星期四, 1月 31, 2008

小詩隨筆66

殺人放火金腰帶
一朝歸去免受戒
可憐爪哇百姓苦
不知興邦反膜拜

根葛釀蘇眉?

係呢個女兒紅已頂過左狀元紅o既年代
呢種與時代脫節o既垃圾文章真係燒左佢都不為過
假如關係只有單向而無雙向的話
就等於一個積聚左萬千沼氣o既化糞缸
萬一條蘇眉頂唔住唯有出走去滾滾江河自生自滅
想釀入蘇眉o既根葛
最後係泥中腐爛到死

唉~根葛加銀耳豆腐煮一味...
蒸蘇眉又一味咁咪幾好....
大家本是同桌而食
何必搞到你釀我我釀你
最後製造更多不快o既回憶?

-------------------------------------------------------------------------------------

致老大

睇完老大篇打工仔悲歌
小詩建議老大可以依貓俾CK請教下佢
至於另一個問題可以叫佢請教《Amy》大老編

笑的確可以減壓o既
所以我絕對會放過我老大走來拎我新買果本書
(肯定係睇左我上一篇所以先來拎...)
老大,希望老媽隻手快D好番
你祈禱又好乜都好...
至於我..幫幾多就幾多就係o勒...

------------------------------------------------------------------------------------------

西照

真係好睇過上幾單A小姐同X先生
大家排隊做閱讀器
無非想一睹果三女一男o既風采
或者睇完親眼証實左然後講句「愛迪生你X街啦」

衰野一向都愈描愈黑
經理人公司唔夠狠毒
患得患失以死撐去應對事件
(佢地又唔記得當年果本炒到五舊影住八字X影后做封面o既周刊)
結果反而搞到通街都係相
仲愈出愈有....
據講因為大家非常熱衷於鑑賞圖片
搞到幾個大科林唔係打柴就塞車

當下情況小詩話唔係有問題就係呃你o既
網絡塞車係第一個問題
第二個問題就係搞到大家精神分裂
一面做人渣又要一面扮好人
當你金睛火眼睇到嘩嘩聲之時
但係又要留言講對三位女士寄以無限同情
真係講起都覺得痛苦......

講到痛苦
最痛苦梗係愛迪生啦
作為一個好愛香港o既香港人
都知道「我o既快樂就係建築係你X街之上」
一個二個都無D「同情心」
又俾人寸短小
又印住「歎鮑魚」係度贈興
又改歌詞周圍唱...

而家懷疑係愛迪生得罪左人先會俾人唱衰
不過都唔係第一次啦
你睇下《美女廚房》第二集佢已經全力被唱衰.....
「XXX唔怕蠟蹋,通處食盡中西日韓餐」
陰謀論D講句:都唔知係咪有預謀o既!

其實人地點睇唔重要
最緊要自己人點睇
愛迪生手下有間叫CLOT o既物體
仲簽左農夫呢隊專出D緊貼時事作品o既組合返來
小詩真係好想睇下C君同6 wing
會唔會「孝敬」佢地老細


星期六, 1月 26, 2008

小詩隨筆65

(Picture Source From : URL: http://www.hkbookcity.com/image_book/9789621793324.jpg )

買書

今日上完堂仆左去CP買書
好衰唔衰頂頭幅圖果本放係門口
小詩就食住西北風打開本書研究下買定唔買
睇完一輪望下有冇其他SCMP o既書
之後又望下D blogger寫o既書
期間望到梁望峰D書
呢D幾個月又出一本怪胎o既騎呢怪
擺到成棟書係度,本書又白到無顏色
個格好似賣唔出咁
其實愛情小說都無乜人睇啦
睇左又唔會對文筆有幫助...

睇完一輪
終於係荷包放左三日車錢o既血出來
買晒馬姬小姐兩集漫畫書
返到屋企先知原來第二本裡面仲有版係貼紙
如果小詩係個OL...見到肯定開心死囉
(本書同D貼紙又靚靚又咁好笑)
之不過小詩唔係呢....
講起呢本書其實小詩打過書釘
馬姬小姐用D生活瑣事做題材的確幾好o既
要長期創作仲要大把貨賣
如果唔從生活細處入手夾硬要天馬行空
真係難過登天,仲要好笑先掂嘛!

近半年買書真係使左唔少錢
但係又唔見小詩學養好左.....
不過都有進步o既
起碼有睇下雞腸書先啦
小詩雞腸咁差都睇左成百幾版《上帝大騙局》都算叻仔架啦
早幾日食飯同D同學仔吹水
大家係早幾年都買左幾本「恰你波特」雞腸版
但從來都無同本書有過肌膚之親
「買左四集返來都無睇過....D英文咁深!邊係兒童讀物來架...」
係囉!鬼叫自己雞腸唔好咩....

------------------------------------------------------------------------------------

流汗

昨日路邊社消息已經証實左係假野
無辦法...把口係人度
小詩又無法查証
佢講咩我唯有信咩囉....
總係有個不祥預感
唉~但願唔使同佢交手....
因為小詩驚自己心軟搞到手軟
佢係一隻狼,小詩係一條海豚
假如籠裡鬥小詩實死得...
又係時間做好本份o勒...
流多滴汗加油啦~


博益結業(支持一Tag)

我地非理性地要求商家佬
唔好殺呢間出版社係非常過分
但係有錢賺都殺,點解?
百貨應百客都唔識係咪咁搞笑?
連本《MAXIM》雜誌都唔保住
家陣連博益都摺埋
你叫我睇乜野高質素讀物?

小詩也算是盡點綿力
Tag下這段文字

「1. 想盡辦法將這件事傳出去,在你經常去的論壇 或新聞機構的網頁 留言!總之讓香港市民知道這件事!

2. 在你的網誌寫文章,以「博益結業」為題或作TAG;

3. 去信聲援你所支持的作者,呼籲你的朋友加入聲援行列。


URL: http://www7.discuss.com.hk/viewthread.php?tid=6309349&extra=page%3D1

大家也來支持一下
作點非理性的堅持吧!

星期五, 1月 25, 2008

小詩隨筆64

小詩無興趣講林狗....
記得史提芬周每次狂笑o既時候
就係佢痛苦o既時候
笑得愈大聲,感覺就愈痛苦....
係.....小詩係度狂笑緊....
(Picture source from: URL: http://sonyericsson.sev132.001at.com/blog/painting.jpg )

噙得就噙

今日睇七點o既電視節目
見到李大師用六十循環o一次既「甲子理論」豬噙
D理由夾硬到....

08過後就係09年
係咪中國又改朝換代?
呢D人意圖謀反,應該捉佢打靶啦!

-------------------------------------------------------------------------------------------

64不祥

鬧完人自己又黎個賴得就賴o既時間....

本來以為今年會係個暖冬
點知近幾日寒風雪雨變到好凍
小詩都話又凍又落雨o既日子係特別凍架啦
不過點解要揀日唔使返學先o既日子先至凍
小詩想買杯Hot chocolate吹住風咁飲
咁樣先頂癮夠詩意架嘛!

開左個Google Reader
睇到博益出版社停業.....
咁凍又唔想出去買本書留念
睇埋D starred items算啦
聽日小詩就去買書~~

咁多衰野....都係64呢個數字o既錯!
唉~!小詩寫到咁xanga o既!

------------------------------------------------------------------------------------------

我錯了,but I hope it will never too late/too late to say that.....

尋晚俾師兄炳完一輪
小詩係抵炳o既...
咁大個人都係時候修心養性
講左就要做,唔好let anybody down
買定報紙畫圈啦....

搵左個姐姐問問題
點知連個姐姐都睇得出
小詩已經驚到出汁
當下小詩即刻笑左出來
「哈哈哈......哈哈哈......」
就咁笑左好耐....
笑到自己有D不知所措....
唔夠廿四小時,收到個路邊社消息
一望之下已經發覺有D遲甚至後侮
但小詩希望自己唔好太遲........
跟住一路捻下點算即刻又笑左一場.......

係小詩o既表情符號裡面
笑已經取代左喊啦.......
「回收時間過左啦?」
哈哈哈哈哈哈........


星期二, 1月 22, 2008

小詩隨筆63

倒米不如去freerice.com送白米
(Picture Source from: URL: http://www.geocities.com/lai_mamma/img/rise1.jpg)

頭髮

「你今日個頭做咩呀?」

小詩俾唔到反應,只係得「開心」兩個字....
頭上有如亂草的髮型
小詩享受緊頹廢o既感覺
不過都享唔到幾耐
黎緊點剪我都仲未度好

"其實我見到你...我有腦震盪o者....."
希望我o既「開心」可以俾到你~
同埋記得要加油...

-------------------------------------------------------------------------------------------

頹廢

講師係一個讀完個碩士o既男士
潦落杏林教人用MS Word
雖然呢個世界大把蠢人
但點解唔整個test將D蠢到爆同無咁蠢o既人分開呢?
至少唔使咁多無用o既break
大家又咁hea
佢又教到咁無心機...

小詩家陣寫D咁o既野
其實都同個course一樣
好呃秤同趕客


監獄兔終於做完啦....
最尾一幕真係O晒....

星期六, 1月 19, 2008

純粹創作-迷糊

(Picture Source from: URL: www.geog.ucsb.edu/~ted/fog/index.html)

嗑了兩顆退燒藥丸,我一拐一拐的步進午夜的被窩。頭像是不斷的晃,除了病毒在我腦內放肆奔走之外,還有把我整天圍住的數字,讓我根本睡不著。

病倒的時候最需要便是休息,我強行閉上眼,決定放棄夜半起來觀察彼邦市場走勢的的機會,召喚我曾厭棄過的睡魔回來。

結果夜半還是醒了過來,原來我冒了一身熱汗。額上已經涼了,頭還是有點痛,好趁睡意猶在趕快換過衣服再昏睡一回。

向來睡覺最精彩的都是下半部分:作夢。夢都是發生在意識模糊之間,讓你睡得不夠好,而你本人卻在裡面不斷打轉停不了。我喜歡夢,起碼在夢中我仍能夠找個不合邏輯之處,告訴自己那是假的;而現實卻不一樣,常常叫我後侮不已。

這夜我在夢裡看到她....

她躺在沙發上,與別人接吻,而男主角不是我。我竟然全身繃緊毫無反應,完全不像個性衝動的我,我應該衝上前狠狠的揍他一頓,直到他頭破血流為止。我終於看見他的正面......怎會是他?我真不敢相信,一個我認識的人竟然搶走我心愛的女人。

一步一步的走向冰箱,我打開冰箱的門,拿出一罐罐的啤酒澆向自己,心中怒火沒有澆熄,身體卻愈來愈熱。

我終於醒了,還滿額大汗。而我醒來第一件事就是打電話給她了。

「嗯....早安。」

「你怎麼樣了?聲音很沙啞...你生病了。」

「我沒事...」

小病是褔,病了才發現我最愛最惦記的不是工作,而是她。

她就是我的福氣。



星期三, 1月 16, 2008

小詩隨筆62

我已經唔想睇新聞....

Day of Everything Go Wrong

痛呀病呀發燒呀
乜都發生係小詩身上....
成個人魂魄唔齊
卒之俾人醒左鑊
好野~~真係開心過落地獄
最好放埋個GPA1.0過來
咁就一天都光晒!
一堆嬲唔落o既野係晒面前
咪當我抵死囉....

------------------------------------------------------------------------------------------

Stop Whaling!

URL: http://news.nationalgeographic.com/news/2008/01/080114-whaling-video-ap.html

可惡o既倭國漁商同政府.....
你地倭國幾時學識咁節儉
無用包裝繼續包到件產品成件木乃伊咁
但係「做完研究」本應該被銷毀或者製成標本o既鯨魚屍體
竟然出現係漁市場度售賣
仲要節儉到煮咖哩鯨魚便當咁「悲慘」
點解唔試捉班日本軍國主義者
割佢地D肉去煮人肉咖哩便當?

查實係咪遲D食或者限住食鯨魚會死人o既呢?
係咪要等全世界小朋友見唔到鯨魚先安樂?
係咪好希望全世界同你一齊陪葬?
假如係o既,小詩願意寫信俾中國政府
安排番你地全國子民去掘當年你地祖先
係東三省扔低果堆仲未出土o既毒氣彈生化彈頭
一件足以死番過百人....
唔夠o既最多醒多四粒核彈過你
等你地同倭國天皇一同歸西.....阿門~

-----------------------------------------------------------------------------------------------

唬你....唬到你無位企~

某日,小詩睇到篇一位小妹妹係佢o既網誌度寫o既野

"大人們總愛嚇唬小孩子

當幼稚園升小學時
當小4升精英班時
當小6升英文中學時
當中3升中4選科時
當中5升中6會考時
當中7升大學AL時

每每不停地說: 升上去會很辛苦的!
要比以前努力100000000000000000000000倍
以上我都經歷過
辛苦有時, 但至少死唔去
可能我從未試過認真去讀書"

有冇發覺細個果陣總係唔受唬.....
咁大個先發覺有唔少野遺失左
然後投射番係自己o既仔女
或者一D自己識o既後輩身上

同呢個小妹妹講野,
小詩先發覺現實裡o既代溝超乎自己係腦袋設下o既一個
佢地做緊乜捻緊乜搏緊乜
莫講話小詩,連坐係下亞厘畢道果三屍十二命都唔知道
官場有謂「屁股指揮腦袋」
佢地呢班木偶唔知真係無人會理

陳大文先生係佢o既一篇網誌《世代眼中釘之一:從白麵包談起》
講到第四代人經常指責第二代「賴著茅坑不拉屎」
其實忽視左果班係經濟衰退其間破產o既小老闆
陳先生可要知道呢班「第二代」的代表人物
就係針位居中高層擁權自肥o既企業管理層
並唔係拼搏o既小企老闆

梁文道先生係佢近排其中一篇網誌《你到底是誰,細路
就明確指出第四代人o既憂慮
佢地望唔到前途,工作就好似諾曼帶登陸(唔知幾時「殉職下崗」)
父母(第二代人)教落o既野再唔o岩用,
但係佢地(第二代人)又唔願意更新自己用緊果套思維
就算有更新o既都只有技術一層

係可見o既將來
第二代人同第四代甚至第三代人o既摩擦將會愈來愈大
對比起政黨輪替,普唔普選
隔代之間摩擦先至係一種深層次矛盾
呢D係阿爺睇唔到亦救唔到o既
假如搞到要硬著陸
結局只有「重新洗牌」
有錢o既夾帶外逃
無錢o既係個爛o既飯碗度搶食求存
人力同資金真空製造出來o既經濟問題
十個阿松都救唔掂......

好~~小詩鬧完o勒!


星期二, 1月 15, 2008

今期播放23


又係走漏寶...二線小生原來又係前歌星
同上屆視帝,曹生一樣...唉~
不過首歌幾好聽,但係一聽就知90s改篇貨仔
估唔到強叔填到句「豪情哥哥」咁頂癮....
望望下膠皓正又幾似二線小生


金牌一姐唔係咩stephilosophy...係Sandy!
Oh~611一出道都唔係歌手來架....
明步佢幾時同D音樂大師合作出概念大碟?
睇怕出得來都世界末日
聽完又覺得藝術層次唔夠....


我成日都覺得如果玉女掌門人能夠唱到呢首歌
肯定比Miss Kwan更好
至少多D人識嘛!


鄒小姐把聲好似A.Lee,
個樣就賣唔到出街
另外首歌o既填詞人係傳說中話自已撞鬼
而且「我愛下面長」....
總之小詩希望佢收檔...


When Happy, need happy....
總之林夕點填都填唔到呢款歌啦卦~
家陣人人一窩蜂講人生哲理
講來講去得果三篤屁
毫無層次上o既提升...
對住D口是心非o既香港人講人生?
咪真係當你係K房唱歌囉....

星期六, 1月 12, 2008

純粹創作-一條雞腿的愛


從燒味部把這碟油雞腿飯端到座子,坐下來便大口大口的吃,在大學飯堂裡吃飯其實也不用太講禮儀。

每次來到這間飯堂我也會點這款燒味飯,皆因我愛吃雞腿。通常人家愛吃雞腿的原因都是因為雞腿的肉是整隻雞裡最鮮嫩最有口感。但我喜愛的不只是來自雞腿的味道,還有它的酥香,因此掃上酥油和配上薑蔥的油雞腿便最能討我歡心。油雞腿上脂肪分佈得剛剛好:雞皮表面黏著少許油份,就算去掉雞皮後肉上那一層帶著脂肪的薄膜也讓雞腿變得非常可口。為滿口腹之慾,我每一次也是連皮帶肉的吞進肚子裡。哈~誰讓我付十六塊錢就能吃到比酒家更高質的雞腿飯,我又豈能如斯浪費?

像我這般市儈之人,每次吃過飯後也會搖身一變成為兼職會計師,算一算我花錢後得到的回報有沒有被人佔便宜。在大學飯堂裡來一客雞腿下午茶餐得花上十三塊,撇去餐飲成本四塊,這條雞腿便只有九塊錢的價值。不過茶餐供應的都是失去鮮味的炸雞腿,用來討好只知麥金塊(McNuggets)而不知食為何物的小傢伙就最好不過。

說實話,要吃上最好的雞腿不如自己動手去市場買一隻即買即宰的活雞回來,不論是製成白切雞醬油雞或者「o者o者雞」,整隻雞的鮮味也能保存得完完整整,根本沒有難吃的道理。不過一隻雞只有兩條腿,在我身處的五口之家,要平分這兩條雞腿實在沒可能。在其他的家庭裡,吃雞腿可是種權力象徵,不過在我家裡吃雞腿的意義就不一樣了。飯桌上爸媽都疼愛我們,叫我們三兄妹輪流吃雞腿,當老大的我寧願少吃條雞腿也不敢待薄父母弟妹,而弟妹也不忍心讓爸媽啃骨頭。結果每次到最後,碟上剩下的都是兩條雞腿,而這兩條放涼了雞腿,已不是一般的雞腿了。

上一次,爸媽終於分別起筷把兩條腿夾走,連同凝固在雞腿旁邊的雞汁一起放進嘴裡。

雞腿和汁是冷的,心卻很暖。

小詩隨筆61

希望這位小女孩會得救.....

無動於衷的道德爭扎

間唔中都會係email果度收到唔少呼籲大家施出援手o既郵件
睇完叫大家forward出去.....
今日小詩又收到份來自十二月四日o既郵件

Subject: Fw: 請幫轉寄出去好不好?要快!
From: tommytong@reliance.com.hk
Date: Tue, 4 Dec 2007 10:33:46 +0800

請幫轉寄出去好不好?要快!
香港小學學生輔導專業人員協會 本會電話: 27412665
傳真號碼: 3158 ?197 本會郵箱: P.O.Box 73588
K.C..P.O. 電郵: linoiche@hotmail.com
網址 : http://www..sgp.org.hk
請大家隨手做功德,轉寄出去不會花你半分鐘的時間 ..
謝謝

程曉菁
電話: 2550-7099 2550-7098

急徵AB型骨髓配對,希望大家轉寄此信,讓他們找到(救星)她是一位血友病患者,經診斷須要做骨髓移植才能有生存希望。

我們已經到各醫院捐贈資料庫作過登錄了,但由於患者血型特殊,使得配對成功的機會非常的渺茫。

因此我們採用了寄發電子郵件的方法,雖然也許不是很聰明,但對我們而言,這可能是最後一個希望。

對一個血癌病人和家屬朋友而言,時間一分一秒地過去,越令人害怕。我們急需要一位血型AB型的骨髓捐贈者雖然只有萬之一的機會,因為您的慈悲與大愛,她才有活下去的希望。

請申出您的援手與我們聯絡,也請您可以將這封信再轉寄給您的親朋好友,謝謝。感 激不盡!

Eric Hui Tel: (852)-2426-6073 (Office);
(852)-9181-2083 (Mobile)

已經係一個月之前o既事
其實每次小詩收到呢類email都係遲足十世
而睇到個標題已經開始懷疑真偽
再捻捻我forward落去係咪有用?
因為整出來o既垃圾郵件可以以萬計....
所以每次都無forward email呢個動作
過後小詩都每每問自己
其實會唔會間接害左個病人?
但係小詩又唔覺得咁做到D咩
換個角度睇即係將個手榴彈你拋俾我又拋俾你
你唔知開左fuse未,總之接到就拋......

為左自己良心好過D,小詩決定放上來...
幫位小妹妹又好,等大家公審下小詩又好....
---------------------------------------------------------------------------------------------

堅持

好多時候小詩都係無了期咁等
等到無晒感覺或者件事過左
然後當無事發生過
小詩好唔希望再發生係自己身上
尤其係隻擔挑又落係自己度o既時候
小詩只係想完成件事
無論結果好與壞,過程痛苦定快樂
總之堅持落去,唔好俾自己丟淡或放棄
---------------------------------------------------------------------------------------------

不知所謂

呢四字小詩又再用來形容自己寫o既野
假如寫blog真係滿足班睇你寫野
或者用心支持你o既人
小詩覺得太沉重啦
小詩認為過到自己果關已經合乎標準
但小詩連自己寫完都覺得唔滿意...

寫左D野三年後睇番自己會唔明o既
咁寫來有咩意思?
-----------------------------------------------------------------------------------------------

教育電視


真係好兩個不知所謂o既超現實例子
假如小詩係個機長我會掟佢落機

星期五, 1月 11, 2008

再度回味3

只求博君一笑....


蘇格蘭場非工業用國際線路自動溶雪十六Valle
風油軑垂直升降連鐳射彩色洗衣乾衣氣墊毛筆一支o既出處...
永遠無人中o既六合彩,,,,
仲有姨丈原來係姨媽個老公,,,,,


好地地羅文o既《朋友一個》


變左Gag佬兩個....


當李黑人未唱世界杯主題曲之前
就係佢兩條冷係度搞搞震...


看鏢!

星期三, 1月 09, 2008

今期播放22


嘩....真係唱到爆am.....
阿嬋都俾雨生搞到呆左....
太勁啦~~


小詩之所以鍾意Eric Kwok係源於Swing
其實佢同Jerald都好得
只係個市場放棄左佢地.....
佢地散左後玩幕後反而仲勁
幾乎將Mark雷打低


《生日快樂》
首歌衰其實係填詞填得差
Eric Kwok重編過已經好過原版好多
不過Grace o既原版又真係好難聽...


《1984》
Swing成日都話想做D跳舞歌
但係唔知點解次次將D跳舞歌
轉晒做慢板情歌仲好聽....


有冇人覺得Eric個樣好似單立文?
你唔覺?小詩覺囉...

星期一, 1月 07, 2008

小詩隨筆60

落閘放狗.......

關閉博客

各位別要這麼興奮
小詩還沒有打算關閉這個blog

兩年的博客熱潮漸漸散去
有些人棄blog而去
有些blog光榮結業

種種條件與事實過程
都証明blog在一般香港大眾眼中
只是一件潮流玩物

封閉的心理排洪
小說專欄專題寫作
終於花光才華,吐盡苦水....
最後悄悄然離去

過了2008,剩下的又是哪一種人?

----------------------------------------------------------------------------------------

Must Heal

在butterfly effect下小詩突然由幫廚變成了主廚
在廚房裡做事....拿起刀也再沒有生疏的感覺
只是切切切.....刀功都因為在實驗室裡的經驗而大有進步
失敗的過去成了今次成功的踏腳石
也嘖嘖稱奇的是,小詩突然能夠拋開心理包袱......

然而小詩再進步與否也不重要了......

---------------------------------------------------------------------------------------------

Dear Clarisse.....
You Smile is So Beautiful.
Wish You All The Best, and Don't be naughty...ha~

------------------------------------------------------------------------------------------------

一口氣跑到盡頭.....腦袋終空白
突然浮出來的記憶...有她
四公里路上遺下我的羈絆,我的煩亂
但有種感覺遺不下.........


某日搭緊小巴返歸o既時候...
司機播緊carpenter's隻碟,一路聽一路唱....
一聽就聽呢首歌....果日本身我都幾唔開心下....
我家陣又聽....其實個司機都幾Good Taste.....

星期五, 1月 04, 2008

騙財高清悲中來


講到質素,暫時CRT都係好D!

經過兩間電視台大力吹捧,家陣連踩住架單車送石油氣俾你果位阿叔都知道有高清電視。無鬼影,無雪花,影像更加細緻,嚇到D女藝員依瓜鬼叫,驚死個殘樣出左街會影響市容,即刻去買番一打半打高清粉底保障市民生命安全。

一邊上鏡o既人驚到鼻哥窿都無肉o既時候,另一邊香港人又發揮「執輸行頭慘過敗家」o既精神。個個仆住去買部高清電視同機頂盒,好似無左呢兩樣野以後實會無電視睇咁。

小詩o既老爸老媽都成日問小詩,過左12月31號係咪屋企部電視睇唔到野?高清電視係咪真係咁正?自己阿爸阿媽唔識,實在嬲佢地唔落,唯有耐心咁解釋下究竟搞乜春。

查實高清電視係咪真係咁清?以往高清電視所放出來o既pixel大慨係720X576(4:3 o既比例),家陣轉到去高清制式(HD, High Definition)變左做1920X1080(16:9 o既比例)。照道理個camera影落去係比以往放大一倍或者叫細緻一倍....係一倍咋喎!(嘩!仲唔夠呀?)一倍梗係唔夠,你自己試下搵部相機用最wide(1X)個位幫自己影幅車頭相然後將focus加大一倍(2X)再影多相,比較下細緻度會唔會有咩大分別?答案梗係睇唔出啦,最多閣下副尊容無左邊o既o者.......

假如講到畫質,就好應該以部機畫面每粒pixel o既大小做標準。理論上pixel越細粒畫質愈好。一部正常o既42吋高清電視來計佢o既距離點數比同一部21吋o既傳統CRT電視其實差唔多。所以畫質亦相差無幾。以前D人唔識野以為買部29、32甚至40吋o既電視就好好享受好把炮,點知起晒線,格同狗牙,就好似上年你係見茶餐廳果部用唔盡D pixel o既42吋LCD HDTV一樣。當然而家部LCD HDTV駁左高清解碼器就清好多啦。

對於鍾情影音o既發燒友,畫質要細緻之外色澤亦好緊要。CRT可以做到32bit(2 o既32次方咁多隻色;人眼睇到24bit)而HDTV據講暫時只係去到16bit。D色靚咁多,所以黃貫中都係CRT電視消失之前買番部自用。小詩唔係玩家對眼分唔到咩顏色層次,當然唔會跟住去買啦。

插左咁耐,其實高清電視都有好處o既....16:9制式叫統一左現時五花八門o既顯示比例,方便大家睇DVD(720X576,又係16:9)可以用晒個畫面,電視劇影個close up出來效果有壓迫感D。而數碼廣播無失真,將俄羅斯雪花同飛機下的鬼影一一掃走,政府推行數碼廣播算係福為民開啦~

說時遲那時快,有團體斷估話有五十萬部CRT電視好地地會被人拋棄。查實家除左睇外國劇集一定要用高清之外,幾間土炮電視台o既膠劇(同事X分親)同垃圾劇(九唔搭八ATV)又點襯得起部HDTV?D土炮劇佈景差,劇情差,萬一睇到火遮眼無晒理性掟爛部過萬蚊o既HDTV,咁就該煨囉!都係等到2011果時內置埋解碼器o既HDTV減價促銷,或者等你屋企部CRT返魂乏術先買至化算,掟爛幾部都無咁肉痛嘛!