星期一, 12月 31, 2007

純粹創作-冬天的熱好立克


「焗豬,熱呵lick丫唔該...」

好立克這種在花旗國裡連老窮鬼也不會點的飲料,就是我在寒冷的日子裡走進茶餐廳或者快餐店的必然之選。

熱咖啡和奶茶的苦澀,無論再加上幾多奶和糖也於事無補。茶餐廳裡用朱古力粉沖出的熱朱古力,沒有濃郁的口感,舌頭感受到的只是一堆沒有味道的液體。

高熱量、高營養、微甜就是好立克的特色。再添上一點阿華田沒有的淡奶,立即香氣四溢。不論是口腔哪一部分都能感受到一份滿足的感覺。我就是喜歡它帶給我的「幸福」感覺。

「小詩,今日十八度喎~」

「哦....咁轉叉油雞同凍檸水丫唔該~」

說到冰凍的飲料,我還是會選擇檸水........


向紛亂的2007說再見~
祈求2008會有個好時代....

小詩隨筆59

輕,細同型....四十幾萬買到部
平過買Porsche
好過買咩WRX啦....又嘈又大舊
小詩家陣幾鍾意Lotus...

算啦....用返廣東話寫
就算大陸o既同學仔睇唔明
我都唔care啦,佢咪又係一大堆雞腸飛過來...........
小詩唔知呢篇係今年尾二定最尾果篇
總之都係除夕作品....

考完個試心情無咩上落
只係考緊試係文化價值方面說三道四果陣有D眼訓
木口木面咁坐車返屋企
睇本書睇來睇去都係果一頁
睇到訓著左仲差D落唔到車
真係想快D睇完本書....
了解下點解佢話無神論
會比小詩而家相信o既不可知論更加合理?

o拿....都話小詩成個文史哲人架啦....

-----------------------------------------------------------------------

Tolerate

http://letticeworld.blogspot.com/

睇完呢個小妹妹o既blog
雖然寫成堆流水帳
但小詩覺得好真實....

換著係小詩o既同學寫埋D咁o既野
小詩實在忍受唔到....
小詩開始唔明點解自己要鬧佢地....
係佢地真係無用腦
定係真係無性格,
到最後要搵D童年時代o既野去填補個成長空隙?

---------------------------------------------------------------

抵死

小詩發覺自己好大問題
小詩太獨立啦....
對於埋堆o既藝術自己都仲未咁了解....
點解人地D埋可以埋過十年
期期都咁熱情....
而小詩識o既唔係忙死就摺死......

每一段友情小詩都總能夠「全身而退」
或者真係性格使然
做野乾淨俐落得滯....
唉.....得番十幾個鐘頭俾我一個人
去思索呢個令自己咁抵死o既問題....

---------------------------------------------------------------------------------

祝你快高長大,一生愉快....
長輩小詩留字....

星期五, 12月 28, 2007

小詩隨筆58


為衫碌Link「贈興」....
願上天保佑沒人會體會這一霎剌激之旅

Who Wish You a Merry Christmas?

在MSN和電話收到不少祝小詩「聖誕快樂」的訊息
小詩從不問這些東西是Junk message
抑或續個字打出來的真心祝褔
接到這些訊息,小詩也樂得一陣子......
因為小詩從不計較這東西在何時送來

一如往幾年的聖誕
小詩又留在家中死抱電腦不放
不外出的原因有二
1.)小詩仍在生病中,雖然病不是很重
2.)沒人邀約小詩這隻非派對動物外出
但這幾天,小詩並不空閒.....
老媽的手和思索文化題目
早已消磨了小詩不少精神.....
也感謝老大在這時刻盡了責任.....
(但願老大學會一個「家」的負任,有交帶...
老爸和老媽已不是十來年前的他們......不論身體還是思想方面...)

教宗叫大家思考聖誕的真正意義
沒錯,消費文化的確將宗教上的意義完全淹沒
但是虛構的聖誕老人和故事裡的耶穌一樣
同樣將希望和快樂(或者失落)帶給貧或富的人
今天是Boxing Day...
如你能夠做一件善事給你身邊的人快樂
已經是一份很好的聖誕禮物

P.S.當然,如你能夠以後每天做一件善事給你身邊的人快樂
那你會比那穿上紅衣,虐待動物的虛構胖老頭做得更多

----------------------------------------------------------------------

重覆

生命故事每日都在發生
每日都在重覆

小詩發覺自己會重覆說一些十幾年前說過的話
每年的某個時段有著同樣的感覺

碰到某些人總又重覆說公式化的問候說話
然後重覆的緘默
重覆的話別.......

終於遇上了變化
聽到這樣的回音.....
頃刻小詩肋骨裡的一切彷彿被掏空....
太遲了.....真的太遲了......
小詩失常的傻笑......
望著旁邊的伏特加
真有一種衝動用它填補空隙
然而從不喝酒的小詩
又何必為自己製造另一種重覆?


點解個故仔咁《Long Vacation》o既?

星期二, 12月 25, 2007

今期播放21

《我們在炎熱與抑鬱的夏天,無法停止抽煙》

近來看聽過這個半地下Indie組合的新專輯
假如近年的淋直是用不知所謂的語言
為三四十歲的一輩舒一舒怨氣
或者重新反思自己的得失
那麼My Little Airport這張專輯
就是用點嬉笑(準確一點應該用"gag"來形容)無奈的心態
反映十八廿二一群的聲音

輕鬆而粗糙的音樂,毫不講究唱功
聽起來就像一個同樣是十來廿歲的摯友
用平常的語氣跟你訴說心底話
有關他或她的愛情,朋友,學業事業上的迷惘

《讓我搭一班會爆炸的飛機》
寫的是期待末日和自毀年青人心態
「讓我搭一班會爆炸的飛機 回到香港之前被炸死」
能夠逃離香港這個鬼地方
相信只有永遠消失於這世上.....

《畢業等於失業》
雖然時下青少年好逸惡勞是個不爭的表面事實
或者應該這樣說,他們看不到奮發向上的目標
他們的目標仍被一群不再能提高生產力
卻向這群青少年無理指責的老傢伙霸佔著
畢業等於失業,不如去東涌掘個山窿埋了自己算了.....

《我愛官恩娜,都不及愛你的哨牙》
一聽之下,整首歌的感覺沒有一般大路情歌的「老積」感覺
一句句充滿的傻氣的俏皮情話
三兩個毫不相干的比較
令人記起不知何時對誰說過那句愛的白痴承諾
「青春....真可愛~」
青春的愛,更可愛....

他們將會是繼At17和農夫後
一隊小詩喜歡的另類組合

其他推介:《悲傷的採購》,《Frankie Wants to be Alone》,《奇人的離職》


樂壇的確久違了一些形象陽光
較為「唱得」,身材高佻的長髮美女....
小詩十分看好她的發展前景
假如她今年拿不到新人獎
那是公司勢力問題
而不是她的本錢和實力的問題


夏至的填詞素來都是問題叢生
一首好歌給她破壞了一半
不知她是否聽慣了外國音樂
或者早已變成了中文白痴
還是她根本連語法也不懂...
甚麼「自拍低經過」
不過一山還有一山低....
我們有思想停留在十五年前的高皓正


這首引起全城哄動的MV
由三位經過身體改造的噴血美女演繹
雖然三位美女口口聲聲說香港觀眾思想Cheap得很
但是MV內三位美女躺在地板上張開雙腿
男舞蹈員彎下身,把手放在美女膝蓋上
各自的腰部上下扭動
這些毫無美感的動作除了撩起觀眾慾火外
一切都是不必要的動作.....
(假如不看前文後理,大家可能以為小詩正在寫甜故)
還沒有算TVB版裡的「洗車送波餅」環節
「意識不良」的大罪真是逃不掉
不過算來最叫人拍爛手掌的是
填上整首慾詞的竟是游思行
如《斥測樂壇》Holf Yuen先生所言
小詩實在很有興趣看看西琦小姐
何時在她的商場演出中演唱這首好歌


此歌假音部分是胡生自設的陷阱
當然,廣東話版中Mr.J依舊使用賣弄煽情的演繹方法
使副歌更加刺耳難聽
況且小詩一早已不接受這一套

星期五, 12月 21, 2007

曇花新星變舊人2


呢位小朋友對音樂抱有一腔熱誠,熱愛香港...
係囉...淨係得咁多囉....
咁o既年紀自作自唱係的確係了不起o既...
憑住呢首歌一時彈起...
係囉....一時咁多囉....然後咪就係收皮囉
當年同學A話:「笑X死我啦!你唔好影衰香港啦~!」


同場加映唔幾時o既科大Live
小詩都唔知話檯上位小朋友Kai
定係檯下班大學生低能好


陳小姐佢同李小姐曾經合唱呢隻地鐵廣告歌
就係呢隻o勒....兩位收場係點?
一個退出一個唔知係邊....


如果話呢首歌好聽
不如話作曲o既柳生作得正
李小姐佢的確係唔識唱歌o既....
和音仲唱得大聲過佢...問你死未??!


(十幾年前)「嘩....小燕呀!」「乜鬼小燕呀?」
(上年)小朋友A:「睇兒歌頒獎都唔知佢係邊個」
(今年)巴士乘客:「唔見
左啦?」)
到底佢係邊個呢?
不如捻下仲有邊個...
摺到小詩想係youtube搵佢段片都搵唔到仲好啦!

摺到搵唔到片有
A.收藏過有字母藥丸,近排幫TVA作劇集歌曲,若非眼利都睇唔到
B.同A拍過套野,拍過拖,而家做雜誌囉
C.五條友....捱過左一年就唔見左
D.又係五條友,捻用一招半式武功行走江湖,點知笑爆嘴.....歌詞低能,舞步搞笑,總之歌名冷,夾埋變成一個gag,好冷o既gag!

小詩隨筆57

小詩也暈了~~
(Picture Source from: URL: http://i24.photobucket.com/albums/c23/arieska/dizzy.gif )

經過整個月的停筆
小詩終於有空回來了
做了整個月「光碟機」
無可否認寫字的技藝生疏不少
甚至還沒有準備好重新寫東西的心情

無論如何,life must go on
尤其聽過Theo Paphitis這一句
「看見人家富貴,你只有兩種選擇:一是繼續羨慕,二是爭取你的財富」
我們每天口裡只會一面羨慕一面罵李超人為富不仁,
而自己則日復日利自本身軟弱一面放過自己
「與其呆在這兒不如get myself ready」
利用這句作為小詩這學期的教訓也不為過...

小詩準備寫些會悶壞人/笑死人的東西
隨筆繼續寫流水賬
另一方面繼續寫專題.....
方向就是這樣了
好好發揮我的talent吧!

-------------------------------------------------------------------



雖然小詩是個讀科學的學生
但感冒和傷風的分別我還是搞不清
向來病了都是先流鼻涕
接著喉嚨腫癢,最後是咳嗽...
接著依著次序消失...

對...小詩終於給筆記和懶惰打垮了
小詩病了.....

------------------------------------------------------------------------

強迫性失眠,科學性神經病

這些都是考試期間連帶的毛病.....
晚上不睡覺,睡了又睡過頭
睡醒了又不知自己身在何處
結果惹上神經病
進了試場胡亂作答
不懂作答的又給他們編故事
惡意竄改科學事實
現眼報就是小詩病了

---------------------------------------------------------------------

地獄劫後餘生

考完每一份試題
小詩也會安靜的坐在椅上默不作聲
因為考得人累了自然不想說話不想動
不過這還算好....
累了就不會胡思亂想.......

面對一份有兩小時作答時間
四十二條多選擇多答案(Multiple Choice Multiple Answer)的試卷
小詩只花了五十五分鐘便「做完了」...
做完的意思是指小詩做完了小詩懂的部分

假如世上真的有地獄的存在
我想應不會比剩下來的時間更難過.....
「答對有分答錯扣分答漏扣分
這是小詩見識過最惡毒的選擇題規條
試場內一片死寂....
面對這堆還沒作答的問題
內心爭扎不已.....答還是不答?
放手一搏或者放棄
都可能把唾手可得的分數化為烏有....

肉體上的痛苦大概可以挺得住
這種精神上的折磨真令小詩大叫救命...
「Times Up~」
小詩又靜下來了.......

------------------------------------------------------------

相見

每次我都是選擇坐在你的對面
原因很簡單........因為可以看見你的臉....


星期日, 11月 25, 2007

小詩隨筆56

心血少又心血來潮...
寫番篇野好他條...
(Picture source from: http://farm2.static.flickr.com/1325/608504058_6897118e87.jpg )



近排有個小妹妹話我寸佢寸得好犀利....
係咩?我呢舊大木頭邊有資格寸得起人....
連僅有o既少許幽默感都黯然消失
我仲剩番幾多貨賣?

又話說有位師兄喜歡同類
小詩知道呢個公開o既秘密
都係由佢o既身體語言所得知
話說上文化堂佢用公屋呢個題目做報告
學人玩集體回憶仲做得好鬼文化....
師兄知道小詩屋村仔o既身分
要小詩做媒幫佢手答問題
小詩當日眼訓到嘔,真係推得就推
佢仲要夾硬來
結果小詩就寸寸貢咁應佢...
「下?公屋點黎?火燭卦...」
「幾時有?唔知呀.....斷估大過我啦...」
實在我不知幾想玩盡D.....
《奸人語錄》都話:「人間有情,你未死就送你一程」
想訓又無得訓,要抖又唔俾抖
搞醒左隻訓緊覺o既癲狗
你今劑都無運行囉....

-------------------------------------------------------------------------------

懂我

姑勿論她是因為甚麼原因而對著小詩微笑
小詩也會很高興....
似乎只有她才預早知道
為甚當天我會穿成那副沉重模樣
也只有她.....把這一點點記住了
換著別個,只會不斷問小詩整天最不想回應的問題....



真正愛你的男孩,雖然想聽你對他說親愛的,其實心裡更願意聽的是「你個死人,你跑到了那裡?」

真正愛你的男孩,雖然有很長一段時間他看不到你,但你會發現他的手機裡保存的全是你發給他的曖昧的訊息

真正愛你的男孩,他會故意說要你給他唱歌聽,其實他更喜歡的是你和他在溫柔的爭執的可愛的脾氣

真正愛的男孩,他嘴上雖然說不在乎你和別的男孩交往,可是每當有陌生的男人和你接觸時,他會偷偷地將眉毛鎖在一起,因為他在乎著你

真正愛你的男孩,他不怕你生氣,怕的是你生了氣發了脾氣后依然不去理會他,男孩的感情也同樣細膩

真正愛你的男孩,每天他的腦子裡裝的全是你,就連走路的時候摔了一個跟頭,起來后拍拍身上的灰塵嘴角卻依然掛著微笑,因為他在惦記著你

真正愛你的男孩,坐在公車上也會想起那份和你在一起的擁擠,因為他喜歡聽你近距離的呼吸

真正愛你的男孩,他在吃飯的時候目光都是呆滯的,對面沒有了你,嘴裡的飯是沒有滋味滴

真正愛你的男孩,他會把別的女孩子寫給他的情書扔掉,因為他的心裡只有你。

真正愛你的男孩,他每天的生活都會很積極,因為他希望自己愛的女孩看到的是陽光的自己。

真正愛你的男孩,晚上躺在床上的時候會情不自禁地去猜測你這一天到底過的好不好,為什麼自己沒有打噴嚏是不是你沒有輕易地把他想起

真正愛你的男孩,他會數著星星在找你的星座,因為你勾起了他漫漫的思緒。

真正愛你的男孩,他不會輕易地把自己脆弱的一面展現給你,雖然他還不能給予你什麼,但他會盡他最大的努力來保護你

真正愛你的男孩,他也會在他最最無助的時候想起你 ,不是想要你幫他什麼,只是希望你不要擔心他自己

真正愛你的男孩,他會把他的第一滴為女孩子哭泣的眼淚給你,因為他是那麼的珍惜你

-------------------------------------------------------------------------------

錯字

近來經常寫錯字
剛剛又在上一篇papercast裡找到幾個錯處
睡不夠又睡不好
大家懷疑小詩精力過盛
事實上各位只看到「眼仔碌碌」的片面
轉過頭小詩又伏在案上呼呼入睡....
Sleep drunk不斷困擾小詩
上課又差點打盹睡
能不寫出錯字麼??

-------------------------------------------------------------------------------

人工浮台

吃飯時候與Mark兄閒聊
談起氣溫上升帶來的問題

其實氣溫上升不是問題
生物界的自行調節功能
一路以來不斷運行
我們之所以恐懼
是因為氣溫上升過快
和大量污染物停留在人類的空間裡
已開始不受大自然的隨機及反饋機能控制

冰山開始融化,陸地被淹沒
地球要繼續讓人類居住
建造人工浮台似乎是個選擇....

與Mark兄聊起浮台上的細節
想來以小詩和Mark兄所知的現今科技
要做到一個城市級的浮台還是天方夜譚

所以大家還是悲觀一點面對現實好了

-------------------------------------------------------------------------------

收檔

早幾日俾阿奇圖寸我
話我成日話今年收夠籌要收筆
點知收來收去都未收...
好....我就收俾你睇....
過左冬先返來....

星期四, 11月 22, 2007

Papercasting-K&K Wedding

按照往年老大的做法
我給老大拍下現場的燈飾
以作紀念...

小詩整晚有一半時間
都被它的熱力困擾著以致不斷冒汗
美不美還是見仁見智
但假如這東西放置在家裡...
卻又增加幾分浪漫情調

第一次玩Paper casting....
花了兩個小時寫完這篇文章
又好像回到中學時代痛苦又興奮的作文功課...

星期日, 11月 18, 2007

小詩隨筆55

佢出黎選
你又出唔出黎選??

選....

小詩覺得廿歲出頭的他樣子仍然很呆
我覺得他勝算不大
不是因為他的政治取向
而是小詩真的覺得他很稚嫩
假如他這次真的當選
我反而更擔心...
因為他所欠缺的練歷成了他的絆腳石
要一夫當關並不是靠量嘈音變魔術此等簡單把戲
就算劉某人刻意栽培他
他也不過是個能夠替地區辦小事的跑腿

於議事堂之上,除見識閱歷之外
思辯議論觀察能力,舉一反三
從我和他的對話裡
我所感的只有擔心
大狀黨之所以能取得人心
全因他們給予大眾信心,
點中部分市民所想
雖然甲和澤散播謠言可鄙可恥
但總的來說比這個D牌爛蘋果的反口覆舌
和在議事堂上笨拙的馬屁表現好
沒有觸動到執票者的神經
他若要繼續自稱新力量
就該好好反省這點

URL: http://zeabor.blogspot.com/2007/10/blog-post.html

---------------------------------------------------------------------------

找你

小詩想....她現在該好好睡一覺....
她不該再錯過好事情...

星期五, 11月 16, 2007

純粹創作-那年聖誕我在穿短袖上衣


洗過澡,換上這件短袖上衣
俯望街上燈柱懸掛的聖誕燈飾
我沒有打算多穿一件衣服
窗邊二十四度的空氣圍著我
像現在的模樣最合我心意
電台主持說這天是近年來最溫暖的聖誕
雖然幾年前的聖誕也不用再穿大衣
但是當時躲在被窩裡的意欲還在
現在卻被熾熱的陽光弄醒

Merry X'mas....
我正在回味著昨晚我共你一起的時間
為了帶來一點冬日氣氛
你故意戴上冷帽
結果你的耳朵紅了,臉上也泛起一片紅霞
我笑你害羞的樣子很好看
你一手拉著我,說要去吃冰淇淋
誰知我實在太緊張,
手中的汗花讓我留不住你的肌膚,
把僅有千份之一的接觸都滑走
你假裝生氣,說我連你的手也抓不住
這麼容易失去你,所以我沒有資格去愛你

愛的資格....是無條件的付出和承諾
我的愛早已交付給了你
送你這杯三球雪糕
包含著你要我答應你記著的三種味道
身旁的一對戀人正為溶化了的巧克力而吵架
燦爛的燈飾面前
你我毫不理會任何人的目光再次相擁
假如現在的氣溫和我的真心也不能把你的心溶化
我應該跳進維港冷靜一下

這刻....我細心的抹去你額上的香汗
你凝望著我,說下年聖誕你要和我一起去尋找雪景
小鹿燈飾照射在你的汗珠....
像西伯利亞的夜明珠....
我隨口吐出「西伯利亞」這四個字
當下歐亞大陸中唯一的雪地
你滿心歡喜的回應我...
嚷著要在時裝店關門前替我買好明年用的大衣
我說也許在香港再不會這麼容易找到大衣了...
你卻說不要緊...然後送我這件短袖上衣.....

18/11補上花旗時代網一文
URL: http://www.time.com/time/health/article/0,8599,1685199,00.html?xid=rss-health

(小詩祝各位聖誕快樂!消費愉快!)

星期六, 11月 10, 2007

再度回味2

近來小詩發覺自己已沒甚麼幽默感
於是找來這些片子開心一下...


同開心字典一樣...
不過呢個更cheap...


要死?話咁易....


係當日一片半世心態下
他們反其道而行...
不過只能掩飾,他們最終都走了.....


所謂二等公民已不復再
換上的只是財政問題


還記得越南船民問題嗎?
當年聯合國製造這個大麻煩給香港
難得他們還有同情,關心
北漏洞拉...這個時代印記
原來也包括愛心

星期五, 11月 09, 2007

小詩隨筆54

睇電視劇,女主角拉住傷感o既男主角走上山
然後向佢講:「你有咩唔開心就對住對面個山大喊啦....喊出來會舒服D架」
雖然有千千萬萬人比自己痛苦
但當傷心o既時候,當下你o既痛苦依然係無窮無盡
(Picture source from: http://www.naturalnews.net/wordpress/index.php?mo=9&s=ripta&yr=2007)

兩殼都係眼淚

假如你發覺隊crew都唔係做野o既時候
你自己就會有種放棄o既心態....

今日個Lab我就體會到呢點....
小詩承認自己係廢....
但我忍受唔到大家混吉果種態度....
「係咩?我靠你架啦!」

當國語人demtor問點解得小詩一個人做野
小詩唔知點答....
只係捻...佢地唔做咁D分可唔可以俾埋我?

--------------------------------------------------------------------

心痛

呢一排...小詩覺得佢都係一個傷心o既人...

小詩近排好夜訓...
除左因為趕功課之外
最重要都係睇下雜誌報紙做無聊野
同樣地佢都係晚晚差唔多無覺訓
但相比來講佢做o既野
比小詩o既有意義

每個人做到疲倦o既一刻,
總要搵個釋放點....

知道左佢堅持呢種咁辛苦o既生活o既原因
小詩終於了解老大佢點解變身成為「不沾鍋」
係佢面前小詩只係捻到可以做咁多
但相信小詩可以做更多...
只係在於時間同過程



--------------------------------------------------------------------------
準備收檔!

星期一, 11月 05, 2007

小詩隨筆53

想不到天氣這麼冷.....

紅筋.紅色警戒


每個晚上也睡不夠
要怪只好怪小詩太多無聊事忙
每天花在非學習的事情實在太多
兩小時的閒聊
三至四小時的交通
兩小時吃早午晚餐
兩小時的網上活動

眼上紅筋已經告訴小詩不行了
甚至在阿Mak的課胡說八道
這刻Time Management一團糟
還是叫自己加把勁
不要讓任何人失望....

----------------------------------------------------------------------------

洗髮.氣味

去了理髮......
徬晚時份,店裡面只有一個客人
看來時間實在多得很
店內所有人都放慢節奏
連洗髮也用上十分鐘

每次小詩躺在這張臥椅
都是清醒中又帶半點睡意
所以我每次也竭力的睜大雙眼
希望自己不會睡著
更希望自己能夠熬過頭部按摩
這個把小詩的頭晃來晃去的難過時刻

今日小詩心中有個讓自己清醒的精神寄託
那是洗髮露的氣味
出奇地那陣氣味和她髮端上的香氣一樣
小詩幾乎肯定是一模一樣...
回到椅子...小詩回首看看洗髮露的牌子
戲劇性地...這兒的洗髮露上面沒印品牌....
看來天也來愚弄小詩......



---------------------------------------------------------------------------------------

超額完成?

直到這篇為止
今年一共有165篇已發表的網誌
超過近三年來的平均數字
那即是...小詩該是時候收筆了....
更因為近來忙得要死
想來想去也就不如清理存貨
寫了兩年的東西還沒寫好...
也應該來個了斷....

星期日, 10月 28, 2007

曇花新星變舊人1


好改唔改,改個名同化妝品品牌一樣
沾完光玩完野最尾又要改名.......係咪多餘?
呢首算係佢首本名曲卦....
得個高字,做Model算吧啦


其實上首都唔算殘忍
呢首先虐待觀眾,歌爛,詞爛,人都爛
聽完都唔知佢唱乜...
當然好戲在後頭
佢跟住一歌比一歌爛...完全唔「好睇」


由黑人帶入黎合唱一曲因此走紅一陣
佢o既聲線有人認為驚為天人
小詩就覺得算係唱到歌無咩特別
anyway,我覺得佢唱果首《幸運水晶》幾好聽....
因為聽落有D李樂詩...
小詩又捻起《真情》添!


佢途經小小超旗下檔騎呢檔口...
而家摺到係度數人仔度日
如果唔係為左呢篇野
真係唔鬼記得佢


每個歌手收皮前總有D先兆
就係爛歌浪接浪
呢首肯定其中一浪啦


呢位係小小超旗下另一笑爆嘴出品....
呢間野真係繼某班霸之後
另一檔可以令大家睇到O嘴o既物體
捧個舞蹈員就以為賺錢
邊有個咁多個阿王?
就係不如請阿王過來仲實際....
不過講番呢首歌最抵死之處就係個名
當年小詩個同學仔一聽到個名就有以下反應:
「莫扎特有咩煩惱關我叉事咩」


又係小小超
呢攤野個名就好誘人勒....
不過無幾耐又分拆上市,之後再次收檔...
鬼叫你果個唔係金牌經理人....
相信今年隊三人女組合都係同一下場

星期五, 10月 26, 2007

小詩隨筆52

小姐....你咩事咁傷心呀....
睇怕我都幫你唔到...
(Picture source from http://yar4-atishpare.blogfa.com/post-109.aspx)

由今期開始小詩會為上載而非本人創作o既相片附上來源連結
都算盡番個公民責任啦

----------------------------------------------------------------------------------------

小詩今日真係好唔開心
我好希望能夠push到自己達成目標
但係事與願違....
就算連做好個Lab都顯得力不從心
上堂又遊雲又好想訓,個人好疲累
連Professor問我問題我都依依哦哦
我又開始懷疑自己點解仲係度

坐坐下電梯
小詩不斷去捻一D刁鑽o既問題
自己又不斷去捻答案
係o既,假如男人將乳房睇成個一個function organ
而唔係一個滿足慾望o既接觸面
我捻胡思亂想o既機會幾乎係零
你睇下,有時小詩發覺自己唔係讀科學o既人

---------------------------------------------------------------------------------------

小詩今日捻到好灰好絕望o既時候
突然捻起呢個故仔

「有一老人說是送給年青人一生六個大字。 先說三個:不要怕。先說三個:不要怕。 等功成名就返回時再取後三字。等功成名就返回時再取後三字。 當這些徒兒徒孫們衣錦還鄉、意氣風發再取後三個字時,老人寫上:不後悔。當這些徒兒徒孫們衣錦還鄉、意氣風發再取後三個字時,老人寫上:不後悔。 於丹的這個小故事是想告訴我們前半生別害怕,後半生別後悔的道理麼? 要是如此,人生不過六字而已了。要是如此,人生不過六字而已了。」

小詩人生真係唔係咁簡單
唔好怕唔好後悔...
曾經對自己講過唔好後悔
但到呢一刻,我真係不得不承認我後悔
我唔甘心所以後悔,我後悔因為我怕.....
我怕....小詩從來都無否認過呢一個弱點....


星期二, 10月 23, 2007

小詩隨筆51

Picture Source from
http://universe-review.ca
「曾共渡過漫長的歲月.....不想看,你會令我嚇得心悸....」
「時日渡過亦從不變樣,今天有你沒我告別這組.....」
「胺~基酸變態...人禍來自昨日明天」
「Oh!Fxxk it!」
(BioChem卷「艾東撈」,一君還比一君糟!)

多年來,小詩有個尚未解決的問題和疑問.....
每當秋風臨,乾燥的空氣混著清爽的空氣
來到小詩所愛的香港
一切都應該是美好的

可是這又乾爽又涼快的天氣下
小詩的一對腳板卻不斷冒汗
拖鞋濕轆轆的感覺絕不好受
一陣冷風吹過便更添寒意......
流汗的意義....小詩真的搞不清楚...

------------------------------------------------------------------

周末為「靚女」慶祝生辰
過去小詩從沒有像今年一樣
為一件又一件的生日禮物傷透腦筋.....
人大了,物質豐富了....
想來想去也是想不通

可能更重要的信息是
小詩太累了...老了...
打著這篇網誌時竟睡著了....
每當夜半睡眼惺忪
不其然又響起那兩句歌詞撐下去
能夠去到今天的地步
但願真正的她會聽得到我的心底話


頭兩句就夠o勒
Don't wanna close my eyes...
Don't wanna fall asleep....
每次佢係我面前訓著o既時候
我都會間唔中望下......
的確,果時無論幾咁疲累都會訓唔著....

星期四, 10月 18, 2007

小詩隨筆50


文妓同淫翁兩個齊齊做清談節目
好睇~~聽D高手講下文化文藝....
小詩忽然覺得自己無咁cheap
呢D咁高質素節目o既收視
真係好反映到香港人有幾多文化
肚裡面有幾多墨水

----------------------------------------------------------------------------

非常感謝若老頭在其網誌發文
令小詩了解到「四大不要臉」之首
有何等「豐功偉績」
小詩以前只聽聞過郭賤人於萬米高空之境
向老毛拍了個「世界上最高的馬屁」
亦令某紅色藥材鋪的名字發揚光大
如今賤人早已返回南天門
科學及歷史界大可用其臭皮囊作古物氧化研究之用
大概如此,才可還以十萬計的秦俑一個公道

---------------------------------------------------------------------------

本來今天小詩會變成「二十七隻牙的男人」.....
但是...因一個「豬兜」而引發的誤會...
結果....場面僵極了......
閒事休提......
都是小詩的錯......

-----------------------------------------------------------------------------

回來了.....反而沒甚麼可以開始的話題
而這個網誌待寫的文章條目反而增加了.....
能夠接受這個網誌能夠以共生方式繼續下去
小詩的目標已經達到了....

提起...然後是放下
放不下的話,兩日後見.....


星期三, 10月 17, 2007

今期播放18

聽埋咁多老餅野
終於走去聽下D新野
今年D新人怪雞都爆
無個正氣活力D
或者似番個正常人o既
一個唔覺得睇google reader o既subscription
睇中左呢隊組合


一聽到果句「數一數二o既偶像男子組合」
小詩即刻捻起香港仲有幾多隊男子組合...
仲要係偶像派...紅得起....
(森美果四件垃圾唔計....)
睇呢個五個高矮肥瘦係度扮Boyband...
我真係笑左來...完全唔係四仔懶型果款...
係真係做緊歡樂今宵扮野show
睇左佢地o既演出同知道佢地o既背景
我肯定佢地唔係廢柴
朱凌凌....你地係得o既!


覺得朱凌凌同農夫個style真係有幾分相似
玩野...搞野......就係有D野俾你睇
就係唔會衰俾你睇...
佢地根本就係食腦o既一班男仔
非常有計....唔係悶到o既耶穌...
但係就點到你人生裡面o既yes or no


睇左youtube裡面某個評語
係度鬧朱凌凌扮股巨肌...
自從有記梁生因為扮容大口而俾人扑濕個頭之後
都無人夠膽扮野玩D歌星
查實出得黎撈,邊有話邊個唔可以俾人玩先?
你睇下羅文當年同鵬哥玩得幾過癮
最緊要係觀眾睇得開心
無晒觀眾,你就聽食屎啦


Kermit the Frog o既MV....真係歌靚畫正....
最慘放唔到《全美一叮》同Kermit合唱果條片
真係Amazing咁神乎其技...
如果話祖國做影畫戲做到出神入化
咁花旗國o既puppets都可算一絕

星期二, 10月 16, 2007

大牧棍,齊齊玩!




自大狂?你又知佢勁?

呢條片好鬼潤...笑到我.....

哦...原來條陰莖生到成條蕉咁
都係上帝o既超智能設計
各位神創論o既fans,男人條賓周生成咁
係因為佢係用來口交同打飛機架!


又一個識少少扮代表
一個鄉下佬利用utube發表謬論
咁叻仔就唔使video reponse
做埋布薯仔條開荒狗去伊朗搵石油嘛

星期日, 10月 14, 2007

今期播放17


心血來潮又煲下舊歌
如果唔係細個聽呢首歌,
又點會知日文再見點讀
不過到而家為止我都係聽到人講Sayonana
而唔係sayonara


《女人的弱點》...
呢首真係一流....假如佢係07o既歌仔
一定唱到行....個編曲真係唔Out
仲有種好充滿o既感覺


上年呢五個人走左上紅館Un
今年紅館重新鋪草皮之前竟然唔同D後生爭
真係非常難得...
雖然小詩無去過紅館睇show
不過聽歌o者...不如買隻碟
呃到人又呃到自己
以為佢地唱得好好,何樂而不為?


呢首歌就係阿毛毛o既飲歌
家陣睇番D歌詞真係眼濕濕
連自己所愛o既女仔死左都唔知
你話慘唔慘?仲要聽講個MV女主角係陳某人
佢D寫真炒到幾千...
係故仔裡面咁樣死左
益唔到張天王...真係浪費!


張天王呢首MV o既女主角
係小詩見過咁多個香港女藝人當中
最有氣質o既一個
完全唔關佢o既學歷
但係望落去就係同88年果個好唔同
後者係個樣好靚,但睇完會算
而前者係有種懾人魅力,你會望多眼

小詩隨筆49


無線唔敢播,小詩就貼!

前日夜媽媽打上一個篇
係一路訓住覺咁打
結果睇番篇野覺得用D字鬼咁騎呢
又改寫下....
而家個醒番七七八八.....
小詩真係想將自己變鐵人
但係又真係唔得......

---------------------------------------------------------------------------

夜晚去左個gathering
都係澤輝夠號召力
一叫就廿個人出來
(上次幾乎係全棍聚會...)
每次去呢班人o既gathering都有種奇怪o既感覺
識但唔係好熟,
你會熱情D咁打招呼
好想傾下計,但講唔到幾多句
小詩唔想用七個字去形容果時個情況

或者大家個type有D唔同
無人會風花雪月式認真吹水
或者佢地真係無野
或者小詩唔應該知道發生咩事
或者大家應該維持係呢個位置
不過至少我有樣野肯定係
佢地唔會黎呢個blog

Anyway,下次我會唔出聲,唔帶機
做個good listener

小詩真係唔習慣打D「我好開心呀」呢類字眼出來
我係個講真話o既人
小詩究竟捻緊乜...心情如何...
一個小六學生都睇得出

-----------------------------------------------------------------------------

小詩發覺自己愈來愈狡猾
但係又唔係奸果隻喎
只係愈來愈會計算
一步步咁去到個目標

講到尾又唔係殺人放火打家劫舍
以我而家由頭cheap到尾o既性格
呢D野又何需擔心?

小詩家陣有咩居心?
學棟篤佬扮金牙果時話齋
「我o既居心咪就係你o既居心囉」


星期四, 10月 11, 2007

小詩隨筆48-再來

平時知識都俾學生好大壓力
所以為左平衡心理
訓覺o既時候應該去圖書館搵本至唔鍾意o既書
然後放係檯面當佢枕頭咁訓...

趕D lab report....真係救命
三日起左兩份出來
雖然話hea做,真正做o既時間唔多
但係都足夠令小詩有想放棄o既念頭
晚晚plot graph睇書搵料
好眼訓,個人飄下飄下
好有「蒙主寵召」o既感覺
不過周公都係比較鍾意小詩.......
小詩而家都求佢唔好搵我住.....

-------------------------------------------------------------------------

停左一輪,睇下地點寫
小詩日日都係睇....
睇到悶要搵人吹水
話說星期一做lab
個demtor又係內地人...
成個lab有70%都係「食花生」o既時間
等o既時候小詩同佢吹下水
當然我吹得水肯定有D野
就為佢苦悶o既日子裡面加D漣漪
同佢吹完水...讀博士原來都唔係咁好玩.....
唉....為份工為理想...讀科學真係為理想...

------------------------------------------------------------------------

每晚都捱到咁夜
第二朝又掙唔開眼好早起身
但睇見佢係度上上落落
覺得有少少煩,感覺擔心同開心....
家陣又有D想訓想訓o既感覺


Alan:「抖夠未先?」
小詩:「不如你又早抖,我又早抖好唔好?」

星期六, 10月 06, 2007

小詩隨筆46-懺悔錄

太好啦!太感動啦!終於見到一線曙光啦!
終於等到Professor佢黎打救小詩啦~

尋日係好人,今日可以係壞人

尋日做左個路不拾遺o既好人
將一舊重幾十克
內有一百三十五個七蚊o既野交俾職員處理
仲俾人讚正直

今日....小詩做左個壞人
相信令好多人傷心
憎.甚至想打小詩
後果可能鑄成大錯
小詩o既輕佻同忘形又一再表露無遺....

亂咁接左一個打俾Flora同學o既電話,
小詩仲要學SH玩電話
仲要玩錯人.....
萬一佢有咩大鑊野
真係死十次都唔夠....

亂咁講野,刨冬瓜又差
終於中招...
「我真『衰』~~」.....
俾人笑到面黃....

我又再呃左一個人
可能小詠同學遲D睇左小詩個新製作之後
會討厭小詩講呢個美麗又虛偽o既謊言

-----------------------------------------------------------------------------
我都想入場睇....
但係咪要帶定domdom先好入場?

杯葛?心中有鬼?心術不正?玩出位至真!

o岩o岩係某個博客睇到話叫大家杯葛《色.戒》
呢套近排最熱門o既戲
有像真度極高o既床戲
結果引來唔反響,仲成為偉大三仔之一
李大導叫大家唔好以睇四仔心態入場
當然十三億人裡面九成九睬你都傻

結果有個保守基教團體走左出來
話套戲賣弄色情
搞到D未成年人士睇左套野
會做出D不道德o既野出來

真係多舊魚,套戲係三仔
D o靚仔o靚妹又點入場??
BT喎...都幾麻煩架喎...
又唔會咁快有得下載
講真明眼人一睇就知呢個垃圾團體
同明光老賊一樣想玩出位
你唔想人地搞出人命之嘛...
簡單啦!話俾佢地知性同愛係咩一回事囉...
唔敢呀?都睇死D自我性虐待o既情緒病人
又將道德二字高高掛....

--------------------------------------------------------------------------------


重新去聽Eric Kwok D歌
一切都重新上路...

再度回味1

小虎隊真係非常可愛....
如果唔係睇番條片
相信小詩都只係識台灣果隊小虎隊


鵬哥真係神級模仿專家....
小詩真係睇到跪係度,笑到趴係度...


阿燦都係差鵬哥少少....
係小詩眼中佢無果種一睇就想笑o既感覺
不過呢part表演真係高難度


泰迪佢真係好難扮...
好難寒到個背咁彎
仲有佢D手勢...

無記上下齊賀四十年
又話做番《歡樂香蕉》
查實無記真係有冇捻過
重新製作過另一種長期綜藝節目
作為新晉藝員o既木人巷
等佢地唔使自己磅水搵萬世歌王
又去搵乜鬼野荷里活賣剩蔗補課
搞下趣劇,短篇愛情劇,搵D地區表演者上電視
電視台作為一間面對全港公眾o既機構
係咪應該度橋承擔下社會責任
順便提升自身質素
培養人才同重新同現有文化整合
將香港演藝文化打造成國際品牌
令香港繼續係世界娛樂確立長久地位??


順手拈來,歡迎對號入座

星期二, 10月 02, 2007

小詩隨筆44


政府真係好鍾意用Danny D歌賣廣告....
之前有《漣漪》,而家有《有了你》
都唔知點解....但係真係好好聽囉...
編曲無論係新定舊,都好襯首歌...
個心家陣又有D痕痕地...

--------------------------------------------------------------------------

兩shot o既威力真係不容睇小.....

一小杯....沒有糖和奶....
加了清水混開一點
弄成Americano(美式咖啡)的模樣
深深的呷下一口
合法毒藥從此浮走在小詩體內
藥力之強令小詩不斷冒汗......
再強的冷氣也不能把這團怪火弄熄.....
從此小詩發譬.....
我將遠離Double Espresso這口毒藥.....

-------------------------------------------------------------------------

又一天

跌電話,割傷手指,胡言亂語
這一天就是如此冒失....
冒失引致精神錯亂
但願餘下的時間能夠重新振作....

若老人的blog還沒有更新
小詩真想看看老頭有甚麼好東西帶給小詩...

從今天開始
小詩開始慢慢的進行這個blog的大型製作
不要讓自己走在人後

星期一, 10月 01, 2007

926大澳一夜遊

從來沒有想到月亮可以把天空照得如此光亮....
也從來沒想過小詩可以這樣看夜空...

這篇blog有個特別之處
就是有一半內容是從手稿轉化而成的
而且手稿用的紙和墨水都不屬於小詩本人
非常感謝Flora和Tina對於小詩這位隱形blogger的間接支持

星期二的下午小詩拖著疲憊的身軀到達太空站
瀕於假死狀態,午後垂釣幾乎葬身太空...
心想如此下去午夜十二時後小詩必垮了
出乎意料之外,我安然地渡過

我期待...我的GPA有這樣高......
拯救我的夢,我的將來,我的所有...

平淡中的驚喜,在於驚濤中.....

陪老媽吃過晚飯後,便會合各位踏上驅往大澳的公車去
這幾條大嶼山的道路,活像動畫中秋名山的模樣
74A的「美好時光」又浮於眼前
每個九十度的急灣,起伏的活動扶手
都叫小詩打醒十二分精神
視覺上的速度感告訴小詩已處於危險界線
但是本著把生命交託給這小時的命運舵手裡
小詩叫自己淡然面對,繼續看車外的刺激風景

小詩希望這些洋燭....
把希望點起來...

第一次,就像是嘗試,是誕生,也是了解....

她是小詩見過第三位近乎十指不沾陽春水的女生
孩提時代,老媽總不讓小詩進出火焰之地
至少年其間才初入廚房學習少許求生技巧
感謝上天沒有讓小詩丟老爸老媽的架

這天我們見證了她踏進了入廚起點
煮即食麵......
這五個即食麵煮了整個小時
幸好小詩早前在老媽面前狂風掃落葉一回
要不然像阿豐他餓得慘叫.....
小詩不像她爸爸說話那樣苛刻
對吃下的那碗東西後的評價是
「點煮都咁公仔麵....」

幸好只是負責洗碗
要不然小詩會午夜噴火....

少年人少年事

吃完東西,一眾人等走上天台看星玩蠟燭
同屋有Flora的Family Member和幾位Flora家人的「親朋戚友」
雖然有些年輕相近的男女
「三年一個gap」這定律還在
長輩們還以為這是悶壞人的婚宴場地
一班年齡相約的年輕人走左一起
便自自然會高高興興的玩起來
可是他們不知道「唔係人人都可以埋堆」
有時候,不行就是不行....

四枕五人真舒服...

想不到夢變真的一夜

一路以來在小詩腦裡,
靜夜躺在地上看星都是電視劇的情節
想不到竟實現了.....
聽到Zero的少許分享
其實如果講的不只是這些
小詩相信在天台上的我們
彼此之間的友誼定會更進一步
想來想去全晚只欠這個...
怪只怪小詩跑來跑去「做阿四」.......

過往的日子裡小詩的生活和思想
都比同齡的伙伴年長了幾歲
過了二十這個關口
回頭看到自已竟然無法留下一些「青春足印」
這次算是彌補這一切吧
來日方長,但願還會再來一次吧

翌日

大家都回房睡覺...
四頭死豬分別躺在兩個冷藏間裡
而小詩只在沙發上小睡了一小時
看過早上新聞後便開始寫這篇blog的手稿

Wednesday Brunch........
因為我們給人家父母的禮物大量回頭而生色不少
水果,我們買來的冰皮....
真的吃飽了.....
這個星期三整日的行程就是睡,吃,玩....真頹廢!

臨離開大澳前的幾小時
我們坐了看白海豚的小艇往海邊走
因為假期關係,所以船費也貴了六成
和兩位老外和他們的女導遊坐同一條船
言語不通再次成為小詩的污點....
"I need to make good practice on both my speaking and listening!"

以下送上幾幅在艇上拍下的snapshot得意之作......

今期播放16

無意在觀看張雨生的MV之時
看到他的存在....
在成為Eric Kwok的fans之前
他曾是小詩盲目地吹捧過的人........


浪子的形象令他走紅為人所知
但亦為了他的包袱


小詩挺喜歡的一首歌...《故事的角色》
過了二十年,調子還是這樣歷久常新...
令人動容


小詩雖然沒有看過《今生無悔》這套經典劇集
他唱的這首歌卻聽了很多遍
在小詩心目中灰色從此與他劃上等號


復出以後,他的佬味和星味增加了
可是人氣卻沒有增加
拍的電影也只是傻戇角色
毫無演技可言


他復出後作的新曲也挺合大眾口味
直接點來說就是商業化
就像這手提電話的廣告一樣


特技人變歌星,作曲人變霉演員
起起跌跌離過婚
由不羈漢子改變成為人前好男人
走進歌星大墳墓....
現在還要四處奔走為那無盡的贍養費奔馳
他的浪子人生至此真的了不起
「浪子回頭金不換....」

星期日, 9月 30, 2007

不學無術系列-Why 3G?

史提夫工作s咪醒目囉~

三年前李超人旗下的百業旗艦HW
正被投資機構熱炒「三豬」業務將會「驚人增長」的大好消息...
一年復一年,「三豬」上客量卻不如預期
當年在金魚海浮沉之際的股民
望著霍大班當著大批記者面前
稱他本人每天也用「三豬」向其壽堂請安
通話時話質畫質一流....
事到如今當年究竟出了甚麼問題,
令HW股價過了幾年的九流日子?

WE NEED 3G?

這真是個好問題.....
讓我們數數有多少個我們需要用上3G的理由....

1.)視像通話
2.)高速流動上網
3.)接收媒體即時訊息,資訊
4.)全球定位
5.)線上遊戲

噢~這麼像我們正使用中電腦.......
技不如人的2G或者2.5G
理論上應該距消失之日不遠
為何明智的香港市民已對3G投下不信任票?

2.5G&3G

2.5G和成功地將資訊和優質語音通話帶給香港市民
將市民心目中「電話」的功能發揮得淋漓盡致
不論是通話功能或者即時訊息功能已經搞得有聲有色

一般大眾使用手提電話的主要原因
是為了與他人通訊
除此之外,一眾功能都是附加的美點

從手機接受媒體訊息
雖然是盤不錯的生意
可是在資訊過度膨脹
和傳統媒體生存空間已經飽和的苦況下
人類一反常態努力逃避資訊
所以任由網絡商推出新式資訊服務都是徒然

在這個越來越關心個人私隱的年代
視像通話功能似乎真是生不逢時
不但在視像通話中會暴露個人身處位置
而且大眾也習慣一面逛街一面使用免提通話
並不會有多餘的手把手機鏡頭拉到面前阻礙自已的視線
因此手機網絡商也只敢在服務計劃內
加入數十分鐘免額外收費的視像通話服務
但真正的視像通話用家
卻只流於即時商業會議及貪新玩樂嘗試科技的層面

誘人的元素失去了
3G的上客量自然不如當初估計
公司連年虧本是自然的事
幸好HW是隻混合行業股示
股價能夠承受的風險自然較高
不用大跌一輪,只需浮沉混日子

目前最能夠打動用家也只有MSN功能
這款時下最灸手可熱的通訊軟件
令大眾能夠全天候與在線友人溝通
能夠即時知道對方現時狀況及對話內容
無需像使用SMS裡盲目猜測

WIFI, the TERMINATOR

細小3G手機上的功能
有如糖果店內的貨品多姿多采
流動上網,全球定位和線上遊戲
在手電世界裡都是劃時代的產物

可恨的是3G手機的屏幕太小
與擁有近4吋屏幕的PPC(掌上電腦)相比實在有點距離
而網絡頻寬不足亦成為其死穴
384kps實在不能有所作為
當閣下同時使用MSN及觀看如youtube之類的串流影片
就算頻寬增加一倍
也會出現不勝負荷的狼狽景像
全球定位系統雖然吸引
但與手電網絡商的無線上網服務收費一樣高昂得不合理
而且在城市裡使用GPS的機會少得很
線上遊戲的級數只是用於手機之間的連線遊戲
與互聯網龐大人流相比大為失色

WIFI這種蓄勢待發的無線上網技術
令身在夾心尷尬位置的3G更加東不成西不就
3G的生存空間正被WIFI侵蝕中

借助WIFI這種已研發成熟的通訊技術
能使用近乎擁有一部電腦功能的PPC(掌上電腦)/Smartphone(智能手機)
與手提電腦/桌上電腦同步處理資料
使用電腦軟件處理圖像,文書處理等工作
借助無線網絡的分佈和龐大頻寬
我們可以即時以伺服器位置定位
同時間使用通訊頻寬佔用率較高的工具
進行線上遊戲,即時文字通訊,語音及視像通話

WIFI這種技術目前在香港市場還未夠普及
但外國的商業機構已經正在建立無線網絡分享社群
購買他們指定的WIFI收發器
把它與固網寬頻連接
從無線網絡跟已登記用戶分享自己部分的頻寬
假如能夠成功普及化
我們只需付上廉宜價錢
便可隨時隨地使用無線上網服務

由此可見,3G的服務空間將會被大大萎縮
並由WIFI取而代之
這勢頭是無人可擋的

3G的挫折並未能使通訊技術研發者反思
現在歐洲某些國家已推出4G手機網絡理論模型
他們無視無線網絡的威力
相信香港的市民會繼續
用雪亮的眼耳口鼻腦作出最佳選擇

星期六, 9月 29, 2007

今期播放15

由低沉的低音結他
誤闖清徹瞭亮的高音世界
小詩遇上已成過去的他


唔講唔知佢走左近十年
但係呢首歌真係好感人


呢首歌o既編曲雖然小詩唔係咁鍾意
但係歌詞說教o既內容真係幾時都咁o岩用
「認真的過每一分鐘」


假如佢唔係走得咁早
明哥一定唔會係另種尖端o既Icon
呢首先有中國feel架嘛!


有時真係唔好亂講野
可能無幾耐果個係你
天妒英才,佢同Mozart都只係做個短命種
的確睇到小詩眼濕濕

星期日, 9月 23, 2007

小詩隨筆43


昨晚看完兩齣變態寫實港產三級片....
小詩依舊睡得安好.....
小詩眼裡只有身體器官
而非一個完整人體
這當然沒甚麼好怕

----------------------------------------------------------------------------


有D羨慕....


假如小詩可以癲得咁勻旬
你話幾好....至少係一個不受控制o既反應

------------------------------------------------------------------------------------

URL: http://paper.wenweipo.com/2007/09/21/CH0709210003.htm

假如連癌症都無埋
小詩捻緊大家可以點死??
唔緊要,癲佬度度都有...
病毒細菌殺唔晒
不過就死得快囉
仲想快D?你自己捻下辦法囉....

------------------------------------------------------------------------------------

發覺近來寫o既都係垃圾...
不如停不停
放慢步伐,放輕腳步
慢慢重拾番小詩o既路

星期五, 9月 21, 2007

小詩隨筆42


心若倦了...淚若乾了...

寫了幾篇傷春悲秋的隨筆
遺忘了帶給大家思考的位置
雖然此刻我不想寫點甚麼
但也強迫自己寫下去

----------------------------------------------------------------------

不知不覺間因為課程迫得小詩喘不過氣來
(今天還要在大學裡三上三落)
其他的事情已變成了小詩的生活負累
每天也活在苦惱和憂慮當中
下午想著老爸的生日禮物
疲憊的腦袋已經搞不出甚麼花樣來

小詩非常痛恨自己浪費太多時間
於無謂又身不由己的活動當中....
臨睡前反覆思量,還是出不了好點子
伏在舊翼的獨立書桌....
伴著小詩入睡的只有二十個英文字母
和教授的聲音

------------------------------------------------------------------------

起來看到鄰近有位睡得正酣的小姐
還有點像塊熟悉面孔
小詩放輕腳步,悄悄的離開舊翼
匆匆爬上山腰繼續科學之旅

Demtor是位內地人
友善與英俊之至真是吸引男女老少
雖然英語不靈
但仍感受他的熱誠與輕鬆
相比往年遇上的黑面神
事無大小在你面前大聲叫喝
日子真的非常好過
當然老闆不會像Demtor這個模樣....

除了解剖米妮那兩次外
小詩很久沒有穿上手套幹活了
投身於尖端生物科技的第一步
學會用上小型pipette
小詩雖然不停犯錯
但還好現在不是搞甚麼複雜實驗
提到實驗,小詩又不其然抖了一抖
相信下一次會輕鬆點去面對...
別人辦得到的事,小詩也該可以...

------------------------------------------------------------------------

十多年前小詩對二十年,三十年的概念
還是得模糊
說上「十年」的都是很遠的事
那「二十年」應該是很遠很遠
三十年更多不用說
驀然回首,站在西環街頭
賣車輪包的店彷彿還在
話題依舊,車站依舊是上了年紀的人排著隊

時間觀念是由感覺帶給我們
假如你不發覺車輪包不見了
老媽額上的皺紋多了
舊區裡多了很多玻璃砌成的大廈
帶給你「煥然一新」的感覺
你會發覺時間已經過去嗎?

--------------------------------------------------------------------------

同學最近再始他的戀愛作戰
在小詩面前他故作若無其事
縱使在追問下仍三緘其口

換著是小詩,也當然封口不說
因為講了給大家聽
並不代表你的男/女朋友不會跟你分手
也不代表你的男/女朋友不會被搶
更不代表你的好親戚不會給你「相睇」活動
相反換來更多朋友用「識趣而沒趣」的怪行對待你
親戚因為沒有正當話題把你的人生作訕笑
更因為計劃支持節育或者環保而將你妖孽化

反正講出來會換來這麼多煩惱
幹嘛要說給大家聽?

星期日, 9月 16, 2007

小詩隨筆41


由細到大都係鍾意呢隻朱古力奶.....

買左包朱味vitasoy
好甜......直頭係過份甜
小詩最憎就係朱奶無奶味

-------------------------------------------------------------------------------

中國欲讓江河湖海休養生息 (明報) 09月 16日 星期日 07:15PM

國家環保總局局長周生賢在第三屆環境與發展中國論壇上說,中國欲採取最嚴格的措施讓江河湖海休養生息。

周生賢說,近年來中國結合產業結構的調整,淘汰了一批基礎落後、浪費資源,污染嚴重的小企業,積極推動清潔生產。

但他同時指出,中國目前面臨的水資源問題更加艱巨。一是水污染狀況相當嚴重﹔二是湖泊生態退化十分突出﹔三是城市水污染治理仍然滯後﹔四是水環境安全存在著隱患﹔五是城鄉居民飲水安全受到威脅﹔六是水資源的不合理開發,導致了人均水資源擁有量只有世界平均的四分之一,一些水資源不合理開發超過生態警戒線。

他指出,面對如此嚴峻的水環境,必須下更大的決心、花更大的力氣,採取更嚴格的措施,讓江海湖泊休養生息,讓它們重新煥發活力。讓江海湖泊休養生息,是對傳統發展模式的反思調整,是中國總結發達國家的水污染的治理經驗,提出的新的治理思路和對策。

URL:http://hk.news.yahoo.com/070916/12/2fpyv.html

小詩評:
上呈下達,各自表達
上層中央你有你講,下層狗官貪污玩樂
這從來都是小詩所聽聞的中國德政
一面講綠色GDP,一面要求高大快好
發展與環保的大矛盾還未搞清楚
還來講環境活力....
如不狠下心腸整治,
看來活命的只會是狗官和台獨
而不是中國

----------------------------------------------------------------------------------------
十幾年前...中佬樣

記者問他本人的「Keep fit之道」....
「我93年開始已經不吃牛肉,之後陸續戒了其他肉類,
現在只吃海鮮鮑魚、海參及燕窩等。
(不貴不吃?)
好貴嗎?我只是揀健康的東西吃。」


伍生無見你十幾年之後
你個樣真係老晒.....
學咩人叫不老傳說....
你額頭D紋出賣晒你囉....
歲月催人,米雪姐姐條粉頸都起晒坑...
不過都無損大家對佢o既鍾愛
但你老哥呢.....不如轉行賣演技算吧啦...
總好過果個數字哥....
幾廿歲人仲俾人炳佢D演技勁浮誇

星期六, 9月 15, 2007

小詩隨筆40


而家D蛇蟲鼠蟻唔鍾意入去住lu~~

近期看渣老闆的文章
發覺渣老闆有點兒變了
小詩覺得《我愛擦邊球》實在是一個
滿足渣老內心長久以來不能釋放的另一面
在此補充一句
「渣老闆你真係了解香港呢班blog友」

如何把blog繼續寫下去的確是個好問題
小詩這刻的答案是「到時先算」
因為小詩早已suffer過了
也找到了辦法......
關鍵是在於你肯用多少心神,口水,
還有盯著鄰座索女一刻
去思索你身邊的一切?

小詩又老調重彈.....
希望自己「吹得開心,隊得過癮」
cheers!

---------------------------------------------------------------------

有D起痰....不過唔關上面事...
小詩感冒o者...

35塊錢....
這一期真的很厚.....
小詩絕不否認上圖這本東西
是為了個人「懶型」的虛偽人生的歧途裡
留下個更驚人的註腳
感覺上這東西只差少許上進味道
沉實的文字並非為MK仔女而設
老編並不愛蒲爛玩
或者「索K索到腦萎縮」的打稿佬
老編們要成為《cosmopolitan》的男性版
該認真點,寫些有用的東西來....
像小詩這一代雄性動物
和女性一樣都是要給人開導一下的

------------------------------------------------------------------
翰林五臟六府

「相請不如偶遇......」
「偶咩呀偶?呢度加埋你一二三四五六七個人!偶你個頭!」

仲有兩個星期....
小詩無理由唔忍

仲有三個月...........
小詩當然要死忍..............

仲有九個月
小詩更加無理由唔忍....

不過小詩忍得唔代表其他人忍得...
咁點算?弊!呢D濕滯野又黎勒....
或者到時又無鬼晒呢......
又係咁?唔係卦?

無神神問呢D問題...真係有D唔妥
做Friend都有個底線
除非另有陰謀.....
不過小詩都不問世事
佢想點咪由得佢囉....

-----------------------------------------------------------------

敬告各方人士:
本blog之個人攝影作品已加上標籤
如欲轉載,請先參閱轉載事宜
多謝合作!

星期二, 9月 11, 2007

小詩隨筆39

謎底終於解開....

睇完衛老佢係AM講寫野要深入淺出
尤其是寫D大野果時
小詩即刻陰陰嘴笑.....

-------------------------------------------------------------------

辛苦晒阿Mak
堂堂一個course coordinator+college principal lecturer
要打咁多個電話俾學生
仲慘過1083接線生.....

--------------------------------------------------------------------

未睇都已經咁多......
我想unsubscribe.........

資訊炸彈終於爆發在小詩身上
有很多很棒的blogger
但小詩連速看所有post的能力
也再跟不上它們來臨的速度
小詩很累了
累得連隨筆也差點寫不出來
看著blogtitle,小詩發覺他們近來寫的東西
都不能夠讓小詩感到滿足/可以大笑一頓
希望本blog的看倌們不會被小詩悶壞就夠了.....

--------------------------------------------------------

唔好望......

早幾天看《香港誌》
近來都是看有關廣告的新文章
其中一篇講政府廣告

小時候在政府診所(GOPC)
看到貼在牆上提醒大家「提防小手」的海報
海報上那一對眼睛真的令小詩很害怕
雖然知道那對眼睛是假的
但是心裡總禁不住有點心寒
想來會不會有些廣告
不適合十八歲以下人士觀看的嗎?

-----------------------------------------------------------------

這幾天小詩很失敗
幾乎日復日混日子
行為間中有點失常
不能解釋當下的所作所為(其實是不想解釋)
有些事情繞著心中不停轉
假如當和尚真的可以六根清淨
或許小詩會跑到嵩山去

現實點去解決這個問題......
就是讓自己醉倒吧......
小詩不喝酒,不吸毒,但也把自己灌醉....
酒不能醉,但人可以自醉

星期日, 9月 09, 2007

小詩隨筆38

究竟呢舊野有咩用呢??

因為小詩天生豬兜...
所以係Main Lib睇左本Genetics for Dummies
唔知有冇條基因叫Dummy gene呢?
少左呢條gene小詩又會唔會死呢?
加番條junk gene頂住先得唔得呢?

無意中係茫茫書海搵書o既時候
(其實搵乜鬼o丫...最快o既方法係用Dragon...其實想周圍行下八下o者)
發現一套Enzymology叢書系列
係個書架上有No.1XX-No.3xx咁多分冊
即係有近二百本左右
本本分冊都有本八卦雜誌咁上下大小黃頁咁厚
雖然小詩知道Enzyme呢門學問博大精深
但都估唔到咁激....
咩lipid,amino acid, aldehyde...
齋計全部加埋厚度已經贏晒歷年黃頁
仲強勁過D倭國漫畫系列
小詩捻就算將佢地變晒做《蛇貓狗》
睇得晒的話個個都會變性冷感.....

------------------------------------------------------------------

佢令小詩捻起一隻植物牛油牌子名

-------------------------------------------------------------------

係地鐵車廂裡面小詩接到一個電話
有人搵小詩做佢飯友
可能佢係女仔...
小詩只能夠不斷用個「慘」字
同埋講一D連小詩自己都唔知講緊乜o既說話回應佢
anyway,小詩向Flora姐賠禮...

其實有冇飯友都好,人人都要食飯
夜晚就有位同學仔同小詩講
"乜你無同人夾timetable o既咩?"
係呢種情況...小詩真係習慣一個人面對孤獨...
日日你夾下我夾下你
一個月又無左成十幾個鐘....
間唔中自己一個人咪當多D個人思考空間囉....
如果唔係小詩係度寫咩?

-------------------------------------------------------------------

睇佢靚靚女女
估唔到佢真人咁寸嘴
完全破壞晒係小詩心目中任人恰o既形象
或者應該咁講,今時唔同往日
係街俾人打死左都係天子門生
但係「天子」係邊處?
當奴?叫佢洗下棚牙再搞搞個形象先啦~~

星期三, 9月 05, 2007

小詩隨筆37-獻給泰利潘

街飛孖寶兄弟?

Tellement longtemps, adieu ! Terry !

Terry要往台灣做「農夫小博士」
臨別秋波之際一行前度groupmate大募集
小詩於Main Lib使用腦部已生鏽的「度橋區域」
苦思良久終於想出影相團此皆大歡喜之妙計

小詩本已訂好計劃
想不到我們的頭兒Carmen大姐
領了一眾人到她心儀已久的大學堂拍照
小詩這次U Hall之旅可謂空手而回
幾乎與路過沒有分別
問題在於過門而不能入內參觀
拍下幾幅相片又再「與蟻同行」

懶有型同佢玩大頭...

本來小詩以為四塊四毛早已丟進了西博寮海峽
想不到U Hall對面還有更美好的東西等著我們

在U Hall不遠處
有個叫伯大尼修道院的建築物
踏進此園內一眾人於路上嘩聲連連
小詩當時深感園內一切
與它現時副名「電影電視學院」甚為相襯
皆因其外貌一流
是個拍攝影片外景的好場地

但小詩看到滅蟲告示處處,頓時滿腦子疑團
後來大伙兒誤闖收費地帶
最後還經領賞小姐一番介紹
才知道這建築早幾年前還是塊破東西
園內白蟻為患,滅蟲和修葺工作還在進行中

身為男士,入到去有少少結婚衝動
原因係...呢個教堂仔夠細...

嘩....如果小詩有間咁o既屋住
真係係半山....間屋唔漏水的話
要小詩一年抹兩次屋頂D窗...小詩都制呀~!

小教堂經修葺後實在美斃了
小詩沒有信仰.但從建築學角度來說
這比一眾中環的玻璃大廈好看多了
起碼夏天不用冷氣長期開放....

走上修道院的頂層,全層玻璃屋頂
真是一流的風景,就算陰晴雪雨也好
不同的氣勢和感覺
同樣令小詩悠然神往
假如能在此處寫書法
真是個最能代表古今共融的一個奇景

走到盡頭.....
歡愉的氣氛真的掩蓋了離別的感覺
感覺就像是明天會再相見
但他真的走了.......

噢~泰利.....緊記給小詩掛個電話給林志玲
小詩要「林志玲」或者「張鈞甯」
其他如「蔡依琳」,「楊承琳」的
你留給阿奇圖-耶斯基就可以啦

星期一, 9月 03, 2007

University's Drive

「夫物之不齊,物之情也。」
「同學,我地上stat堂,呢句唔使抄架!」

大學之大
並不在於你搵唔到個lecture threatre
靚女多到睇唔晒
D書多到責死你

神怪奇人之多
騎呢事情之奇
都唔係最具代表性o既地方
學術思想同行為自由
先係最具瞄頭

做慣太空人日日俾阿Mak餵D BioChem
身為二奶仔今日上到去真係好驚
好驚跟唔到,好驚唔知點答人地D問題
好驚柒用校園設施,好驚一個人搵錯路
Anyway小詩話俾自己聽都成廿歲仔
無奶油輸俾班小一學生
少人地一個「預備班」o者
阿Mak rap小詩都未驚過
(不過對著D Putonglish就真係....好勉強)

而家無晒戰友,的確係件痛苦o既事
痛又點?無人會可憐你o既
疊埋心水多D係圖書館狂request D書
得閒同班白髮癲鬼神交下啦

「大學之道,在唔讀唔得,在讀到失魂,在止於夠賤.......」

星期六, 9月 01, 2007

今期播放14

今期睇下D後生仔........


同首《感應》天使高音演繹真係大有不同
anyway,同新秀比佢又假左好多


今年羊氏其下女新人
參加新秀時用黑人女聲唱法
真係夠晒大膽...但係就係怪囉


但鍾小姐o既歌藝比起早幾年o既新人好
只要唔再懶健康膚色曬到塊朱古力咁騎呢
小詩捻佢會有更好發圍
話時話鄭小姐都無咩話題
羊生係時候飛起佢或者包起佢


早兩年有隊叫Cream o既物體
模仿倭國藝能界玩幼齒o既特色
搞到滿成風爾,幾多變態佬現晒形
好心D唱片公司佢學下人啦...
人地9歲果時賣歌唔賣身,紅到有錢分
去學校choir大把蟀你揀


嘩!大個仔變左咁多o既?!
死啦!件衫咁緊身.個style仲咁brokeback!
一睇個comment仲死!
有人問佢係咪藍宇緊...
仲un?!咪「ao~~」啦衰仔!

不學無術系列-未完的模特夢

注意:閱讀以下內容可能會容易令人發怒,心煩氣燥,潮熱出汗甚至追打本文作者之情況。如有以下內容有得罪閣下之處,請儘速自摑五十把及向手機自拍功能求助。


做Model係需要有氣質
當然有知性的光輝會令佢地更加耀眼
兩樣都未有的話,就唔好學人做model

以下一切實在比「毒男」一類更顯而易見
情況危急之餘卻不受注意
皆因一眾青年人身在局中卻不能自拔.....

這一切都應該從五年前的數碼熱潮說起.....
當年相機數碼化,全城瘋狂趕上數碼生活的尖端
一部幾千塊的相機有高級傻瓜機的變焦
還附有不同種類的自動模式可供選擇
光圈,快門,手動功能都是只需幾千塊,
按幾下便行,還有即時模擬效果
更令人大呼過癮的是儲存媒體變成了記憶卡
胡亂抓拍後一按"DEL"
所有沒有需要留下的相片都隨之消失
然後繼續亂拍之旅

數碼相機打破了傳統相機「貴夾唔飽」的狀況
時下青年幾乎人人一手一部
本想將攝影藝術普及化的老一輩
卻被「好襯青春留倩影」的年青小輩打破美夢
縱然一大群小鬼以「人像攝影」這崇高名詞掩飾
但他們擁有再高的技藝也只停留於影樓級數的商業攝影

就是因為停留在商業攝影級數
「人」固之然是重點被拍對象
「影靚人」更加是重要目的
新一代的"Model"隨之誕生

現在一般人都將"Model"定義為
「高貴,擁有美貌,穿華麗衣服過著休閒富裕生活的人」
憤世疾俗的會叫作貪慕虛榮
看透世情的會叫「高級雞」
可惜這些都是停留在舊思維中
他們從不瞭解余慕蓮也曾是鄧先生的御用模特
外表從來都不是選取模特的第一條件

話說回來,剛才提到的新一代的"Model"
許多都是星探公司從街頭拾回來的少男/女
稚氣未脫而且氣質不夠
極其量也只有「可愛」和「活力」這賣點
用作拍硬照廣告就最合適

那剩下的部分是甚麼來頭?
正是上面提到「好襯青春留倩影」的年青小輩
近年影會數目不斷增加
影會要維持生命力固之然要搞多點活動「以影會友」
當美少女遇上攝影活動,
對於「影友」們簡直是「魚與熊掌,終可兩者兼得」
但一般影會付不起幾千塊鈔票請來專業模特拍照
那誰來當"Model"?
義務模特當然難找
因此找來的是看得《ANTM》太多
心懷「一半星夢,一半金美夢」的美少女學生了
她們冠上"Model"之名出沒在各影會活動中就最好不過
「影友」過癮,美少女有錢可賺
一家便宜兩家著,豈不快哉?

(註:小詩確實對那些「人像影友」有點不屑,人家正正經經拜師學藝,經過幾年磨練才敢以攝影師之名行走江湖,賣自己天份與努力得來的紮實功夫,他們卻滿身「機奴」姿態,拿著一部入門級D-SLR和一堆貴價鏡頭,胡謅自己攝影功夫如常何到家,倒頭來卻製造不安影像,拍出來的照片完全欠缺美感。如將專業的攝影師比喻為軍隊中的狙擊手,「人像影友」應比喻為手持AK47掃射的伊拉克武裝份子)

這是一張副刊飲食推介報道的相片
噢....小詩騙你的

假如你不是美少女
沒有人聘請你做"model"
卻每天發夢成為明星,
一朝飛上枝頭變鳳凰
大可以試試「自拍」

「自拍」這來自倭國的產物
是每位帶點自戀心態人士恩物
當照鏡子照得忘了鏡中人是誰
電話相機自拍功能正正是此等人士最佳止癮工具

此圖大有一竹篙打一船人之意
圖中擺姿勢方式是從倭國輸入
香港市民都是「唔理衰樣,有樣學樣」
(o都乜X咀o丫!真係好X樣衰!完全違反自然美感!X!)

相機自拍功能是為街頭snapshot或活動聯誼,生活留影之用
在現在的香港則淪為「出位」,「晒命」最佳方式
於香港使用頻率最高的日誌服務商Xanga內
隨處可見一堆仿報章雜誌飲食專欄方式的自拍/被拍「人食合照」
(當然還有與戰利品如新購衣物,公仔,扭蛋玩具等模擬廣告推銷產品方式的「晒命」合影)
也許人性中總是有點喜好征服其他事物的天性
可憐「肉在餐碟上」任食客魚肉下
食客還要「擺好好姿勢」與其合影「車頭大相」一幅才會心滿意足
這些仿飲食專欄方式的「人食合照」
當然沒有雜誌中青春模特的自然笑容
換上了倭國出產的表情,卻是倒人胃口

相機在這代人生活中已是不可或缺的東西
有了相機,人人也可以當「物質主義變態」(小詩會胡謅正確名稱叫"Abnormal Materialism")的模特
但是真正的模特是否都人人夠資格當?
身處這種已經變態物質生活的生態下,
大家的模特夢醒了沒有?

星期五, 8月 31, 2007

小詩隨筆36

Blog Day 2007
今年仲未夠資格參加BlogDay
不過作為新一年o既目標,又的確唔錯

剛剛聽完《初戀無限次》
開始發覺梁朝偉比金成武更加正斗
「成武哥」太cool了

「當你全心全意去做一件事的時候,你會被它的意義感動」
這是小詩今天聽到最「應棍」的句子

看完那篇有關1937年末的文章
小詩只想一個人靜一下
文字透射出國破家亡的影像
配合當下腦袋一片凌亂
小詩真的受不了
活了這麼久,真的要認真為自己找個出口

小詩已經背他們而去
重拾屬於一個過客的空虛感覺
偶而勾起十來歲的回憶
小詩一片茫然,停了下來不知所措
昨日的對話已成了過去
美好的遺憾比回憶令人懷念

小詩驚惶失措的時候
耳邊響起的是這首歌....

細路哥II

填詞:林海峰
作曲:陳奐仁@theinvisibleman
編曲:陳奐仁@theinvisibleman


某一年一班剛剛考完會考嘅同學約埋一齊唱K
流行曲唱到一半嘅時候
其中一位朋友問咗隔離嗰位一個問題
喂 你估吓二十年後嘅今日我地會變成一個咩人呢

二十年後
可能已經變成一個西裝骨骨嘅中環人
手帶勞力士 銀包有好多張信用卡
放工嘅時候就一齊响酒吧度
一邊望住個煙灰盅
一邊就望住隔離檯嗰個女仔
睇吓佢條裙幾時會走光

二十年後
大概終於會買咗個部好想擁有既汽車
但係仲有二十幾期要供
二十年嘞 應該轉過好多份工
識做嘅野越嚟越多
但係同時發覺學識越嚟越少

响嗰個時間 間唔中可能會去吓gym
但係做嚟做去都係減唔到個肚腩
當然二十年嚟你間唔中都會諗起一段
一路都未能放低嘅感情
女朋友越嚟越多 但係愛嘅越嚟越少

細路哥 你得到什麼 你失去什麼
你知道 what are u looking for

大概响嗰個時候可能會有身邊嘅親人離開
而响個陣時你會有好多講唔出口嘅遺憾
同時間你會發覺原來人生已經過咗一大半

同年終於結婚嘞
用左半生嘅積蓄俾左一層樓嘅首期
有車位有泳池會所
娛樂越嚟越多但係快樂越嚟越少

兩年後 可能會離婚
回復單身之後嘅一個晚上一個人响床上面
揸住個搖控不停咁轉台 食咗兩粒安眠藥
跟住點起支薄荷煙
然後流咗一滴自親人離世之後嘅眼淚

突然之間你又諗起 响二十年前
你係一個咩人 係個一晚
一大班同學約埋出嚟唱K唱到天光
仲記得係個朝返到屋企嘅時候
打開門响檯面見到有一碗屋企人留低嘅湯
碗湯已經凍咗嘞

細路哥 你得到什麼 你失去什麼
你知道 what are u looking for

星期三, 8月 29, 2007

小詩隨筆35-翻開荒廢了的過去

今日影得最滿意o既一張相
終於明白16:9 o既用處
3:2都係留番俾同D靚女一齊closed up用

相約一位識途老馬往西區拍照
在此之前這位朋友毫不知道
小詩曾經在此區出沒過
正好讓打開話匣子開始吹水閒聊之前
自吹自擂一番

今日的目標是兩棟被遺忘的建築物
與港大相距不遠,大約1000m左右
本身這兩棟建築並沒有甚麼建築風格可言
但其中可貴的是它們組成了香港生活歷史一部分
証明它們曾經像先祖們一樣存在過,貢獻社會

和IFC比較,它再沒有遙不可及的感覺
從不有過冷冰冰的外表
但它已經冷卻下來

在過海隧巴101.104的總站旁
停頓多年待拆的焚化爐
靜默地度過餘生
等候回到過去與垃圾重聚

記住這塊屠場記號...
它很快就不再屬於香港了

根據路過的大叔三番四次的rewind重播
西區屠房這塊大海皮
將會變成像德福花園模樣的建築類型
大學站看來是只是為了半山居民福祉
況且又能節省收地成本,
派糖予大學生及有錢人兼備

算吧,政府還是搞不出甚麼花樣
泓都格格不入的建築已是引人發笑
「製造活力」並非一朝一夕之功
因為混凝土把泥土封住
海邊馬路的樹木再經不起強風,
吹得斷開兩截
遊樂文化設施欠奉
有錢搞不好,沒錢喊不給錢
這和無賴有甚麼分別?
---------------------------------------------------------------------

原來改了名字叫「老店商場」
有點懷疑是「老店臨立」還是「老點臨立」......

---------------------------------------------------------------------

信德重遊


因為前面電車故障
小詩坐了一小程免費電車
既然來到港澳碼願附近,也順便一遊
從地鐵站開始再走過去路線
漫長的時光隧道已經消失
但扶手電梯的路線仍然讓小詩感到有點暈眩
從二樓踏上往三樓的一段扶手電梯
小詩當時的感覺靜住了,又回到小時候
縱使快餐店的換上簇新的裝修
不過當年的間隔並沒有改變
只是再沒有迷人的霓虹燈
圍著這個小詩觸不到的地方
食肆已變得八八九九
快達船的標誌也找不到
二樓多不勝數的改變並不像三樓的事情那麼新鮮

「馬交」二字對於嫖客們絕對等於「高興」
看到三樓好幾個主打桑拿浴室預訂的旅行社
內部清一色中年男子
明眼人一看便知道有甚麼服務
小詩真好奇其實他們在介紹服務當中
會用甚麼術語對話

回過頭皮來看著一幅大型澳門地圖
尋找海事博物館一角
頃刻想到有機會的話
小詩一定會重新仔細尋找這一小片記憶