星期四, 8月 16, 2007

今期播放12

「一生不可自決...」
呢句金句係由陳百強o既《一生不可自決》提供

到現時為止,演藝圈內
除左廣播城果位黎生之外
無邊位可以勾起小詩對陳百強o既回憶
林生做左個創舉
就係搵陳百強D歌來做左個音樂劇
演出大獲林生粉絲好評,
各位純情少男少女自然仆到去買飛
睇完又睇,睇左再睇
食住條水出左隻CD
自問update得慢o既小詩都要八下咩事

除左少部分係林生個人創作之外
都係搵陳百強D歌仔重新編曲包裝
小詩覺得陳百強當年已經做得唔錯
假如林生拍得住佢都可稱一絕
拍唔住佢都係非戰之罪
點知小詩一聽左隻碟就彈左句「出事啦...」
竟然有兩首半超越原作
《戀愛預告》Pop味份量重左
電結他同順耳編曲亦令首歌時代感重好多
《偶像創世紀》重新Remix....
好八十年代,節奏亦都勁好多....
不過唔知點解小詩覺得林生把聲變左好盧冠廷....


臨尾附送上一文提到o既《情花開》
片中三位o既演出可以講係災爛性(唔係我寫錯)
小詩真係好鬼like修哥最尾果句,夠晒可圈可點...
「兩位小妹妹呀,唱懷舊歌唱得咁有味道o既~」

沒有留言:

發佈留言