星期一, 7月 31, 2006

Wire on Block

今日又去dentist度.....
上埋後面幾個block同上Wire

都等左幾耐...
結果我係果度睇完keroro
再睇埋多啦A夢~
(好彩!大家都知架啦...星期一o既重頭節目梗係「睇叮噹」啦!小康以前上完PE堂後趕住返屋企都係因為咁...)
睇完o岩o岩就入去...

入到去個助護就問我有冇生痱子
我答:「無...」
「咁好?」
(次次都讚我o既....上次剝牙又話我隻牙難剝,肯定做好多運動....今次又話我D牙上D adhesive好易....不過咁多次我都不以為然)

係個口入面撩完一輪之後出番來
搞野o既係....o岩o岩有個師傅來整張牙科凳
佢又快快手咁截左電
當時我用一個低角度訓左係度
結果要小弟使出強勁o既腹肌(吹水o者~)
咁先起到身(其實好輕鬆....)

又睇左一陣新聞....
之後再入番去....
醫生就上Wire勒....
我以萬二分o既決心去面對呢下咁「痛苦」o既時刻....
「咦?唔痛o既?緊左D咁o者....」
醫生成個熟手技工咁紮左小弟棚牙(大家可以想像下尋日《和味無窮》中豬肉加工場果D技師)
助護吩咐小弟今晚食河粉/粥....
「唔食得飯咩?」
「唔痛o既都食得o既...」
「其實我覺得都唔痛o者,緊少少咁啦...」
「睇埋聽朝點先啦....」
(呢句明顯係覺得我講得太輕鬆,不過又睇下聽日點...)

出到去俾左個幾Q o既牙刷過我~~
(其實個形幾似Lab裡面果隻洗testtube o既brush,不過size當然更細...)
滿心歡喜之際
返到屋企先發覺原來都唔係咁好用....

今日下晝去番新街市近lift果檔食魚蛋粉...
好似差左咁多咁o既??
我捻以後都唔再去lu(D炸魚片酸酸地o既...)
同一個都叫做熟熟地o既阿姐傾計(佢仲認得我...)
佢問我有冇A/B/C
我誠實咁答佢無....
算啦....有又好無又好,搵得多錢就最好..........

星期五, 7月 28, 2006

Metal Teeth

今日終於開始了Metal Teeth生涯...
未來兩年都會是這樣子....

合上嘴巴.....
嘩...痛呢~~
終於明白某藝人說到他箍牙後不能「錫錫」的原因
那些blocks make your cavity hurts!
不要說「錫錫」
連說話也有點問題(現在開始習慣,好了點點...)
希望未來兩年不要得罪任何人
否則給人家請吃「兜搥窩面」
受傷的嚴重程度一定升級.......
(當然更希望大家不會看今期的MAXIM,要不然我便當災了~)

裝上了blocks
沒法子不變成「M咀」....
現在這個不是我最擔心的
反而是最後拆掉所有blocks後
會不會變成「嘟嘴」.....
(相信這種「嘟嘴」不會被形容為可愛...)

雖然說話有點困難
但仍奮力和惡魔agent大戰~~
戰績叫不錯的了~~~
唉...大慨只怪我太蠢.....

燒肉等了那麼終於有工送上門~~
祝他好運,不要給黑面神戲弄吧!

星期四, 7月 27, 2006

預知

有時上緊堂都會捻下D無聊野
因為有時真係無野做~~~

見到D細路...
忽發奇想.....
佢地過多十年(好似我咁大)會係咩樣
靚唔靚仔?靚唔靚女??
假如我有咁o既本事
睇得透佢地個樣...
都唔錯o既....

睇落去覺得有D細路個樣唔會點變
多數都係眼大
或者覺得佢係個樣發展得幾成熟....
(至少你唔會覺得佢地大個左仲係會keep住咁o既樣...)
(好可能因為你從來無見過有咁BB o既樣出現係成人世界裡面)

呢一刻
我都幾想同D細路影番幅相
唉....不過centre禁拍的~~
如果有機會一定要做下呢D研究!!
相信會幾過癮....

星期三, 7月 26, 2006

教之初體驗(26/7)

今日刷新紀錄
50min就去到lu...
(我已經慢慢咁行,遲一班MTR先上...)
D細路認得我啦...
(但我而家先開始認得下佢地)
個個都同我say hi.....

買左本megazine一路等一路睇....
嘩....入到去D細路已經坐定定....
starter D細路今日表現(秩序)唔錯~~
不過尋日俾keroro果條細路(下稱"keroro")今日開始整古做怪....
我行過keroro身邊佢就係咁望住我...
又發出怪聲...
做野啦哥仔!你唔做我保你大呀~~

Mover個心急細路(下稱"阿急")今日開始變壞...
平時做野鬼咁快,坐係度無野做梗無聊...
阿急就係度怪聲頻頻...
我隻耳唔係七老八十
實聽得出邊個做o既...
我stare at you唔代表我唔會鬧你....

Flyer班教數字
差D唔記得D字點串~~~
呢D咩twelveth真係考起我~~
鬼會用咩而家~~~

星期二, 7月 25, 2006

教之初體驗(25/7)

趕頭趕命食完個接近正餐o既下午茶
再等埋個哥仔整好個broadband
firm下上到網未....
1640先出門口...
出奇仍然1740就到....

starter開始左成兩三個字
dunno同咬袋呢兩條麻煩友都未出現
心捻「正!今日梳乎呢!」
開心左唔夠十秒....
兩條豆釘就入左來....
好彩呢兩條友今日無造反~~
不過呢兩條友一個遊雲(咬袋)一個又係乜都唔識(dunno)
咬袋真係一舊飯咁
又唔記得帶ballpen
話過佢聽又唔知做乜...
完全唔知自己做緊乜....
隔離位小妹妹都擰晒頭....

有個細路上緊堂突然show本notebook我睇~~
原來畫左個軍曹(keroro)係上面...
唉.....
「喂!keroro呀!」
「上緊堂喎!你拎出來做乜野呀?keroro點串呀?」
「唔識....」
「咁專心上堂啦dororo!」
(條友仔唔識dororo....雖然我無睇軍曹o者,都知有隻田雞叫dororo啦!)
(D日本文化由細就開始入侵我地中國小朋友o既生活,又有咩理由我地呢代人唔係日本文化o既奴隸呢?幾時有「有中國特色o既卡通片」呀??)

Mover有個細路做野做得好鬼快~
叻就係叻o既...
但係心急又粗心大意囉!(小弟小時候o既模樣....)
為左等佢知死~~
佢錯一題我就寸佢一次~~
希望佢大徹大悟啦~~~

呢note又錯到離晒譜~~
搞到我教錯晒~~
仲連爆幾句粗
「God dxxn it!」
「What the hell...」
呢D咁「高級」o既coarse language
D細路應該唔識o既!

星期五, 7月 21, 2006

What the....

尋日上堂果陣....
俾D troublesome o既野搞到火都黎...
我係咁「What the....」
好彩唔算粗口.....


我又再享受D唔使講野o既時間...
不過洗牙真係痛過剝牙....
醫生真係大大力咁將個洗牙器車晒黎....
又無麻醉針(不過打完麻醉針真係乜feel到無,連條tongue都郁唔到)
(所以會流口水...)
D牙石又真係飛晒出來....
不過醫生你又唔使唔好意思o既
你都係無心o者...

同當年牙科保健唔同
除左個staff一路鬧我一路洗牙之外
仲有梗係會call D senior o既來睇下我o既情況
(我同老大都差唔多次次都有咁o既情況,可能我地天生牙漬多要研究下)
通常呢D senior staff都會係我棚牙度掘野
但係又唔知掘乜....
次次都搞成十幾廿分鐘....
然後又再鬧多幾下,咁就鬆人
好彩都無下文
(據聞除左發現蛀牙之外,其他都唔會有手尾跟)


無記真係好野...
將D《多啦X夢》o既腩飯炒一碟又係一個新o既節目

今日report果陣
問我去唔去TM
我梗係唔去
睬你都傻!
起碼加多倍人工先去啦!

有D事情真係要狠狠咁做...
咁先唔使後悔....

星期四, 7月 20, 2006

教之初體驗(20/7)

來來去去都係D starter細路最大問題....
咬袋繼續玩野~~
又唔做野~~係度扭計
(如果我係佢老豆老母,我捻我可能會有一巴一巴咁扯埋去o既衝動)
我叫佢寫返晒D ex. o既 Answer上去
佢好X抵死咁續個續個letter一路大大聲串一路寫...
寫完一個就停手唔再做....
分明搞對抗...

聽tutor講dunno仲抵死
乜X都唔識,就等ans
跟住抄番落去
仲話好囂張咁講「我都識啦!」
你條豆釘識X!
你做o岩全靠你媽媽咋!
生性D自己努力做好佢好唔好?

Mover同Flyer班雖然上得辛苦
但肯定做得開心D
不過D Material就好有問題
灰色竟然寫成"gray"
喂!大佬呀!小學6年級都知"gray"係American English啦!
正確o既寫法應該係"grey"!
仲話係Cambridge....咪笑大人個口啦!
仲有True/False D 答案好無稜兩可...
我都懷疑緊負責edit D note果班人係咪Cambridge人~~
錯埋晒D低級錯誤....

centre D staff有好多mistakes...
嘩...張點名紙成日亂點鴛鴦....
真係玩到我地殘....
算吧啦都係唔好再理......

星期三, 7月 19, 2006

教之初體驗(19/7)

Starter班細路開始作反啦....
尋日個俾媽媽篤穿玩水o既細路
今日又玩野...
又要去washroom
之後係度寸嘴(結果俾tutor寸返轉頭!Miss好野!)
又為求引我同tutor注意
玩咬筆袋...(下稱此細路為「咬袋」)
隔離個同學仔帶左支水入來問飲唔飲得
基於人道理由
梗係俾佢飲
點知咬袋又話要飲,
我問佢有無帶水入來
佢話無,仲想走出去飲
嘩....佢一走出來成隻甩繩馬騮咁
走失左我邊度搵返個一模一樣o既俾佢媽媽?
梗係No way!

搞掂一件,第二件又作反~~~
原本上堂乖乖又乜都唔識o既學生
(以下稱作"dunno")
今堂來之前做晒D所有ex.
(佢話佢媽媽教的...唉!)
classwork時間無野做
把口就開始唔聽話
Dunno懶叻咁向D classmate展示佢做晒
又話一定o岩...
咁又點??識唔識先?你o岩得一次,下次又點先?
(多得你班家長唔少...如果唔知做幾多野就無得講,果D心急o既不如全部俾晒你教~)

Flyer果班有個新來學生o既家長問係咪英文授課喎~
得!你D仔女得唔得o者
我一向都唔建議揠苗助長o既....
可能你個細路叻...
但我地唔係睇一個細路...
係睇十幾個
你天生異稟,醒目過人一教即明當然歡迎
但係有D學生雞腸都唔識多隻
假如先天不足,我地就算係生神仙都救你唔到...
係咪咁話?

D新到o既學生搞到我都有D手忙腳亂~~
堂就要上架勒~~
盡人事做番D野俾你~~
其餘o既真係睇你o既造化架啦!

星期二, 7月 18, 2006

教之初體驗(18/7)

第一日返份打雜工
(咪講笑,呢份真係叫"TA")
(我不是tutor,小弟只係個assistant)
發覺唔係打雜
係萬能俠....
廿幾蚊請到小弟呢個英俊瀟灑又爆有責任心o既萬能俠返來
真係好過中六合彩...

上完第一日
第一樣感受到我以前小學幾對唔住D Miss阿sir
感受到為人師表做人老豆/母果種感覺
個仔/女造反/扮白痴係幾咁火滾
第二樣係我原來都有potential做補習
第三樣係我將我其中一條人生底線降低左

五湖四海過夜校
係呢個course(劍橋英語測試)o既其中一個寫照
D人乜都唔識
講真,呢個班其實好似Tofel班果D咁
最終都要考試
D家長以為係暑期英文興趣班
為名為利o既,當然係個好選擇
但係為提升英文level
我覺得似送死多D
一個月提升英文能力
靈X風每日30分鐘都做唔到
何況呢個course...
考試PK咪仲橙....
各位家長,咪癲啦!

D小朋友係幾得意o既(唔用可愛...可愛唔o岩用)
Starter(prom. to P1-2)班細路唔怕人
第一日應該無乜野(唔熟嘛!)
聽日就唔知
不過已經有人多嘴勒....
條細路又成日話要去廁所
(入左去Washroom後被佢媽媽篤穿佢去玩水)
又鬼咁多request
幾經辛苦先搞到佢乖乖地唔亂來...
睇來我就來要「調教」下佢...
Mover(Prom. to P.3-4)同Flyer(Prom. to P.5-6)D學生好乖
有D都幾好學...(作為「老師」值得高興o既事)

D家長個個企晒係門口...
本來我都幾唔like
但後來先發覺原來佢地係我同個tutor o既最勁後台
(可能係咁D細路先唔造反)
結果由得佢地企
不過小弟對佢地D王子格格咁招呼週到
(陪佢地去到Washroom門口,成個保鏢咁)
(黃子華果套叫《一蚊雞保鏢》,咁我就係《廿蚊雞保鏢》勒!)
佢地睇到應該無乜意見...

「阿sir...」
唔止D細路咁叫我
連上堂果度D staff都咁叫我
真係勁唔慣....
(雖然當年係大強補習社o既時候已經有細路叫錯左我做阿sir)
都係喜歡人地叫我「哥仔」...
(當然叫「靚仔」更加受落...)

仲有十七日....
(待續...)

星期五, 7月 14, 2006

K'st

某年的七月十四
有你們......
Cwa你瘦了許多呢....
第一眼看去也看得我傻了眼
真的夠瘦了...

早回的三個願望
終於完結了....
感謝....
所有不論知道或者不知道有這回事的人~

在K店裡我的表現很差勁....
聲線還是很弱
那些老手唱得很不錯...
相比起來覺得自己像瘋狗亂吠....
最讓我刮目相看的是fucky....
和F.5時候的他很不一樣
至少他唱《明年今日》
我不會再伏下來.....
要是有A仔
該會拍下他激動的樣子...

小龍和毛毛他倆很搞笑
一面唱一面模仿KTV裡的動作
令我驚訝的是小龍點了《Making Love Out Of Nothing At All》
這Air Supply的曲子很難唱...
那些高音很難reach
不過小龍點了的原因相信是因為謝檸檬在他的concert裡唱過的關係
原唱Air Supply那女人聲矮佬(記不起他叫甚麼名字了)
真的很強,高音再高音也游刃有餘...
不過那兒的人好像不太懂英文歌
幾少我點的那兩首Bee Gees也沒甚麼人懂唱
(感謝小龍讓我知道《掃墓》的原曲是《愛慕》....)

XXXXXXX!

對我來說,
全晚的高潮在《少理XX》....
像我一樣懂唱的當然很high...
不懂唱的看了歌詞應該也會捧腹發笑
雖然十分不文....
但間中唱一下也倒過癮.....

P.S.確實很後悔忘記帶A仔~
沒機會和大家拍照.....
N記的食物一般吧....
又沒我想像中那麼乾淨...
Cwa燒肉和阿咸他們沒怎樣唱
真怕會悶壞他們...

星期三, 7月 12, 2006

放假好定讀書好?

這個是我今早買早餐...
由一個女人問一個小孩時聽到的話題

「放假好...」
當然~哪有小孩說放假不好的?
不用整天寫那些被形容為會「寫斷手」的生字
不用整天做那些叫人苦惱不堪的數學習題
不用整天再記那些可惡而只會在英文課才使用的英文生字...
可以躲在家裡看電視
玩遊戲機
就是那麼簡單....

曾幾何時我也就是這樣子....
「讀書好」只會是媽媽說的話....
人大了,望望四周的朋友
讀書可以是實踐理想
也可以是消磨青春
實踐理想當然好....
消磨青春就可不是我那回事
因為我再沒有多少可以消磨...

過了630後
就發覺不論甚麼也好
也比不上「錢」和「健康好」.....