愛的香港需要你。開一個記者招待會,狠狠的修理一下香港傳媒和躁狂市民吧!告訴他們有甚麼錯!誰才是最可惡!對私人照片外洩引起多餘的社會哄動加一句「fuck what?」;把你的憤世嫉族毫不拘泥於低等道德觀的壞孩子風采表現出來吧;要求警方把那些替死鬼釋放然後追緝幕後主腦吧!

回來吧!扳回你的生命,贏回你的風采!

小詩

一名認為陳冠希和眾捲入「淫照」事件的女藝人無錯的香港博客

二零零七年二月三日