星期一, 8月 28, 2006

828文化行

自問唔識藝術
更加唔係有文化....(次文化例外...)
今日同屋企人一齊去左文化博物館...
大開眼界.....
老爸去到面上都無異樣....
(可能內心最興奮/開心果個係佢....)
當然仲用部350D....(曾幾何時都叫上手o既D-SLR)

拍埋晒D爛相....

入左個叫MEGart STORE o既展館
呢個藝術品將D唔同顏色o既貨物砌成一條彩虹色...
藝唔藝術或者靚唔靚就見仁見智
不過如果D超市咁排放D貨品都唔錯o既....
搵野應該會方便D...

呢件木製坦克,真係好睇唔好食....
睇完個展品o既名「玩(耍血肉恐怖之器)具」
我估個藝術家係想表達D人將戰爭當做遊戲....

呢幅野都幾諷刺....
我覺得係表達方面呢件野幾好呢幅真係唔知佢想點....
成幅車頭相咁
Barbie係唔會取代到人類o既

入左去「徐展堂中國藝術館」....
除左覺得有D瓷器係幾靚之外
都無乜野咁正
以下係老大o既作品....
同小弟唔同feel的

根住去左睇「四頭家」
葛民輝果D仿樓盤廣告好搞笑


老大去到粵劇館果度玩入面D Game...
俾部電腦模擬器搞到自己咁樣.....
你身上得兩支旗咋喎~
係時候收多D靚,班多D馬仔....

另附小弟爛作乙張....
感覺幾台灣/Smartxne-Vodafxne o既廣告feel...
不過唔知大家點睇....

星期六, 8月 26, 2006

PaInFuL ExPeRiEnCe2

最右手面果個男仔我想打佢好耐架啦!!!(講笑~)

而家乜鬼野都唔食得
一食就棚牙就痛
(痛到我標冷汗....)
連紅蘿蔔都食唔到
果碗同燒肉阿冤游完水之後去買o既碗仔翅
差D食到我動彈不得....
食乜野都係掂喉吞
食得最開心o既都係D豆腐花芝士同益力多
痛o既時候真係會痛到有D炆....
不如吊葡萄糖.......

識得苦中作樂o既我
痛到鬼五馬六都仲識講笑o既....
食lunch o既時候同母親大人研究下究竟我仲可以食到D乜
以下係我o既列表


果汁
湯水

o者喱/布甸
豆腐花
燉奶/蛋
芝麻/花生糊
紅/綠豆沙
乳酪
芝士
雪糕雪條
朱古力(薄身果D)
煮捻左o既字母粉(正~兒童餐!i'm lovin' it!)
嬰兒米粉(係時候回味下細細個果時食o既野啦~)
燕窩(我就想.....母親大人不但只唔會買....更加唔會整俾我食)
魚翅(我打趣同母親大人講,如果而家有人請飲....成張菜單除左碗紅豆沙/芒果布甸之外...我就淨係食得呢味...「老細....成盅上o丫唔該!」)
如果大家仲捻到我可以食到D乜o既
煩請各位留個comment話我知~~

D post積左幾日都未打晒~~~
真係麻煩~~~
要努力~~~

睇Sammi同學o既Xanga時候
成日自動飛鬼左去xanga hostpage....
X! xanga咁X煩架!
又虧又慢又煩.....

P.S.打呢篇野o既時候已經唔係8月26日
事關打緊呢篇野果陣
部機突然自動restart~~
真係X!我火到黎埋撚手o拍熄左部機~~

PaInFuL ExPeRiEnCe

痛?咪扮啦~
睇你個樣似享受多D喎~

尋日去左Dentist度....
入到去第一時間同醫生報告
條鋼線食食下野會飛出來...
醫生望多兩眼就開始個換鋼線o既「偉大工程」
「有冇奇怪點解我咁快同你換鋼線?」
「有呀....」
「你而個情況係bone XXX(記得點讀,但唔識個字,意思係話我D骨食晒條鋼線o既力),所以而家早D同你拉D牙....」
你係醫生,小弟當然係點話點好啦....
「今次條鋼線粗好多架...」
話口未完已經成條鋼線隊入去D blocks度...
之後醫生又係成個熟手技工紮我棚牙....
仲紮左好耐,個上唇都黐左係D牙肉度...
即刻搵手搞番掂佢,然後郁下把口
護士以為我唔掂....
「你頂唔頂得順呀?見你口擘擘咁...」
「頂唔順出聲喎...」
實情係緊o者...
上次都係咁啦.....

今朝早就開始賴野...
好彩食粥o者....
如果唔係真係淨飲奶都似...
唔食野就唔痛囉
一食就好似俾雷劈咁....
又係唔可以發力....頂....
尋晚都仲食到肉碎+魚腩撈飯.....
而家就唔知點好勒....

CH而家D老師走鬼晒咁滯
今鑊都唔知點算
阿咸o既女朋友真係慘勒~~~
我都勁無奈
而都唔知講乜好.....
真係除左自求多福之外
無乜好野講

尋日紮完棚牙去買洗面
又俾D sales姐姐搞我...
(救命....又唔係靚女~~)
不過發覺D價錢真係.....
用開o既Neutrogena Cleanser+Mask
大中屈人死79.9
大中PKSS63.9(黃牌)
大中慢靈56.9(特價)
不過發覺自己都唔做Mask的
終於聽左好早之前子倫o既建議
買cleanser算~~
咁就係PKSS使左39.1(黃牌)
如果之前係藍田慢靈要佢個九折優惠
咁就笨七勒(事關九完都要44...)
walch成日D貨都送贈品o既.....
但係件件都好使唔好用....
俾個相架我都無用....
放係車頭都嫌細........

星期三, 8月 23, 2006

教之初體驗23/8

唔要雲吞麵~食唔到呀....
我要乾炒牛河!仲唔整?!

事關用左側門出入o既關係
而個課室又係正隔離
今日tutor同我仲有班學生
就成為左動物園o既動物.....
好橙....仲要俾果D樣衰到爆o既師奶指指點點~~

見到starter班有個學生入黎上堂之前
同佢媽媽goodbye kiss
嘩~~好warm....好sweet呢!
(如果以後真係咁唔好彩生左個仔/女,我都會咁做....)

今日三班都係做reading and writing test+speaking test
tutor做examiner
我就同D未有得做speaking test住 o既學生打牙骹....
starter班阿keroro成日整古做怪
真係無佢收....
佢將兩支筆好似茶餐廳D伙記咁分明攝係兩隻耳仔度
「喂....XXX,你做乜野?扮茶餐廳伙記呀?」
「無野呀...」
「咁仲唔收番埋兩支筆佢?唔收埋呀?係咪想同我落單呀?我要雲吞麵~」
(跟住keroro同隔離位果位女學生就開始笑....keroro仲笑到停唔到口...)
「keep quiet!仲笑呀.....係咪要我捉你入青山呀??」
(keroro仲係度笑....其實我都唔覺得好笑.....終於厲多幾眼就停口)
本來以為可以鬆一口氣....點知仲有D更杰o既野....

有個小朋友(幾歲果隻)係度門狂裝個課室
全世界學生都係度望番佢轉頭
大鑊啦~再唔搞搞佢班友實唔聽我支笛都似
即刻仆出去同個小朋友「交流下」
睇下有邊個接走佢先
果細路一見到我
問佢野又唔出聲....
淨係dup頭望住我....
原來佢係俾個maid湊緊...

搞掂返來阿咬袋話我知果個小朋友原來係佢細佬...
shit!你唔早響~
不過又幾似喎....
同佢兩個講野都係成個dup頭唔望人又唔出聲.....
你阿媽點教你兩兄弟架?
keroro又話我:「TA好鐘意BB,成日扮BB」
為左令佢收聲,我即刻回敬一句:「扮來俾你湊呀?!」
(keroro即刻俾班學生笑到面都黃....)

之後睇starter班學生D卷
apple都唔識串~~
真係嘔血@@~
唉.....救命....對住D細路就救命....

星期二, 8月 22, 2006

教之初體驗22/8

食晒D叉燒好過改你地D卷...

今個星期係last week...
真係好

今日D細路做test
有三分二o既時間都係行行企企...
悶到我暈......
亦悶到班細路暈

後尾flyer果班先有野做
就係改starter同mover o既卷...
oh my god....
真係無眼睇....
錯埋晒D低能野....
我當年都無咁差
(如果有....都俾阿媽打到PK)
fullmark25
有人夠膽死得8分....
激死@@.....

公司都算衰囉...
家陣先搞埋晒D咁o既野
揀個咩最乖最叻o既學生
送份顏色俾佢.....
分明搵我地來搞.......
真係捻人選都捻爆頭......
不過份禮物....
講真....顏色o者...多一份唔多....
要同唔要都係一樣的....

星期四, 8月 17, 2006

17/8教之初體驗

No more homework!
(係大家o既心聲)
幾時先學得晒...

今日,小弟遇到一個真正似tutor o既tutor....
小弟眼界大開....
雖然我只係一個helper
但係我已經進入左呢位tutor o既節奏
直頭融化左我....
差D變成學生

係佢身上發覺自己係有好多唔得o既地方
1.)唔夠笑容
2.)唔夠親切
3.)唔能夠令D細路融入課堂...
4.)直頭唔識湊細路....
5.)唔留意細路用緊o既 tense

除左佢無論係邊班都用同一個「低B tune」之外
(事關「低B tune」flyer班學生好唔受的)
根本無任何野可以彈
佢o既background更加無得彈.....
名校學生
經驗豐富補習老師....
今年入poly最把炮o既degree
我一聽到都滴汗....

班starter今日係呢位tutor lead之下
表現極度hyper
亦都非常專心....
我o既作用直頭等於零....
可見一名「勁」同「好」tutor o既作用係超過晒所有野
不過班starter裡面o既一群小妹妹今日突然失常
「TV哥哥.......」
「佢叫你TV哥哥呀.....」
「哈哈哈....」
(小弟無奈....唯有繼續裝傻扮瘋.....)
「你話你升小一,點解你生得咁高o既?」
「我天生異稟,又得飯多...所以生得咁高大囉...」
(又黎啦....假到唔假o既回答....佢地又係問唔到D尖銳o既問題打窒我)
「你著粉紅色衫o既?點解o既?」
「係囉係囉.....」
(又黎啦又黎啦......此時個tutor望住我.....弊勒.....本來想玩盡D講「我發緊姣嘛~」...結果無野講...P.S.如果個tutor係件豬扒,我肯定我會講得出)

Flyer o既一個學生竟然問我
「點解Miss成日笑o既?」
「Beacuse she loves laughing, that's the reason...」
應酬式o既回答
正確D來講係人地好Pro....
不過呢位哥仔幾有我o既影子
有D hea同懶,鍾意發白日夢
但係有好好o既觀察力...
(呢D細路我相信一勤力就好得人驚....)

如果堂堂都係呢個tutor就好啦.....
Oh my god! That must be beautiful~Right?
(發夢中....都係留在記憶中,學左o既野畢生銘記!)

星期三, 8月 16, 2006

16/8教之初體驗

你扮唔知定真係唔知呀?
咩話?!你都唔知?(激死我啦@@!)

班starter學生乜都聽唔明
成日話「你講乜野??」
我同佢地講「You should not speak Chinese!English please~」
佢地竟然用普通話同我講:
「我不知你在說甚麼...」
Oh my God!How would it be like that!
我俾佢地玩殘....

Mover同Flyer班我就操D要考試o既學生
見到以前o既自己同D同學囉~~
都係唔敢講野,怕醜怕人鬧....
個腦未曉捻野~~~
成日話而家教育激發創意...
我也真係睇唔出囉....
個個都係「啤」出來o既人....
如果真係要令D學生有創意
小班教學,少D「槍打出頭鳥」o既文化
鼓勵用文字表達思想,少D責備....
咁先係路架嘛.....

星期二, 8月 15, 2006

15/8 教之初體驗

爛....
這是今天的感覺

dunno竟去了拉屎.....
不知他有沒有抹乾淨他的屁股.....

tutor玩這種遊戲
一連三班也是這個手法...
鬥快舉手......答問題
Flyer有個學生一聽到這玩法
立即用不屑的眼神來回應
好....有前途....

speaking對我來說
很難教
starter那些小蛋
連聽也不行....
講更加不行....
Mover和flyer的
就老是不說話......
太乖了他們.........
況且我自己對本身的能力也存有懷疑...
哈.....

家長問我們怎教.....
怎教?其實倒不如你教我怎教....
開始明白老師其實也不是甚麼強勁
有的真是很無能....例如我...
「TA哥哥....TA老師...」
「係.....鬼~!」

星期日, 8月 13, 2006

OrThOdOnTiCs Nightmares

據醫生講,史上最痛苦o既箍法-內箍....
不過當然會靚仔D...
「醫生,可唔可以兩隻material crossover咁箍呀?」
「得!你俾兩份錢咪得囉!」
拆左棚牙出來箍都係一個唔錯o既方法...

戴左個箍成兩個星期
D想像唔到o既問題
就開始出黎....

D硬o既野就食唔到....
因為發唔到力...
一發力棚牙會痛的

D食物多渣又會好麻煩的
成日攝住係D牙同鋼線之間
之後就擘開條鋼線
棚牙就會好辛苦....
結果食完野就要刷牙....
(成世人都未試過一日刷五次牙...)
出街食野都唔敢亂來...
而家食得最多o既就係豆腐花同飲奶
早排我去M記揀8號餐來食就係咁解...
不過個餐都係食得好辛苦...
都係攝住晒...

呢兩年以下呢D食物應該與我無緣
炸到卜卜脆o既食物
花生,開心果
排骨
各類軟骨
豬扒牛扒
牛腩同未燜透o既牛筋
白切雞同豉油雞
薯片
蘋果,梨
還有好多好多硬同韌o既食物....

兩年後再食你....

星期四, 8月 10, 2006

教之初體驗(8/8-10/8)

只要一不留神
俾D細路發癲
你就難以控制場面
更加會後侮莫及.....

有人complain tutor o既pronunciation啦....
我無野好講

咬袋唔知做乜鬼
突然喊
好彩我止得快
咪咁曳啦....成日都咁貪玩!
再咁仆到D手手腳腳甩晒....

有個細路挑釁我....
想死呀~

星期四, 8月 03, 2006

教之初體驗(3/8)

趕頭趕命趕到去...
今日少左人返....
starter剩番10個

tutor今日聲沙...
變左我講多左野....
我成個presentation o既樣飛來....

班starter細路唔知點解今日咁靜....
可能因為我卦

3號波橫風橫雨都照來上堂
其實都好橙.....

flyer班有個八卦白日夢學生
佢話見到我坐地鐵喎~
但唔知我坐邊條線...
(其實想問我坐去邊度)
我答佢:「藍田地鐵站係邊條線度?梗係觀塘線嘛!」
成班學生聽到即刻群起攻之話我「狗」....

學生八卦老師bg係就係正常
但做老師唔醒目點同你D人玩?
何況仲要對住我呢個仲做緊學生o既...
我同老師玩野/睇人玩老師多過你食飯啦~
俾你睇到我坐邊間車又如何?
咪睇囉....段估你都無本事來大埔卦~~
(就算知....夠膽就踩單車來~~)

星期三, 8月 02, 2006

教之初體驗(2/8)

今日starter嚴重造反!
我已經頂唔順咬袋啦
tutor都話放棄佢算數....
唉...迫不得已...
唯有講聲「I'm sorry for your mom!」啦...
生左你呢舊飯
成日發夢
十問九唔應
做錯事又.....
唉....我都唔識講~
都唔知佢阿媽點對付佢~

咬袋成日搞D細路
呢個又投訴果個又投訴....
救命呀!終於撚手決定調佢位....
雖然一天光晒...
但咬袋就勁呆滯..
真係死得~~
(我同公司講我訓示過佢,公司反應勁緊張,其實我都無乜點o者...使乜緊張?)

俾咬袋搞到頭都痛之後
我成日都幾惡死下~~
哎o也...我都唔想的呢....
唉.........

D學生十個有九個都唔知D字點解
叫我點辦....
真係難做~~

星期二, 8月 01, 2006

教之初體驗(1/8)

今日忙死我啦...
上個星期四果日同班細路同D家長講個垃圾考試
講到一頭煙...
今日仲有得死....
又要同centre果面講數
真係大碌竹勒.....
咁大個人都唔試過呢D咁Q麻煩
又咁低能o既野

今堂開始玩listening...
真係死勒....
呢度講呢度散....
我真係擔心D細路...
我覺得我同個tutor quali都係唔夠....
誤人子弟罪大惡極...
D pronunication一定唔正(唔好講準...)
最怕聽壞D細路隻耳
到時唔知點算好~~

starter D升小一細路
個個聽到一舊飯咁~
佢地根本就未夠班做呢d listening test
佢地繼續落去同送死無分別
Mover同flyer班細路都幾叫我欣慰~~

今日Mover有個學生家長問我
佢個囡囡點....
嘩~好難答你呢!
又係hea答...
個家長話我聽佢上次考starter有14個盾...
嘩~~(即刻呆左)
不過我覺得呢個學生叻o既...
但可唔可以再有咁o既成績
我個人真係持保留態度....
當然係tutor同我麾下o既學生如果有咁好成績
我固然「舒一口氣」(唔會開心的...因為垃圾測驗無代表性~)

搞完呢D野即刻暈暈地
D學生o既late hw又改唔切
返到屋企真係散散地...