星期日, 4月 08, 2007

小詩隨筆2

大把project等住我做
如果有份project係齋等......
每個月又有夠生活o既錢落袋....
我即做.....

感覺昨天寫的東西還不夠
於是製作了以下獨家個人專訪轟炸大家

Q:對於呢個blog多左人來睇,你開唔開心?
A:無話開心唔開心,多人睇又係亂咁寫,少人來睇又係亂咁寫。我寫野係為左令到睇o既人個腦有D野轉下,唔係為搏出位同高收視。咁叻搏出位的話,羊生請左我去做周刊。

Q:點解唔寫下D政治話題?睇你都好多意見喎...
A:細個讀左D傳記同歷史,有一個好重要o既訊息話我知。政治真係掂不得,尤其是中國政治。純白感覺同神秘特務色彩只會令鬼佬著迷。除非你一出世就係政治人,否則局外人走去搞搞震請先準備海葬計劃。講開又講,小弟有三不講,政治宗教同任何人o既私隱。

Q:唔講宗教?講少少啦...有冇宗教信仰架你?
A:冇,我而家唔需要,亦唔好向我傳教,我向來都玩殘果D做sales o既人。

Q:你係副學士學生,點解唔寫下有關題材?
A:我寫過唔少校園生活題材,都係得罪校方居多。後來睇番寫D野,咁炳人其實又唔多好,其實應該過後先寫咁先夠中肯,所以呢而家無謂寫。

Q:咁鍾意寫野,有冇考慮做專欄作家,記者?
A:朋友問過不下十數次呢個問題,但我考慮過呢個問題,認為自己一定唔掂。事關我邊有咁好文采,同埋睇過方向報蛇窗勢劉老先生o既專欄,佢講到寫專欄其實唔容易,一乾塘就大鑊,又要定時交稿,心情唔靚就吹唔到好文,所以文人爬格子同算命先生一樣都係朝不保夕。另外我成日無厘正經丟三忘四,做記者做唔夠三日都實俾人炒魷都似。不過來日方長,好多野都話唔埋。假如有人俾到自由度小弟,我實去呃番一百幾十~

Q:點解你唔將D文章分類?
A:寫到頭昏腦脹仲分類,我D野亂噙廿四,點分呀?

Q:點解無乜係你個blog度留言o既?
A:早年小弟唔多鐘意人煩,所以見人留言就ban....而家就隨人留唔留,事關我識o既好多都唔識留言,而我亦都好少理有冇留言。有意見o既當然歡迎留,但識我o既請用更直接o既渠道搵我,因為係度留言要等十幾世先會有人睇。

Q點解你成日貼相?
A:呢種做法係老抄Maxim....純粹為美觀,搞下爛gag....同埋睇來去豐富D,唔會悶親D成日投訴我用大量文字責死佢地朋友。

Q:點解你唔賣下Adsense廣告
A:我最憎廣告架勒,好鬼煩!我見到廣告就會ban....不過我又會同朋友做免費廣告....

問夠也答夠啦
是時候講一下其他事情

近來不斷看很多blog...
看的都不外乎一個blog裡大量所引申出去的連結....
click呀click呀,讀呀讀呀
許久沒有看過這種大段有意義文字的blog
有如躺在雜誌/書中字海裡
朋友的xanga只是相,沒有註解
空洞的行情報告,我愛你你愛他/他的字句
訴苦/悶但不知為何訴苦/喊悶的自白書
相反這些新來的blog
讀得我多快樂
我一一的subscribe了....
不過早上醒來打開google reader
天哪............
就是有幾十個東西要讀....
相信慢慢會習慣的...
以一個讀科學的學生來講...
其實我這樣的讀也挺頹廢的...

我手寫我口就是不行
白話還不是為香港人用...

廣告比電視劇好看
香港的怪現象.....

對於經年的題目仍未完成
很痛苦...

沒有留言:

發佈留言