星期六, 3月 10, 2007

今期播放5

斷左纜都幾耐
都無乜聽新野
除左係巴士睇路戲果D爛gag介紹之外
根本我就無乜更新我D知識
幾經辛苦打造出來個假潮樣又被衝擊


以前超睇方生唔順眼
佢果隻俾假鬼妹唱o既《頭甩甩》
真係聽到毛管戙耳都側埋
玩中國風又真係唔多得
你估係LeeHom咩....
今次方生繼續做老本行
好一位soulboy
隻《愛愛愛》plug又得,藝術方面又夠
爭在唔知賣唔賣得
歌詞對於果D自命清高又傷春悲秋的感覺作出完美闡述
而個MV就拍到好鬼佬勒...
成個Live樣出晒來...
配合此類MV必備o既陰陰嘴笑場面
方生呢個enjoy樣就夠晒戲味~
《蘇麗珍》同《拖男帶女》都係水準之作....
嗒落有味,方生D才華的確係度
周生o既填詞幾好
全完玩到方生果種懶係有型格的感覺
《四人遊》敗筆在假鬼妹手上
「女朋友」呢幾個字唱錯.......
英文廢話又太多.....
真係愈聽愈驚....
話時話方生你都要加油勒~~
成日戴茶鏡唔代表會引人注目
反而以為你有白內障,慘到仲未有錢做手術
睇番方生D同類競爭者
郭頂,胡彥斌果D大有食左方生o既勢
所以方生個樣都係實際D好

比尹光浮誇少少就fit晒勒
聽講EricKwok都想方生合作...
推介:《愛愛愛》,《蘇麗珍》,《拖男帶女》,《春風吹之吹吹風Mix》

阿B個衰仔....連女人都唔放過~
跟我黎!一齊3-3佢!

為左令破產令解禁o既Kenny以最快速度搵到最多錢
用來曬死佢個仇人,及為「唱好好日」基金籌募餬口同復仇經費
溫拿五隻「老」虎又出來跑跳唱玩...
五張幾....咁開演唱會又真係無可口非
好襯骨質疏鬆症前跳多幾野
就算你話五個唔知醜扮小丑o既老坑係度阻住晒
佢地都會繼續跳
錢佢地係搵到
但係就打破左十年reunion一次個gimmick
唔使三年又sha-la-la
再咁搞法就sayonana
講番隻歌仔《33轉》
又幾好喎~~~
秉承《千載不變》同《自然關係》
煽情同哲理都有....
之不過句「我撐你」就好鬼難頂....
你地呢舊「阿伯組」就咪撐啦~~


大住個肚都有唱片出
呢個賣點已經殺晒...
簡直同Celine Dion齊名
隻碟係新舊兩味炒埋一碟
新歌有新歌o既新鮮感吸住你
舊歌反而有另類口味出
正唔正就真係睇你口味
yahoo寫碟裡面有隻歌叫《我愛茶舞廳》
我想問係咪講點樣行街吹簫同捽脾架?
睇來yahoo班友肯定係月尾手緊只係去得茶舞....
總體來講,隻碟對D成日批評謝小姐o既朋友有教化意義
至於其他角度來講都係一隻可聽性高o既好碟,買得過~
推介:《第一天》,《節外生枝》

沒有留言:

發佈留言